ਨਵੀਂ ਦਿੱਲੀ 25 ਅਗਸਤ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਭਾਰਤ ਦੇ ਯੁਵਾ ਸਿਤਾਰੇ 15 ਸਾਲਾ ਵੈਭਵ ਸੂਰਿਆਵੰਸ਼ੀ ‘ਤੇ ਹੁਣ ਪੂਰੀ ਦੁਨੀਆ ਦੀਆਂ ਨਜ਼ਰਾਂ ਰਹਿੰਦੀਆਂ ਹਨ। ਇਸ ਯੁਵਾ ਬੱਲੇਬਾਜ਼ ਨੇ ਆਪਣੀ ਤੂਫ਼ਾਨੀ ਬੱਲੇਬਾਜ਼ੀ ਨਾਲ ਇਹ ਮੁਕਾਮ ਹਾਸਲ ਕੀਤਾ ਹੈ। ਜਦੋਂ ਵੀ ਉਹ ਮੈਦਾਨ ‘ਤੇ ਉਤਰਦੇ ਹਨ ਤਾਂ ਮੈਦਾਨ ਵਿੱਚ ਬੈਠੇ ਲੋਕਾਂ ਤੋਂ ਲੈ ਕੇ ਸੋਸ਼ਲ ਮੀਡੀਆ ਤੱਕ ਇਹੀ ਚਰਚਾ ਹੁੰਦੀ ਹੈ ਕਿ ਵੈਭਵ ਨੇ ਕੀ ਕੀਤਾ? ਇਸ ਦੀ ਇੱਕ ਤਾਜ਼ਾ ਉਦਾਹਰਣ ਦੇਖਣ ਨੂੰ ਮਿਲੀ ਹੈ ਜਿੱਥੇ ਵੈਭਵ ਦੀ ਜਰਸੀ ਦਾ ਨੰਬਰ ਚਰਚਾ ਦਾ ਕੇਂਦਰ ਬਣ ਗਿਆ।
ਖੱਬੇ ਹੱਥ ਦਾ ਇਹ ਬੱਲੇਬਾਜ਼ ਇਸ ਸਮੇਂ ਦਲੀਪ ਟਰਾਫੀ ’ਚ ਈਸਟ ਜ਼ੋਨ ਵੱਲੋਂ ਖੇਡ ਰਿਹਾ ਹੈ। ਵੈਭਵ ਟੀਮ ਦੇ ਉਪ-ਕਪਤਾਨ ਹਨ। ਉਹ ਪਹਿਲੀ ਵਾਰ ਇਹ ਟਰਾਫੀ ਖੇਡ ਰਹੇ ਹਨ ਅਤੇ ਡੈਬਿਊ ਦੀ ਪਹਿਲੀ ਪਾਰੀ ’ਚ ਕੁਝ ਖ਼ਾਸ ਨਹੀਂ ਕਰ ਸਕੇ। ਦੋ ਚੌਕਿਆਂ ਦੀ ਮਦਦ ਨਾਲ ਅੱਠ ਦੌੜਾਂ ਬਣਾ ਕੇ ਉਹ ਆਊਟ ਹੋ ਗਏ ਪਰ ਉਨ੍ਹਾਂ ਦਾ ਜਰਸੀ ਨੰਬਰ ਨਜ਼ਰਾਂ ’ਚ ਆ ਗਿਆ।
ਜਰਸੀ ‘ਤੇ ਲਗਾਇਆ ਟੇਪ
ਵੈਭਵ ਦੀ ਜਰਸੀ ਇਸ ਲਈ ਚਰਚਾ ਦਾ ਕੇਂਦਰ ਬਣ ਗਈ ਕਿਉਂਕਿ ਉਸ ’ਤੇ ਟੇਪ ਲੱਗੀ ਹੋਈ ਸੀ। ਵੈਭਵ ਦਾ ਜਰਸੀ ਨੰਬਰ ਦੋ ਅੰਕਾਂ ਦਾ ਸੀ ਜਿਸਦਾ ਆਖਰੀ ਅੰਕ ਤਿੰਨ ਸੀ ਪਰ ਇਸ ਤੋਂ ਪਹਿਲੇ ਵਾਲੇ ਨੰਬਰ ‘ਤੇ ਉਨ੍ਹਾਂ ਨੇ ਟੇਪ ਲਗਾ ਰੱਖੀ ਸੀ। ਇਸੇ ਨੂੰ ਲੈ ਕੇ ਕਿਆਸ ਲਗਾਏ ਜਾਣ ਲੱਗੇ ਕਿ ਵੈਭਵ ਨੇ ਟੇਪ ਕਿਉਂ ਲਗਾਈ? ਕੀ ਉਨ੍ਹਾਂ ਨੂੰ ਉਨ੍ਹਾਂ ਦਾ ਪਸੰਦੀਦਾ ਜਰਸੀ ਨੰਬਰ ਨਹੀਂ ਮਿਲਿਆ?
ਵੈਭਵ ਆਈ.ਪੀ.ਐੱਲ. ’ਚ ਰਾਜਸਥਾਨ ਰਾਇਲਜ਼ ਲਈ ਖੇਡਦੇ ਹਨ ਅਤੇ ਉਹ ਇਸ ਟੀਮ ਲਈ ਵੀ ਤਿੰਨ ਨੰਬਰ ਦੀ ਜਰਸੀ ਪਹਿਨਦੇ ਹਨ। ਹੋ ਸਕਦਾ ਹੈ ਕਿ ਵੈਭਵ ਨੂੰ ਕੋਈ ਹੋਰ ਨੰਬਰ ਮਿਲਿਆ ਹੋਵੇ ਅਤੇ ਉਨ੍ਹਾਂ ਨੇ ਇੱਕ ਅੰਕ ਛੁਪਾ ਕੇ ਉਸਨੂੰ ਤਿੰਨ ਕਰ ਦਿੱਤਾ ਹੋਵੇ।
ਜਿੱਤ ‘ਤੇ ਹੋਣਗੀਆਂ ਨਜ਼ਰਾਂ
ਵੈਭਵ ਚਾਹੁਣਗੇ ਕਿ ਉਨ੍ਹਾਂ ਦੀ ਟੀਮ ਨਾਰਥ-ਈਸਟ ਜ਼ੋਨ ਦੇ ਖ਼ਿਲਾਫ਼ ਖੇਡੇ ਜਾ ਰਹੇ ਮੈਚ ਵਿੱਚ ਜਿੱਤ ਹਾਸਲ ਕਰੇ। ਨਾਲ ਹੀ ਉਨ੍ਹਾਂ ਦੀ ਕੋਸ਼ਿਸ਼ ਹੋਵੇਗੀ ਕਿ ਦੂਜੀ ਪਾਰੀ ਵਿੱਚ ਉਨ੍ਹਾਂ ਨੂੰ ਮੌਕਾ ਮਿਲੇ ਅਤੇ ਉਹ ਇੱਕ ਵੱਡੀ ਪਾਰੀ ਖੇਡਣ। ਨਾਰਥ ਜ਼ੋਨ ਦੀ ਟੀਮ ਨੇ ਪਹਿਲੀ ਪਾਰੀ ਵਿੱਚ 467 ਦੌੜਾਂ ਬਣਾਈਆਂ। ਉਸ ਵੱਲੋਂ ਸ਼ਹਬਾਜ਼ ਅਹਿਮਦ ਨੇ 167 ਅਤੇ ਸੁਦੀਪ ਕੁਮਾਰ ਘਾਰਾਮੀ ਨੇ 146 ਦੌੜਾਂ ਦੀਆਂ ਪਾਰੀਆਂ ਖੇਡੀਆਂ।
