ਚੰਡੀਗੜ੍ਹ, 29 ਅਪ੍ਰੈਲ, 2025 (ਪੰਜਾਬੀ ਖਬਰਨਾਮਾ ਬਿਊਰੋ): ਪੰਜਾਬ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲਾ ਦੁੱਧ ਬ੍ਰਾਂਡ ਵੇਰਕਾ (Verka) ਹੁਣ ਮਹਿੰਗਾ ਹੋ ਗਿਆ ਹੈ। ਵੇਰਕਾ ਨੇ ਆਪਣੇ ਦੁੱਧ ਦੀਆਂ ਕੀਮਤਾਂ ਵਿੱਚ ਵਾਧੇ ਦਾ ਐਲਾਨ ਕੀਤਾ ਹੈ। ਇਸ ਵਧੀ ਹੋਈ ਕੀਮਤ ਦਾ ਕੱਲ 30 ਅਪ੍ਰੈਲ, 2025 ਤੋਂ ਲਾਗੂ ਹੋਵੇਗੀ। 30 ਅਪ੍ਰੈਲ, 2025 ਦੀ ਸਵੇਰ ਤੋਂ, ਵੇਰਕਾ ਦੇ ਸਾਰੇ ਦੁੱਧ ਦੇ ਰੂਪ 1 ਰੁਪਏ ਤੋਂ 4 ਰੁਪਏ ਮਹਿੰਗੇ ਹੋ ਜਾਣਗੇ। ਕੰਪਨੀ ਨੇ ਇਸਦਾ ਕਾਰਨ ਦੁੱਧ ਦੀ ਲਾਗਤ ਅਤੇ ਉਤਪਾਦਨ ਖਰਚਿਆਂ ਵਿੱਚ ਵਾਧਾ ਦੱਸਿਆ ਹੈ।
ਹਾਲਾਂਕਿ ਹਾਲ ਹੀ ਦੇ ਮਹੀਨਿਆਂ ਵਿੱਚ ਕੀਮਤਾਂ ਵਿੱਚ ਵਾਧਾ ਪਹਿਲਾਂ ਵੀ ਦੇਖਿਆ ਗਿਆ ਹੈ, ਪਰ ਤਾਜ਼ਾ ਵਾਧੇ ਦਾ ਸਿੱਧਾ ਅਸਰ ਲੋਕਾਂ ਦੀਆਂ ਜੇਬਾਂ ‘ਤੇ ਪਵੇਗਾ। ਖਾਸ ਗੱਲ ਇਹ ਹੈ ਕਿ ਇਹ ਨਵੀਆਂ ਕੀਮਤਾਂ ਸਿਰਫ਼ ਪੰਜਾਬ ਤੱਕ ਸੀਮਿਤ ਨਹੀਂ ਹਨ – ਇਹ ਦਿੱਲੀ, ਚੰਡੀਗੜ੍ਹ ਅਤੇ ਐਨਸੀਆਰ ਵਿੱਚ ਵੀ ਲਾਗੂ ਹੋਣਗੀਆਂ।
ਇਸ ਦੇ ਨਾਲ ਹੀ, 200 ਮਿ.ਲੀ. ਡਬਲ ਟੋਨਡ ਦੁੱਧ ਅਤੇ 500 ਮਿ.ਲੀ. ਸਕਿਮਡ ਦੁੱਧ ਵਰਗੇ ਕੁਝ ਵੇਰੀਐਂਟਸ ਦੀਆਂ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
ਵੇਰਕਾ ਨੇ ਇਹ ਵੀ ਕਿਹਾ ਹੈ ਕਿ ਦੁੱਧ ਦੀ ਗੁਣਵੱਤਾ ਨਾਲ ਕੋਈ ਸਮਝੌਤਾ ਨਹੀਂ ਕੀਤਾ ਜਾਵੇਗਾ ਅਤੇ ਗਾਹਕ ਪਹਿਲਾਂ ਵਾਂਗ ਸ਼ੁੱਧ ਅਤੇ ਸਿਹਤਮੰਦ ਦੁੱਧ ਦਾ ਆਨੰਦ ਲੈ ਸਕਣਗੇ।
ਸੰਖੇਪ: ਵੇਰਕਾ ਨੇ ਦੁੱਧ ਦੀਆਂ ਕੀਮਤਾਂ 1 ਤੋਂ 4 ਰੁਪਏ ਵਧਾਈਆਂ, ਨਵੇਂ ਰੇਟ 30 ਅਪ੍ਰੈਲ ਤੋਂ ਲਾਗੂ ਹੋਣਗੇ।
