ਨਵੀਂ ਦਿੱਲੀ 26 ਅਗਸਤ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਪੈਗੰਬਰ ਮੁਹੰਮਦ ਦੇ ਜਨਮ ਦਿਨ ‘ਈਦ-ਏ-ਮਿਲਾਦ-ਉਨ-ਨਬੀ’ ਦੇ ਮੌਕੇ ‘ਤੇ ਬੁੱਧਵਾਰ, 26 ਅਗਸਤ ਨੂੰ ਦੇਸ਼ ਭਰ ਦੇ ਕਈ ਰਾਜਾਂ ‘ਚ ਬੈਂਕ ਬੰਦ ਰਹਿਣਗੇ। ਭਾਰਤੀ ਰਿਜ਼ਰਵ ਬੈਂਕ (RBI) ਦੇ ਛੁੱਟੀਆਂ ਦੇ ਕੈਲੰਡਰ ਦੇ ਅਨੁਸਾਰ, ਇਹ ਛੁੱਟੀ ਦੇਸ਼ ਭਰ ‘ਚ ਇੱਕੋ ਸਮੇਂ ਨਹੀਂ ਮਨਾਈ ਜਾਂਦੀ ਹੈ ਪਰ ਇਹ ਰਾਜ-ਵਿਸ਼ੇਸ਼ ਹੈ।
ਬੈਂਕ ਕਿੱਥੇ ਬੰਦ ਰਹਿਣਗੇ?
ਤੁਹਾਡੀ ਜਾਣਕਾਰੀ ਲਈ, ਬੁੱਧਵਾਰ ਨੂੰ ਕਈ ਰਾਜਾਂ ‘ਚ ਬੈਂਕ ਸ਼ਾਖਾਵਾਂ ਪੂਰੀ ਤਰ੍ਹਾਂ ਬੰਦ ਰਹਿਣਗੀਆਂ, ਜਿਨ੍ਹਾਂ ‘ਚ ਮੁੱਖ ਤੌਰ ‘ਤੇ ਮਹਾਰਾਸ਼ਟਰ, ਉੱਤਰ ਪ੍ਰਦੇਸ਼, ਦਿੱਲੀ, ਕਰਨਾਟਕ, ਮੱਧ ਪ੍ਰਦੇਸ਼, ਤਾਮਿਲਨਾਡੂ ਅਤੇ ਤੇਲੰਗਾਨਾ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਕੇਰਲ ‘ਚ ਬੈਂਕ ਕਰਮਚਾਰੀ ਵੀ ਇਸ ਦਿਨ ‘ਤਿਰੂਵੋਣਮ’ ਤਿਉਹਾਰ ਕਾਰਨ ਛੁੱਟੀ ਰਹਿਣਗੇ।
