ਨਵੀਂ ਦਿੱਲੀ 06 ਅਗਸਤ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਟੀਵੀ ਦੇ ਵਿਵਾਦਿਤ ਸ਼ੋਅ ਬਿੱਗ ਬੌਸ 20 (Bigg Boss 20) ਦਾ ਕਾਊਂਟਡਾਊਨ ਸ਼ੁਰੂ ਹੋ ਗਿਆ ਹੈ। ਉੱਥੇ ਹੀ ਮੇਕਰਸ ਨੇ ਇਸ ਦੇ ਫਸਟ ਲੁੱਕ ਲੋਗੋ ਦੀ ਇੱਕ ਝਲਕ ਦਿਖਾ ਕੇ ਪ੍ਰਸ਼ੰਸਕਾਂ ਦੇ ਦਿਲਾਂ ਦੀਆਂ ਧੜਕਣਾਂ ਨੂੰ ਹੋਰ ਵਧਾ ਦਿੱਤਾ ਹੈ।
ਸਾਹਮਣੇ ਆਈ ਬਿੱਗ ਬੌਸ 20 ਦੇ ਘਰ ਦੀ ਪਹਿਲੀ ਝਲਕ
ਇਸ ਮੋਸਟ ਪਾਪੂਲਰ ਸ਼ੋਅ ਦੇ ਜ਼ਰੀਏ ਇੱਕ ਵਾਰ ਫਿਰ ਸਲਮਾਨ ਖਾਨ ਹੋਸਟ ਦੇ ਤੌਰ ’ਤੇ ਵਾਪਸੀ ਕਰਨਗੇ। ਹਾਲ ਹੀ ’ਚ ਇਸ ਦਾ ਲੋਗੋ ਲਾਂਚ ਕੀਤਾ ਗਿਆ, ਜਿਸ ਨੇ ਦਰਸ਼ਕਾਂ ਨੂੰ ਪ੍ਰੀਮੀਅਰ ਤੋਂ ਪਹਿਲਾਂ ਇਸ ਦੀ ਇੱਕ ਖੂਬਸੂਰਤ ਜਿਹੀ ਝਲਕ ਦਿਖਾਈ।
ਜਦੋਂ ਤੋਂ ਮੇਕਰਸ ਨੇ ਐਲਾਨ ਕੀਤਾ ਹੈ ਕਿ ਆਉਣ ਵਾਲੇ ਤਿਉਹਾਰਾਂ ਦੇ ਸੀਜ਼ਨ ’ਚ ਬਿੱਗ ਬੌਸ 20 ਸ਼ੋਅ ਦੇ ਸਾਰੇ 6 ਵਰਜਨ ਇੱਕੋ ਸਮੇਂ ਰਿਲੀਜ਼ ਕੀਤੇ ਜਾਣਗੇ, ਉਸ ਸਮੇਂ ਤੋਂ ਹੀ ਸ਼ੋਅ ਨੂੰ ਲੈ ਕੇ ਕਾਫ਼ੀ ਚਰਚਾ ਹੋ ਰਹੀ ਹੈ। ਉੱਥੇ ਹੀ ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ ‘ਤੇ ਇੱਕ ਤਸਵੀਰ ਵਾਇਰਲ ਹੋ ਰਹੀ ਹੈ ਜਿਸ ਨਾਲ ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹ ਬਿੱਗ ਬੌਸ 20 ਦਾ ਸੈੱਟ ਹੈ।
ਦ 50 ਦੇ ਸੈੱਟ ਨਾਲ ਮਿਲ ਰਿਹਾ ਹੈ ਡਿਜ਼ਾਈਨ
ਵਾਇਰਲ ਹੋ ਰਹੀ ਤਸਵੀਰ ’ਚ ਬਿੱਗ ਬੌਸ ਦੀ ਅੱਖ ਦਿਖਾਈ ਦੇ ਰਹੀ ਹੈ ਜੋ ਕਿ ਦ 50 (The 50) ਦੇ ਸੈੱਟ ਨਾਲ ਕਾਫ਼ੀ ਜ਼ਿਆਦਾ ਮੈਚ ਕਰ ਰਹੀ ਹੈ। ਦ 50 ਦੇ ਸੈੱਟ ਨੂੰ ਵੀ ਉਨ੍ਹਾਂ ਹੀ ਲੋਕਾਂ ਨੇ ਡਿਜ਼ਾਈਨ ਕੀਤਾ ਸੀ ਜਿਨ੍ਹਾਂ ਨੇ ਇਹ ਸੈੱਟ ਬਣਾਇਆ ਹੈ।
ਮੰਗਲਵਾਰ ਨੂੰ ਬਿੱਗ ਬੌਸ 20 ਦਾ ਟੀਜ਼ਰ ਸਾਹਮਣੇ ਆਇਆ, ਜਿਸ ’ਚ ਸਲਮਾਨ ਖਾਨ ਹੋਸਟ ਦੇ ਤੌਰ ‘ਤੇ ਵਾਪਸੀ ਕਰਦੇ ਦਿਖੇ। ਇਸ ਛੋਟੇ ਜਿਹੇ ਟੀਜ਼ਰ ਨੇ ਲੋਕਾਂ ’ਚ ਇਸ ਲਈ ਵੀ ਉਤਸੁਕਤਾ ਜਗਾਈ ਕਿਉਂਕਿ ਸੁਪਰਸਟਾਰ ਨੇ ਪ੍ਰੋਮੋ ’ਚ ‘ਕਰਨ-ਅਰਜੁਨ’ ਐਂਗਲ ਵੱਲ ਇਸ਼ਾਰਾ ਕੀਤਾ। ਪ੍ਰਸ਼ੰਸਕ ਸੋਚਣ ਲੱਗੇ ਕਿ ਕੀ ਸ਼ਾਹਰੁਖ ਖਾਨ ਵੀ ਭਾਈਜਾਨ ਨਾਲ ਸ਼ੋਅ ਹੋਸਟ ਕਰਨਗੇ?
ਕੌਣ-ਕੌਣ ਹੋ ਸਕਦਾ ਹੈ ਬਿੱਗ ਬੌਸ 20 ਦਾ ਹਿੱਸਾ
ਉੱਥੇ ਹੀ ਸ਼ੋਅ ਦੇ ਦੋ ਪ੍ਰਤੀਯੋਗੀਆਂ ਦਾ ਨਾਂ ਵੀ ਸਾਹਮਣੇ ਆ ਰਿਹਾ ਹੈ। ਕਿਹਾ ਜਾ ਰਿਹਾ ਹੈ ਕਿ ਕ੍ਰਿਕਟਰ ਯੂਸਫ਼ ਪਠਾਨ ਅਤੇ ਜੈਨਿਫਰ ਵਿੰਗੇਟ ਇਸ ਦਾ ਹਿੱਸਾ ਹੋ ਸਕਦੇ ਹਨ। ਜੈਨਿਫਰ ਨੂੰ ਲੰਬੇ ਸਮੇਂ ਤੋਂ ਬਿੱਗ ਬੌਸ ਲਈ ਅਪ੍ਰੋਚ ਕੀਤਾ ਜਾ ਰਿਹਾ ਸੀ ਪਰ ਉਹ ਹਰ ਵਾਰ ਇਸ ਲਈ ਮਨ੍ਹਾਂ ਕਰ ਦਿੰਦੀ ਸੀ। ਹੁਣ ਉਮੀਦ ਜਤਾਈ ਜਾ ਰਹੀ ਹੈ ਕਿ ਜੈਨਿਫਰ ਵਿੰਗੇਟ ਨੂੰ ਬਿੱਗ ਬੌਸ 20 ਦਾ ਹਿੱਸਾ ਬਣਦੇ ਦੇਖਣਾ ਅਸਲ ਵਿੱਚ ਦਿਲਚਸਪ ਹੋਣ ਵਾਲਾ ਹੈ।
ਹਾਲਾਂਕਿ ਇਸ ਦੀ ਅਜੇ ਕੋਈ ਆਫੀਸ਼ੀਅਲ ਜਾਣਕਾਰੀ ਨਹੀਂ ਹੈ। ਬਿੱਗ ਬੌਸ 20, 6 ਸਤੰਬਰ ਤੋਂ ਸ਼ੁਰੂ ਹੋਵੇਗਾ। ਪਿਛਲੇ ਸਾਲ ਦੀ ਤਰ੍ਹਾਂ, ਬਿੱਗ ਬੌਸ 20 ਵੀ ਸਭ ਤੋਂ ਪਹਿਲਾਂ ਜੀਓ ਹੌਟਸਟਾਰ (JioHotstar) ‘ਤੇ ਰਾਤ 9 ਵਜੇ ਅਤੇ ਫਿਰ ਕਲਰਜ਼ ਟੀਵੀ ‘ਤੇ ਰਾਤ 10:30 ਵਜੇ, ਹਰ ਸੋਮਵਾਰ ਤੋਂ ਐਤਵਾਰ ਤੱਕ ਦਿਖਾਇਆ ਜਾਵੇਗਾ।
