ਨਵੀਂ ਦਿੱਲੀ 14 ਅਕਤੂਬਰ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਟੀਵੀ ਦਾ ਵਿਵਾਦਤ ਸ਼ੋਅ ਬਿੱਗ ਬੌਸ ਸੀਜ਼ਨ 20 ਇਨ੍ਹੀਂ ਦਿਨੀਂ ਪੂਰੀ ਤਰ੍ਹਾਂ ਚਰਚਾ ‘ਚ ਹੈ। ਇਸ ਦਾ ਕਾਰਨ ਵਾਈਲਡ ਕਾਰਡ ਐਂਟਰੀ ਕੰਟੈਸਟੈਂਟ ਨਕੁਲ ਧੁੱਲ ਤੇ ਗੁੱਲੂ (ਕੁਸ਼ਲ ਤੰਵਰ) ਵਿਚਕਾਰ ਹੋਇਆ ਝਗੜਾ ਹੈ, ਜੋ ਹੱਥੋਪਾਈ ਤਕ ਪਹੁੰਚ ਗਿਆ। ਇਸ ਹਾਈਵੋਲਟੇਜ ਡਰਾਮੇ ਤੋਂ ਬਾਅਦ ਨਕੁਲ ਨੂੰ ਘਰ ‘ਚੋਂ ਬਾਹਰ ਕੱਢੇ ਜਾਣ ਦੀ ਚਰਚਾ ਤੇਜ਼ ਹੋ ਗਈ ਹੈ।
ਕਿਹਾ ਜਾ ਰਿਹਾ ਹੈ ਕਿ ਬਿੱਗ ਬੌਸ ਨੇ ਨਕੁਲ ਧੁੱਲ ਨੂੰ ਐਵਿਕਟ ਕਰ ਦਿੱਤਾ ਹੈ। ਇਸ ਮਾਮਲੇ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਹੰਗਾਮਾ ਮਚ ਗਿਆ ਹੈ ਅਤੇ ਲੱਗਦਾ ਹੈ ਕਿ ਸ਼ੋਅ ਦੇ ਮੇਕਰਸ ਆਪਣਾ ਫ਼ੈਸਲਾ ਬਦਲ ਸਕਦੇ ਹਨ। ਅਜਿਹਾ ਕਿਉਂ ਹੋ ਸਕਦਾ ਹੈ, ਆਓ ਇਸ ਲੇਖ ‘ਚ ਜਾਣਦੇ ਹਾਂ।
ਨਕੁਲ ਧੁੱਲ ਦੀ ਹੋਵੇਗੀ ਰੀ-ਐਂਟਰੀ?
ਗੁੱਲੂ ਨਾਲ ਹੋਏ ਝਗੜੇ ਕਾਰਨ ਨਕੁਲ ਧੁੱਲ (Nakul Dhull) ਨੇ ਬਿੱਗ ਬੌਸ ਦੇ ਘਰ ਦੇ ਸਭ ਤੋਂ ਵੱਡੇ ਨਿਯਮਾਂ ‘ਚੋਂ ਇਕ, ਸਰੀਰਕ ਲੜਾਈ ਨਾ ਕਰਨ ਦੇ ਨਿਯਮ ਦੀ ਉਲੰਘਣਾ ਕੀਤੀ ਹੈ। ਮੰਗਲਵਾਰ ਨੂੰ ਜਦੋਂ ਸ਼ੋਅ ਦਾ ਐਪੀਸੋਡ 38 ਖ਼ਤਮ ਹੋਇਆ, ਤਾਂ ਆਉਣ ਵਾਲੇ ਐਪੀਸੋਡ ਦੇ ਪ੍ਰੋਮੋ ‘ਚ ਦਿਖਾਇਆ ਗਿਆ ਕਿ ਸਾਰੇ ਘਰਵਾਲੇ ਨਕੁਲ ਦੇ ਖ਼ਿਲਾਫ਼ ਹਨ ਅਤੇ ਉਸ ਨੂੰ ਸ਼ੋਅ ‘ਚੋਂ ਬਾਹਰ ਕੱਢਣ ਲਈ ਬਿੱਗ ਬੌਸ ਨੂੰ ਅਪੀਲ ਕਰ ਰਹੇ ਹਨ। ਇਸ ਤੋਂ ਬਾਅਦ ਬਿੱਗ ਬੌਸ ਅੱਜ ਨਕੁਲ ਨੂੰ ਐਵਿਕਟ ਕਰ ਸਕਦੇ ਹਨ।
ਖ਼ਬਰ ਸਾਹਮਣੇ ਆਉਣ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਲੋਕਾਂ ਦਾ ਇਕ ਵੱਡਾ ਵਰਗ ਨਕੁਲ ਧੁੱਲ ਦੇ ਸਮਰਥਨ ‘ਚ ਆ ਗਿਆ ਹੈ ਅਤੇ ਉਸ ਦੇ ਇਸ ਮਿਡ ਵੀਕ ਐਵਿਕਸ਼ਨ ਨੂੰ ਅਨੁਚਿਤ ਦੱਸ ਰਿਹਾ ਹੈ। ਪਰ ‘ਬੀਬੀ ਤੱਕ’ ਦੀ ਰਿਪੋਰਟ ਅਨੁਸਾਰ ਇਹ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਨਕੁਲ ਨੂੰ ਬਿੱਗ ਬੌਸ 20 ‘ਚੋਂ ਬਾਹਰ ਨਹੀਂ ਕੀਤਾ ਜਾ ਰਿਹਾ, ਸਗੋਂ ਉਸ ਨੂੰ ਸੀਕ੍ਰੇਟ ਰੂਮ ‘ਚ ਰੱਖਿਆ ਗਿਆ ਹੈ।
ਇਸ ਸੀਜ਼ਨ ਦੀ ਟੈਗਲਾਈਨ ‘ਦੋ ਵਰਦਾਨ’ ਦੇ ਆਧਾਰ ‘ਤੇ ਨਕੁਲ ਦੀ ਇਕ ਲਾਈਫਲਾਈਨ ਖ਼ਤਮ ਹੋ ਗਈ ਹੈ ਅਤੇ ਬਿੱਗ ਬੌਸ ਦੇ ਘਰ ‘ਚ ਮੁੜ ਐਂਟਰੀ ਕਰਨ ਲਈ ਉਸ ਕੋਲ ਦੂਜਾ ਮੌਕਾ ਹੈ। ਇਹ ਮੌਕਾ ਉਸ ਨੂੰ ਸਕਾਊਟ ਓਪੀ ਕਾਰਨ ਮਿਲ ਸਕਦਾ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਬਿੱਗ ਬੌਸ 20 ਦੇ ਘਰ ਦਾ ਨਵਾਂ ਕੈਪਟਨ ਸਕਾਊਟ ਬਣੇਗਾ ਅਤੇ ਉਹ ਆਪਣੀਆਂ ਕੈਪਟਨਸੀ ਪਾਵਰਾਂ ਦੀ ਵਰਤੋਂ ਕਰਕੇ ਨਕੁਲ ਨੂੰ ਸ਼ੋਅ ‘ਚ ਵਾਪਸ ਲਿਆ ਸਕਦਾ ਹੈ। ਇਹ ਇਸ ਸੀਜ਼ਨ ਦਾ ਹੁਣ ਤੱਕ ਦਾ ਸਭ ਤੋਂ ਵੱਡਾ ਟਵਿਸਟ ਹੋ ਸਕਦਾ ਹੈ। ਹਾਲਾਂਕਿ, ਅਜੇ ਤੱਕ ਇਸ ਮਾਮਲੇ ਦੀ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ।
ਨਕੁਲ ਧੁੱਲ ਨੂੰ ਮਿਲਿਆ ਰਜਤ ਦਲਾਲ ਦਾ ਸਮਰਥਨ
ਇਕ ਪਾਸੇ ਜਿੱਥੇ ਗੁੱਲੂ ਨਾਲ ਝਗੜੇ ਤੋਂ ਬਾਅਦ ਬਿੱਗ ਬੌਸ ਸੀਜ਼ਨ 20 ਦੇ ਸਾਰੇ ਕੰਟੈਸਟੈਂਟ ਨਕੁਲ ਧੁੱਲ ਦੇ ਖ਼ਿਲਾਫ਼ ਹਨ, ਉੱਥੇ ਹੀ ਉਸ ਨੂੰ ਬਿੱਗ ਬੌਸ 18 ਦੇ ਸਾਬਕਾ ਕੰਟੈਸਟੈਂਟ ਰਜਤ ਦਲਾਲ ਦਾ ਸਾਥ ਮਿਲਿਆ ਹੈ। ਰਜਤ ਨੇ ਕਿਹਾ ਹੈ ਕਿ ਨਕੁਲ ਦੇ ਆਉਣ ਨਾਲ ਇਸ ਸੀਜ਼ਨ ‘ਚ ਜਾਨ ਆਈ ਹੈ ਅਤੇ ਹੁਣ ਲੋਕ ਇਸ ਸ਼ੋਅ ਨੂੰ ਦੇਖਣਾ ਪਸੰਦ ਕਰ ਰਹੇ ਹਨ।
