ਨਵੀਂ ਦਿੱਲੀ 29 ਸਤੰਬਰ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਏਸ਼ੀਆਈ ਖੇਡਾਂ 2026 ਵਿੱਚ ਪੁਰਸ਼ ਕ੍ਰਿਕਟ ਦੇ ਸੈਮੀਫਾਈਨਲ ਮੁਕਾਬਲਿਆਂ ਦੀ ਸੂਚੀ ਤੈਅ ਹੋ ਗਈ ਹੈ। ਇਨ੍ਹਾਂ ਖੇਡਾਂ ਦੌਰਾਨ ਪ੍ਰਸ਼ੰਸਕਾਂ ਲਈ ਕ੍ਰਿਕਟ ਮੈਚ ਦੇਖਣਾ ਮੁਸ਼ਕਲ ਰਿਹਾ ਹੈ ਕਿਉਂਕਿ ਚਾਰੇ ਕੁਆਰਟਰ ਫਾਈਨਲ ਮੈਚ ਮੀਂਹ ਕਾਰਨ ਰੱਦ ਹੋ ਗਏ ਸਨ। ਹਾਲਾਂਕਿ, ਰੈਂਕਿੰਗ ਦੇ ਆਧਾਰ ‘ਤੇ ਸੈਮੀਫਾਈਨਲ ਦੀ ਲਾਈਨ-ਅੱਪ (ਮੁਕਾਬਲਿਆਂ ਦੀ ਤਰਤੀਬ) ਤੈਅ ਕਰ ਲਈ ਗਈ ਹੈ।
ਅੱਜ (ਮੰਗਲਵਾਰ) ਲਈ ਦੋ ਕੁਆਰਟਰ ਫਾਈਨਲ ਮੈਚ ਤੈਅ ਸਨ ਪਰ ਮੀਂਹ ਕਾਰਨ ਦੋਵੇਂ ਹੀ ਰੱਦ ਕਰ ਦਿੱਤੇ ਗਏ; ਇੱਥੋਂ ਤੱਕ ਕਿ ਇੱਕ ਵੀ ਗੇਂਦ ਨਹੀਂ ਸੁੱਟੀ ਗਈ ਅਤੇ ਨਾ ਹੀ ਟਾਸ ਹੋ ਸਕਿਆ। ਬੰਗਲਾਦੇਸ਼ ਦਾ ਮੁਕਾਬਲਾ ਮਲੇਸ਼ੀਆ ਨਾਲ ਹੋਣਾ ਸੀ ਪਰ ਮੌਸਮ ਕਾਰਨ ਮੈਚ ਨਹੀਂ ਹੋ ਸਕਿਆ। ਇਸੇ ਤਰ੍ਹਾਂ ਸ਼੍ਰੀਲੰਕਾ ਤੇ ਨੇਪਾਲ ਜਿਸ ਨੇ ਪਹਿਲਾਂ ਅਫਗਾਨਿਸਤਾਨ ਨੂੰ ਹਰਾਇਆ ਸੀ। ਵਿਚਕਾਰ ਹੋਣ ਵਾਲਾ ਮੈਚ ਵੀ ਮੀਂਹ ਕਾਰਨ ਨਹੀਂ ਹੋ ਸਕਿਆ।
ਮੁਕਾਬਲਿਆਂ ਦੀ ਤਰਤੀਬ ਇਸ ਪ੍ਰਕਾਰ ਹੈ
ਏਸ਼ੀਆਈ ਖੇਡਾਂ ਦੇ ਨਿਯਮਾਂ ਅਨੁਸਾਰ, ਉੱਚ ਰੈਂਕਿੰਗ ਵਾਲੀ ਟੀਮ ਅਗਲੇ ਦੌਰ ਵਿੱਚ ਪਹੁੰਚਦੀ ਹੈ। ਮਲੇਸ਼ੀਆ ਦੇ ਮੁਕਾਬਲੇ ਬੰਗਲਾਦੇਸ਼ ਦੀ T20 ਰੈਂਕਿੰਗ ਬਿਹਤਰ ਸੀ, ਜਿਸ ਨਾਲ ਉਨ੍ਹਾਂ ਨੇ ਸੈਮੀਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ। ਇਸੇ ਤਰ੍ਹਾਂ ਸ਼੍ਰੀਲੰਕਾ ਦੀ ਰੈਂਕਿੰਗ ਨੇਪਾਲ ਨਾਲੋਂ ਬਿਹਤਰ ਸੀ ਅਤੇ ਉਹ ਸਫਲਤਾਪੂਰਵਕ ਅਗਲੇ ਪੜਾਅ ‘ਤੇ ਪਹੁੰਚ ਗਏ।
ਹੁਣ ਭਾਰਤ ਦਾ ਸਾਹਮਣਾ 1 ਅਕਤੂਬਰ ਨੂੰ ਸੈਮੀਫਾਈਨਲ ਵਿੱਚ ਸ਼੍ਰੀਲੰਕਾ ਨਾਲ ਹੋਵੇਗਾ, ਜਦਕਿ ਪਾਕਿਸਤਾਨੀ ਟੀਮ ਬੰਗਲਾਦੇਸ਼ ਨਾਲ ਭਿੜੇਗੀ। ਜੇਕਰ ਭਾਰਤ ਅਤੇ ਪਾਕਿਸਤਾਨ ਦੋਵੇਂ ਆਪਣੇ-ਆਪਣੇ ਮੈਚ ਜਿੱਤ ਜਾਂਦੇ ਹਨ ਤਾਂ ਪ੍ਰਸ਼ੰਸਕਾਂ ਨੂੰ ਇੱਕ ਵਾਰ ਫਿਰ ਉਸ ਜ਼ਬਰਦਸਤ ਮੁਕਾਬਲੇ ਨੂੰ ਦੇਖਣ ਦਾ ਮੌਕਾ ਮਿਲੇਗਾ ਜਿਸ ਦੀ ਉਹ ਬੇਸਬਰੀ ਨਾਲ ਉਡੀਕ ਕਰਦੇ ਹਨ।
ਭਾਰਤ ਦਾ ਮੈਚ ਵੀ ਨਹੀਂ ਹੋ ਸਕਿਆ
ਭਾਰਤ ਦਾ ਮੁਕਾਬਲਾ ਕੱਲ੍ਹ (ਸੋਮਵਾਰ) ਅਫਗਾਨਿਸਤਾਨ ਨਾਲ ਹੋਣਾ ਸੀ ਪਰ ਉਹ ਮੈਚ ਵੀ ਮੀਂਹ ਕਾਰਨ ਰੱਦ ਹੋ ਗਿਆ, ਜਿਸ ਨਾਲ ਟੀਮ ਇੰਡੀਆ ਬਿਨਾਂ ਖੇਡੇ ਹੀ ਸੈਮੀਫਾਈਨਲ ਵਿੱਚ ਪਹੁੰਚ ਗਈ। ਹਾਂਗਕਾਂਗ ਵਿਰੁੱਧ ਪਾਕਿਸਤਾਨ ਦਾ ਕੁਆਰਟਰ ਫਾਈਨਲ ਵੀ ਨਹੀਂ ਹੋ ਸਕਿਆ ਅਤੇ ਉਨ੍ਹਾਂ ਨੇ ਨਿਯਮਾਂ ਦੇ ਆਧਾਰ ‘ਤੇ ਆਖਰੀ ਚਾਰ (ਸੈਮੀਫਾਈਨਲ) ਵਿੱਚ ਜਗ੍ਹਾ ਬਣਾਈ। ਇਨ੍ਹਾਂ ਦੋਵਾਂ ਟੀਮਾਂ ਦੇ ਸੈਮੀਫਾਈਨਲ ਵਿੱਚ ਪਹੁੰਚਣ ਨਾਲ ਭਾਰਤ-ਪਾਕਿਸਤਾਨ ਮੁਕਾਬਲੇ ਦੀਆਂ ਉਮੀਦਾਂ ਮੁੜ ਜਾਗ ਪਈਆਂ ਹਨ।
