ਨਵੀਂ ਦਿੱਲੀ 16 ਜੂਨ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਦਾੰਬੁਲਾ ਵਿੱਚ ਇੰਡੀਆ-ਏ ਅਤੇ ਸ਼੍ਰੀਲੰਕਾ-ਏ ਵਿਚਾਲੇ ਸੋਮਵਾਰ ਨੂੰ ਖੇਡਿਆ ਗਿਆ ਟ੍ਰਾਈ-ਸੀਰੀਜ਼ ਦਾ ਮੈਚ ਵਿਵਾਦਾਂ ਅਤੇ ਖਿਡਾਰੀਆਂ ਵਿਚਾਲੇ ਹੋਈ ਤਣਾਤਣੀ ਲਈ ਯਾਦ ਰੱਖਿਆ ਜਾਵੇਗਾ। ਮੈਚ ਤੋਂ ਬਾਅਦ ਮਾਹੌਲ ਇੰਨਾ ਗਰਮ ਹੋ ਗਿਆ ਕਿ ਭਾਰਤੀ ਨੌਜਵਾਨ ਬੈਟਰ ਵੈਭਵ ਸੂਰਿਆਵੰਸ਼ੀ ਅਤੇ ਇੱਕ ਸ਼੍ਰੀਲੰਕਾਈ ਖਿਡਾਰੀ ਵਿਚਾਲੇ ‘ਧੱਕਾ-ਮੁੱਕੀ’ ਵੀ ਹੋਈ।
ਇਹ ਮੈਚ ਬੇਹੱਦ ਨਾਟਕੀ ਅੰਦਾਜ਼ ਵਿੱਚ ਖ਼ਤਮ ਹੋਇਆ, ਜਿਸ ਵਿੱਚ ਸ਼੍ਰੀਲੰਕਾ ਏ ਨੇ ਇੰਡੀਆ ਏ ਨੂੰ ਸੁਪਰ ਓਵਰ ਵਿੱਚ ਹਰਾ ਕੇ ਫਾਈਨਲ ਲਈ ਆਪਣਾ ਦਾਅਵਾ ਮਜ਼ਬੂਤ ਕੀਤਾ ਪਰ ਵੈਭਵ ਸੂਰਿਆਵੰਸ਼ੀ ਮੈਚ ਤੋਂ ਬਾਅਦ ਕਿਉਂ ਨਾਰਾਜ਼ ਹੋ ਗਏ ਸਨ, ਆਓ ਪੂਰਾ ਮਾਮਲਾ ਜਾਣਦੇ ਹਾਂ।
ਵੈਭਵ ਸੂਰਿਆਵੰਸ਼ੀ ਦੀ ਸ਼੍ਰੀਲੰਕਾਈ ਖਿਡਾਰੀ ਨਾਲ ਕਿਉਂ ਹੋਈ ਲੜਾਈ
ਦਰਅਸਲ, ਕ੍ਰਿਕਬਜ਼ ਦੀ ਰਿਪੋਰਟ ਮੁਤਾਬਕ, ਸ਼੍ਰੀਲੰਕਾ ਏ ਦੇ ਖਿਡਾਰੀ ਵਿਸ਼ੇਨ ਹਲਾਮਬਗੇ ਨੇ ਵੈਭਵ ਸੂਰਿਆਵੰਸ਼ੀ ਨੂੰ ਕਿਹਾ, “ਮੈਚ ਖ਼ਤਮ… ਹੁਣ ਤੁਸੀਂ ਘਰ ਜਾਓ…”। ਇਹ ਸੁਣ ਕੇ ਭਾਰਤੀ ਬੱਲੇਬਾਜ਼ ਨੂੰ ਕਾਫੀ ਗੁੱਸਾ ਆਇਆ ਅਤੇ ਗੱਲ ਇੰਨੀ ਵਧ ਗਈ ਕਿ ਦੋਵਾਂ ਵਿਚਾਲੇ ਥੋੜ੍ਹੀ ‘ਧੱਕਾ-ਮੁੱਕੀ’ ਵੀ ਹੋਈ। ਇਸ ਤੋਂ ਬਾਅਦ ਅੰਪਾਇਰਾਂ ਅਤੇ ਦੂਜੇ ਖਿਡਾਰੀਆਂ ਨੂੰ ਵਿਚ-ਬਚਾਅ ਕਰਨਾ ਪਿਆ।
ਤੌਰ ‘ਤੇ ‘ਏ’ ਟੀਮਾਂ ਦੇ ਅਜਿਹੇ ਮਾਮਲਿਆਂ ਵਿੱਚ ICC ਦਖ਼ਲ ਨਹੀਂ ਦਿੰਦਾ ਪਰ ਇਸ ਵਾਰ ਉਹ ਮਾਮਲੇ ਨੂੰ ਦੇਖ ਸਕਦਾ ਹੈ। ਰਿਪੋਰਟ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਮੈਚ ਤੋਂ ਬਾਅਦ ਸ਼੍ਰੀਲੰਕਾ ਏ ਦੇ ਡਰੈਸਿੰਗ ਰੂਮ ਵਿੱਚ ਇਸ ਘਟਨਾ ‘ਤੇ ਗੱਲ ਹੋਈ। ਡਰੈਸਿੰਗ ਰੂਮ ਵਿੱਚ ਕੁਝ ਲੋਕਾਂ ਨੇ ਕਿਹਾ ਕਿ ਟੀਮ ਨੂੰ ਭਾਰਤੀ ਟੀਮ ਤੋਂ ਮਾਫ਼ੀ ਮੰਗਣੀ ਚਾਹੀਦੀ ਹੈ। ਖ਼ਾਸਕਰ ਇਸ ਲਈ ਕਿਉਂਕਿ ਸਟੇਡੀਅਮ ਵਿੱਚ ਰੋਸ਼ਨੀ ਘੱਟ ਹੋਣ ਦੇ ਬਾਵਜੂਦ ਸੁਪਰ ਓਵਰ ਕਰਵਾਇਆ ਗਿਆ ਸੀ।
ਸੁਪਰ ਓਵਰ ਦੀ ਆਖ਼ਰੀ ਗੇਂਦ ਨੂੰ ਨੋ-ਬਾਲ ਦੇਣ ‘ਤੇ ਵਿਵਾਦ
ਸੁਪਰ ਓਵਰ ਦੀ ਆਖ਼ਰੀ ਗੇਂਦ ਸੁੱਟਣ ਤੋਂ ਬਾਅਦ ਵੈਭਵ ਤੁਰੰਤ ਡਗਆਊਟ ਵੱਲ ਭੱਜੇ ਅਤੇ ਬੈਟਿੰਗ ਦੇ ਪੈਡ ਉਤਾਰ ਦਿੱਤੇ ਪਰ ਅੰਪਾਇਰਾਂ ਨੇ ਇਸ ਨੂੰ ਨੋ-ਬਾਲ ਦੇ ਦਿੱਤਾ। ਇਸ ਗੱਲ ਤੋਂ ਤਿਲਕ (ਵਰਮਾ) ਵੀ ਕਾਫੀ ਨਾਰਾਜ਼ ਸਨ ਅਤੇ ਅੰਪਾਇਰ ਨਾਲ ਬਹਿਸ ਕਰਨ ਲੱਗੇ। ਇਸ ਤੋਂ ਬਾਅਦ ਵੈਭਵ ਨੂੰ ਪੈਡ ਵਾਪਸ ਪਾ ਕੇ ਮੈਦਾਨ ‘ਤੇ ਆਉਣਾ ਪਿਆ ਅਤੇ ਸੁਪਰ ਓਵਰ ਦੀ ਆਖ਼ਰੀ ਗੇਂਦ ਸੁੱਟਣੀ ਪਈ।
ਸੁਪਰ ਓਵਰ ‘ਚ ਇੰਡੀਆ ਏ ਨੂੰ ਮਿਲੀ ਹਾਰ
ਵਨਡੇ ਕ੍ਰਿਕਟ ਵਿੱਚ ਆਮ ਤੌਰ ‘ਤੇ ਸੁਪਰ ਓਵਰ ਨਹੀਂ ਹੁੰਦਾ ਹੈ ਪਰ ਇਸ ਸੀਰੀਜ਼ ਲਈ ਤਿੰਨਾਂ ਬੋਰਡਾਂ ਨੇ ਸਹਿਮਤੀ ਦਿੱਤੀ ਸੀ ਕਿ ਜੇਕਰ ਮੈਚ ਟਾਈ ਹੁੰਦਾ ਹੈ ਤਾਂ ਸੁਪਰ ਓਵਰ ਕਰਵਾਇਆ ਜਾਵੇਗਾ। ਮੈਚ ਟਾਈ ਹੋਣ ਤੋਂ ਬਾਅਦ ਅੰਪਾਇਰ ਦੋਵਾਂ ਟੀਮਾਂ ਨੂੰ ਇੱਕ-ਇੱਕ ਅੰਕ ਦੇਣਾ ਚਾਹੁੰਦੇ ਸਨ ਕਿਉਂਕਿ ਰੋਸ਼ਨੀ ਘੱਟ ਸੀ ਅਤੇ ਫਲੱਡ ਲਾਈਟਾਂ ਦੀ ਵਰਤੋਂ ਨਹੀਂ ਕੀਤੀ ਜਾ ਸਕਦੀ ਸੀ ਪਰ ਇੰਡੀਆ ਏ ਦੇ ਕਪਤਾਨ ਤਿਲਕ ਵਰਮਾ ਨਤੀਜੇ ਤੋਂ ਖ਼ੁਸ਼ ਨਹੀਂ ਸਨ ਅਤੇ ਉਹ ਲਗਾਤਾਰ ਅੰਪਾਇਰਾਂ ‘ਤੇ ਸੁਪਰ ਓਵਰ ਕਰਵਾਉਣ ਦਾ ਦਬਾਅ ਪਾ ਰਹੇ ਸਨ। ਅਜਿਹਾ ਕਰੀਬ 15 ਮਿੰਟ ਚੱਲਿਆ ਅਤੇ ਉਸ ਤੋਂ ਬਾਅਦ ਅੰਪਾਇਰਾਂ ਨੇ ਸੁਪਰ ਓਵਰ ਕਰਵਾਉਣ ਦਾ ਫੈਸਲਾ ਲਿਆ।
ਸੁਪਰ ਓਵਰ ਵਿੱਚ ਇੰਡੀਆ ਏ ਵੱਲੋਂ ਅਰਸ਼ਦ ਖਾਨ ਗੇਂਦਬਾਜ਼ੀ ਕਰਨ ਆਏ ਪਰ ਇਸ ਵਾਰ ਉਹ ਮਹਿੰਗੇ ਸਾਬਤ ਹੋਏ। ਉਨ੍ਹਾਂ ਨੇ ਇੱਕ ਵਾਈਡ ਅਤੇ ਇੱਕ ਨੋ-ਬਾਲ ਸਮੇਤ ਕੁੱਲ 16 ਦੌੜਾਂ ਦੇ ਦਿੱਤੀਆਂ। ਜਵਾਬ ਵਿੱਚ ਭਾਰਤ ਨੂੰ ਜਿੱਤ ਲਈ 17 ਦੌੜਾਂ ਚਾਹੀਦੀਆਂ ਸਨ। ਹੈਰਾਨੀ ਦੀ ਗੱਲ ਇਹ ਰਹੀ ਕਿ ਵੈਭਵ ਨੇ ਸੁਪਰ ਓਵਰ ਦੀ ਪਹਿਲੀ ਗੇਂਦ ਦਾ ਸਾਹਮਣਾ ਨਹੀਂ ਕੀਤਾ। ਸ਼੍ਰੀਲੰਕਾ ਦੇ ਸਲਿੰਗ ਐਕਸ਼ਨ ਵਾਲੇ ਤੇਜ਼ ਗੇਂਦਬਾਜ਼ ਕੁਗਾਥਾਸ ਮਥੂਲਨ ਨੇ ਦਬਾਅ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕਰਦੇ ਹੋਏ ਭਾਰਤ ਨੂੰ ਸਿਰਫ਼ 9 ਦੌੜਾਂ ‘ਤੇ ਰੋਕ ਦਿੱਤਾ ਅਤੇ ਆਪਣੀ ਟੀਮ ਨੂੰ ਇੱਕ ਯਾਦਗਾਰ ਜਿੱਤ ਦਿਵਾਈ।
