ਨਵੀਂ ਦਿੱਲੀ 22 ਸਤੰਬਰ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਅੱਠਵੇਂ ਤਨਖ਼ਾਹ ਕਮਿਸ਼ਨ ਦੇ ਗਠਨ ਨੂੰ 10 ਮਹੀਨੇ ਪੂਰੇ ਹੋ ਚੁੱਕੇ ਹਨ। ਕਮਿਸ਼ਨ ਨੂੰ ਰਿਪੋਰਟ ਸੌਂਪਣ ਲਈ ਹੁਣ 8 ਮਹੀਨਿਆਂ ਤੋਂ ਵੀ ਘੱਟ ਸਮਾਂ ਬਚਿਆ ਹੈ। ਅਜਿਹੇ ਵਿੱਚ ਕੇਂਦਰੀ ਕਰਮਚਾਰੀਆਂ ਦੀਆਂ ਨਜ਼ਰਾਂ ਸਿਰਫ਼ ਤਨਖ਼ਾਹ (8th Pay Commission salary hike) ‘ਤੇ ਹੀ ਨਹੀਂ, ਸਗੋਂ ਦੇਰੀ ਨਾਲ ਮਿਲਣ ਵਾਲੇ ਏਰੀਅਰ ‘ਤੇ ਵੀ ਟਿਕੀਆਂ ਹੋਈਆਂ ਹਨ। ਮਾਹਿਰਾਂ ਦੇ ਅਨੁਮਾਨ ਅਨੁਸਾਰ, ਜੇਕਰ ਅੱਠਵੇਂ ਤਨਖ਼ਾਹ ਕਮਿਸ਼ਨ ਦੀ ਰਿਪੋਰਟ ਲਾਗੂ ਹੋਣ ਵਿੱਚ 20 ਤੋਂ 24 ਮਹੀਨਿਆਂ ਦੀ ਦੇਰੀ ਹੁੰਦੀ ਹੈ, ਤਾਂ ਲੈਵਲ 6 ਤੋਂ ਲੈਵਲ 8 ਤੱਕ ਦੇ ਕਰਮਚਾਰੀਆਂ ਨੂੰ ਲੱਖਾਂ ਰੁਪਏ ਦਾ ਏਰੀਅਰ (8th Pay Commission arrears) ਮਿਲ ਸਕਦਾ ਹੈ।
ਜੇਕਰ ਲੈਵਲ 8 ਦੇ ਕਰਮਚਾਰੀਆਂ ਦੀ ਗੱਲ ਕਰੀਏ ਤਾਂ 24 ਮਹੀਨਿਆਂ ਦੀ ਦੇਰੀ ਅਤੇ 2.57 ਫਿਟਮੈਂਟ ਫੈਕਟਰ ਦੇ ਹਿਸਾਬ ਨਾਲ ਉਨ੍ਹਾਂ ਦਾ ਅਨੁਮਾਨਿਤ ਏਰੀਅਰ ਲਗਪਗ 17.94 ਲੱਖ ਰੁਪਏ ਤੱਕ ਪਹੁੰਚ ਸਕਦਾ ਹੈ। ਹਾਲਾਂਕਿ, ਇਹ ਸਿਰਫ਼ ਇੱਕ ਅਨੁਮਾਨ ਹੈ। ਅਸਲ ਰਕਮ ਫਿਟਮੈਂਟ ਫੈਕਟਰ ਅਤੇ ਸਰਕਾਰ ਦੇ ਅੰਤਿਮ ਫ਼ੈਸਲੇ ‘ਤੇ ਨਿਰਭਰ ਕਰੇਗੀ।
ਕਦੋਂ ਤੱਕ ਆ ਸਕਦੀ ਹੈ ਅੱਠਵੇਂ ਤਨਖ਼ਾਹ ਕਮਿਸ਼ਨ ਦੀ ਰਿਪੋਰਟ?
ਤਨਖ਼ਾਹ ਕਮਿਸ਼ਨ ਦੇ ਟਰਮਜ਼ ਆਫ਼ ਰੈਫਰੈਂਸ (Terms of Reference) ਨਵੰਬਰ 2025 ਵਿੱਚ ਅਧਿਸੂਚਿਤ ਕੀਤੇ ਗਏ ਸਨ। ਕਮਿਸ਼ਨ ਨੂੰ ਆਪਣੀ ਰਿਪੋਰਟ ਦੇਣ ਲਈ 18 ਮਹੀਨਿਆਂ ਦਾ ਸਮਾਂ ਦਿੱਤਾ ਗਿਆ ਹੈ। ਇਸ ਹਿਸਾਬ ਨਾਲ ਰਿਪੋਰਟ ਜਮ੍ਹਾਂ ਕਰਵਾਉਣ ਦੀ ਸਮਾਂ ਸੀਮਾ ਮਈ 2027 ਤੱਕ ਬਣਦੀ ਹੈ। ਹਾਲਾਂਕਿ, ਕਮਿਸ਼ਨ ਲੋੜ ਪੈਣ ‘ਤੇ ਸਮਾਂ ਸੀਮਾ ਵਧਾਉਣ ਲਈ ਐਕਸਟੈਂਸ਼ਨ ਲੈ ਸਕਦਾ ਹੈ। ਪਿਛਲੇ ਤਨਖ਼ਾਹ ਕਮਿਸ਼ਨਾਂ ਵਿੱਚ ਵੀ ਅਜਿਹਾ ਹੋ ਚੁੱਕਾ ਹੈ। ਮਾਹਿਰਾਂ ਅਨੁਸਾਰ, ਰਿਪੋਰਟ ਤਿਆਰ ਕਰਨ ਵਿੱਚ 3 ਤੋਂ 6 ਮਹੀਨਿਆਂ ਤੱਕ ਦਾ ਵਾਧੂ ਸਮਾਂ ਲੱਗ ਸਕਦਾ ਹੈ।
7-8 ਅਕਤੂਬਰ ਨੂੰ ਬੈਂਗਲੁਰੂ ਵਿੱਚ ਮੀਟਿੰਗ ਕਰੇਗਾ ਕਮਿਸ਼ਨ
ਫਿਲਹਾਲ ਕਮਿਸ਼ਨ ਵੱਖ-ਵੱਖ ਹਿੱਤਧਾਰਕਾਂ ਨਾਲ ਮੀਟਿੰਗਾਂ ਕਰ ਰਿਹਾ ਹੈ। ਸਤੰਬਰ ਵਿੱਚ ਜੈਪੁਰ, ਚੇਨਈ, ਪੁਡੂਚੇਰੀ ਅਤੇ ਚੰਡੀਗੜ੍ਹ ਵਿੱਚ ਚਰਚਾ ਹੋ ਚੁੱਕੀ ਹੈ। ਅਗਲੀਆਂ ਮੀਟਿੰਗਾਂ 7 ਅਤੇ 8 ਅਕਤੂਬਰ 2026 ਨੂੰ ਬੈਂਗਲੁਰੂ ਵਿੱਚ ਪ੍ਰਸਤਾਵਿਤ ਹਨ। ਇਸ ਤੋਂ ਬਾਅਦ ਰਿਪੋਰਟ ਨੂੰ ਲੈ ਕੇ ਸਥਿਤੀ ਹੋਰ ਸਪੱਸ਼ਟ ਹੋ ਸਕਦੀ ਹੈ। ਆਲ ਇੰਡੀਆ ਐੱਨਪੀਐੱਸ ਇੰਪਲਾਈਜ਼ ਫੈਡਰੇਸ਼ਨ ਦੇ ਕੌਮੀ ਪ੍ਰਧਾਨ ਡਾ. ਮਨਜੀਤ ਸਿੰਘ ਪਟੇਲ ਦੇ ਅਨੁਸਾਰ, ਰਿਪੋਰਟ ਮਾਰਚ ਤੋਂ ਅਗਸਤ 2027 ਦੇ ਵਿਚਕਾਰ ਆ ਸਕਦੀ ਹੈ।
ਦੇਰੀ ਹੋਈ ਤਾਂ ਕਿਸ ਚੀਜ਼ ਦਾ ਏਰੀਅਰ ਮਿਲੇਗਾ?
ਇੱਥੇ ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਅੱਠਵੇਂ ਤਨਖ਼ਾਹ ਕਮਿਸ਼ਨ ਵਿੱਚ ਦੇਰੀ ਦਾ ਮਤਲਬ ਹਰ ਭੱਤੇ ਦਾ ਏਰੀਅਰ ਮਿਲਣਾ ਨਹੀਂ ਹੈ। ਉਪਲਬਧ ਗਣਨਾ ਦੇ ਅਨੁਸਾਰ, ਮੁੱਖ ਤੌਰ ‘ਤੇ ਬੇਸਿਕ ਪੇ ਵਿੱਚ ਹੋਏ ਅੰਤਰ ਦੇ ਆਧਾਰ ‘ਤੇ ਏਰੀਅਰ ਦੀ ਗਣਨਾ ਹੋਵੇਗੀ। ਐੱਚਆਰਏ (HRA) ਬੇਸਿਕ ਪੇ ਨਾਲ ਜੁੜਿਆ ਹੋਇਆ ਹੈ। ਇਸ ਲਈ ਬੇਸਿਕ ਤਨਖ਼ਾਹ ਵਧਣ ‘ਤੇ ਐੱਚਆਰਏ ਵੀ ਵਧ ਸਕਦਾ ਹੈ।
ਸੱਤਵੇਂ ਤਨਖ਼ਾਹ ਕਮਿਸ਼ਨ ਵਿੱਚ ਜਨਵਰੀ 2024 ਵਿੱਚ ਡੀਏ (DA) ਦੇ 50 ਫ਼ੀਸਦੀ ਤੱਕ ਪਹੁੰਚਣ ਤੋਂ ਬਾਅਦ ਐੱਚਆਰਏ ਵਿੱਚ ਬਦਲਾਅ ਕੀਤਾ ਗਿਆ ਸੀ। ਉੱਥੇ ਹੀ ਡੀਏ (ਮਹਿੰਗਾਈ ਭੱਤਾ) ਸਾਲ ਵਿੱਚ ਦੋ ਵਾਰ ਸੋਧਿਆ ਜਾਂਦਾ ਹੈ, ਇਸ ਲਈ ਇਸ ਲਈ ਇਸੇ ਤਰ੍ਹਾਂ ਦਾ ਪੂਰਾ ਪਿਛਲਾ ਏਰੀਅਰ ਨਹੀਂ ਜੋੜਿਆ ਜਾਵੇਗਾ। ਟਰਾਂਸਪੋਰਟ ਅਲਾਉਂਸ ਯਾਨੀ ਟੀਪੀਟੀਏ (TPTA) ਵੀ ਡੀਏ ਨਾਲ ਜੁੜਿਆ ਹੋਇਆ ਹੈ ਅਤੇ ਇਸ ਵਿੱਚ ਵੀ ਨਿਯਮਿਤ ਬਦਲਾਅ ਹੁੰਦੇ ਹਨ।
ਲੈਵਲ 6 ਦੇ ਕਰਮਚਾਰੀਆਂ ਨੂੰ ਕਿੰਨਾ ਮਿਲੇਗਾ ਏਰੀਅਰ?
ਉਦਾਹਰਨ ਵਜੋਂ 2.15, 2.28 ਅਤੇ 2.57 ਫਿਟਮੈਂਟ ਫੈਕਟਰ ਲਏ ਜਾਣ ਅਤੇ 20 ਜਾਂ 24 ਮਹੀਨਿਆਂ ਦੀ ਦੇਰੀ ਮੰਨੀ ਜਾਵੇ ਤਾਂ ਲੈਵਲ 6 ਦੇ ਕਰਮਚਾਰੀਆਂ ਲਈ ਅਨੁਮਾਨਿਤ ਅੰਕੜਾ ਇਸ ਤਰ੍ਹਾਂ ਬਣਦਾ ਹੈ:
| ਫਿਟਮੈਂਟ ਫੈਕਟਰ | ਮੌਜੂਦਾ ਬੇਸਿਕ | ਅਨੁਮਾਨਿਤ ਨਵੀਂ ਬੇਸਿਕ | 20 ਮਹੀਨਿਆਂ ਦਾ ਏਰੀਅਰ | 24 ਮਹੀਨਿਆਂ ਦਾ ਏਰੀਅਰ |
|---|---|---|---|---|
| 2.15 | ₹35,400 | ₹76,110 | ₹8,14,200 | ₹9,77,040 |
| 2.28 | ₹35,400 | ₹80,712 | ₹9,06,240 | ₹10,87,488 |
| 2.57 | ₹35,400 | ₹90,978 | ₹11,11,560 | ₹13,33,872 |
ਲੈਵਲ 7 ਦੇ ਕਰਮਚਾਰੀਆਂ ਨੂੰ ਕਿੰਨਾ ਮਿਲੇਗਾ ਏਰੀਅਰ?
ਲੈਵਲ 7 ਦੇ ਕਰਮਚਾਰੀਆਂ ਲਈ ਮੌਜੂਦਾ ਘੱਟੋ-ਘੱਟ ਬੇਸਿਕ ਤਨਖ਼ਾਹ 44,900 ਰੁਪਏ ਮੰਨੀ ਗਈ ਹੈ। 2.57 ਫਿਟਮੈਂਟ ਫੈਕਟਰ ਅਤੇ 24 ਮਹੀਨਿਆਂ ਦੀ ਦੇਰੀ ਦੀ ਸਥਿਤੀ ਵਿੱਚ ਅਨੁਮਾਨਿਤ ਏਰੀਅਰ ਲਗਪਗ 16.92 ਲੱਖ ਰੁਪਏ ਤੱਕ ਪਹੁੰਚ ਸਕਦਾ ਹੈ।
| ਫਿਟਮੈਂਟ ਫੈਕਟਰ | ਮੌਜੂਦਾ ਬੇਸਿਕ | ਅਨੁਮਾਨਿਤ ਨਵੀਂ ਬੇਸਿਕ | 20 ਮਹੀਨਿਆਂ ਦਾ ਏਰੀਅਰ | 24 ਮਹੀਨਿਆਂ ਦਾ ਏਰੀਅਰ |
|---|---|---|---|---|
| 2.15 | ₹44,900 | ₹96,535 | ₹10,32,700 | ₹12,39,240 |
| 2.28 | ₹44,900 | ₹1,02,372 | ₹11,49,440 | ₹13,79,328 |
| 2.57 | ₹44,900 | ₹1,15,393 | ₹14,09,860 | ₹16,91,832 |
ਲੈਵਲ 8 ਦੇ ਕਰਮਚਾਰੀਆਂ ਨੂੰ ਕਿੰਨਾ ਮਿਲੇਗਾ ਏਰੀਅਰ?
ਹੁਣ ਸਭ ਤੋਂ ਵੱਡੇ ਅੰਕੜੇ ਦੀ ਗੱਲ ਕਰਦੇ ਹਾਂ। ਲੈਵਲ 8 ਦੇ ਕਰਮਚਾਰੀ ਦੀ ਮੌਜੂਦਾ ਘੱਟੋ-ਘੱਟ ਬੇਸਿਕ ਤਨਖ਼ਾਹ 47,600 ਰੁਪਏ ਹੈ। 2.15 ਫਿਟਮੈਂਟ ਫੈਕਟਰ ‘ਤੇ 24 ਮਹੀਨਿਆਂ ਦਾ ਅਨੁਮਾਨਿਤ ਏਰੀਅਰ 13.14 ਲੱਖ ਰੁਪਏ ਹੈ। 2.28 ਫਿਟਮੈਂਟ ਫੈਕਟਰ ‘ਤੇ ਇਹ ਲਗਪਗ 14.62 ਲੱਖ ਰੁਪਏ ਅਤੇ 2.57 ਫਿਟਮੈਂਟ ਫੈਕਟਰ ‘ਤੇ ਲਗਪਗ 17.94 ਲੱਖ ਰੁਪਏ ਹੋ ਜਾਂਦਾ ਹੈ।
| ਫਿਟਮੈਂਟ ਫੈਕਟਰ | ਮੌਜੂਦਾ ਬੇਸਿਕ | ਅਨੁਮਾਨਿਤ ਨਵੀਂ ਬੇਸਿਕ | 20 ਮਹੀਨਿਆਂ ਦਾ ਏਰੀਅਰ | 24 ਮਹੀਨਿਆਂ ਦਾ ਏਰੀਅਰ |
|---|---|---|---|---|
| 2.15 | ₹47,600 | ₹1,02,340 | ₹10,94,800 | ₹13,13,760 |
| 2.28 | ₹47,600 | ₹1,08,528 | ₹12,18,560 | ₹14,62,272 |
| 2.57 | ₹47,600 | ₹1,22,332 | ₹14,94,640 | ₹17,93,568 |
18 ਮਹੀਨਿਆਂ ਦੀ ਦੇਰੀ ਵਿੱਚ ਮਿਲਣਗੇ ਲੱਖਾਂ ਰੁਪਏ?
ਇੱਕ ਉਦਾਹਰਨ ਰਾਹੀਂ ਇਸ ਨੂੰ ਸਮਝਦੇ ਹਾਂ। ਮੰਨ ਲਓ ਕਿ ਲੈਵਲ 6 ਦੇ ਕਰਮਚਾਰੀ ਦੀ ਮੌਜੂਦਾ ਬੇਸਿਕ ਤਨਖ਼ਾਹ 35,400 ਰੁਪਏ ਹੈ। ਜੇਕਰ 2.1 ਫਿਟਮੈਂਟ ਫੈਕਟਰ ਮੰਨ ਕੇ ਰਿਪੋਰਟ ਲਾਗੂ ਹੋਣ ਵਿੱਚ 18 ਮਹੀਨਿਆਂ ਦੀ ਦੇਰੀ ਹੁੰਦੀ ਹੈ ਤਾਂ ਅਨੁਮਾਨਿਤ ਏਰੀਅਰ ਲਗਪਗ 7,00,920 ਰੁਪਏ ਬਣਦਾ ਹੈ।
ਭਾਵ, ਦੇਰੀ ਜਿੰਨੀ ਵਧੇਗੀ, ਸੋਧੀ ਹੋਈ ਬੇਸਿਕ ਤਨਖ਼ਾਹ ਅਤੇ ਮੌਜੂਦਾ ਬੇਸਿਕ ਤਨਖ਼ਾਹ ਵਿਚਕਾਰ ਦਾ ਅੰਤਰ ਉਨੇ ਹੀ ਮਹੀਨਿਆਂ ਲਈ ਜੁੜਦਾ ਜਾਵੇਗਾ। ਪਰ ਇਹ ਗਣਨਾ ਸਿਰਫ਼ ਇੱਕ ਅਨੁਮਾਨ ਹੈ। ਅੱਠਵੇਂ ਤਨਖ਼ਾਹ ਕਮਿਸ਼ਨ ਦਾ ਅਸਲ ਫਿਟਮੈਂਟ ਫੈਕਟਰ, ਰਿਪੋਰਟ ਦੀ ਤਾਰੀਖ, ਸਰਕਾਰ ਦੀ ਮਨਜ਼ੂਰੀ ਅਤੇ ਲਾਗੂ ਹੋਣ ਦੀ ਅੰਤਿਮ ਤਾਰੀਖ ਤੈਅ ਹੋਣ ਤੋਂ ਬਾਅਦ ਹੀ ਅਸਲ ਏਰੀਅਰ ਸਪੱਸ਼ਟ ਹੋਵੇਗਾ।
