ਨਵੀਂ ਦਿੱਲੀ 20 ਮਈ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਰੁਪਏ ਵਿੱਚ ਗਿਰਾਵਟ ਦਾ ਸਿਲਸਿਲਾ ਜਾਰੀ ਹੈ ਅਤੇ ਇਹ 97 ਰੁਪਏ ਦੇ ਨੇੜੇ ਪਹੁੰਚ ਗਿਆ ਹੈ। ਭਾਰਤੀ ਕਰੰਸੀ ਵਿੱਚ ਲਗਾਤਾਰ ਆ ਰਹੀ ਇਸ ਕਮਜ਼ੋਰੀ ਕਾਰਨ ਦੇਸ਼ ਅਤੇ ਬਾਜ਼ਾਰ ਵਿੱਚ ਹਾਹਾਕਾਰ ਮਚੀ ਹੋਈ ਹੈ ਪਰ ਰੁਪਏ ਦੀ ਇਹ ਗਿਰਾਵਟ ਨਾਰਾਇਣ ਮੂਰਤੀ, ਅਜ਼ੀਮ ਪ੍ਰੇਮਜੀ, ਆਨੰਦ ਮਹੀਦਰਾ ਸਮੇਤ ਹੋਰ ਉਦਯੋਗਪਤੀਆਂ ਲਈ ਫਾਇਦੇ ਦਾ ਸੌਦਾ ਸਾਬਤ ਹੋ ਰਹੀ ਹੈ।
ਦਰਅਸਲ, ਰੁਪਏ ਵਿੱਚ ਗਿਰਾਵਟ ਕਾਰਨ ਇੰਫੋਸਿਸ, ਵਿਪਰੋ, ਟੈਕ ਮਹੀਦਰਾ ਸਮੇਤ ਹੋਰ ਆਈਟੀ (IT) ਸ਼ੇਅਰਾਂ ਵਿੱਚ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਇਸ ਦੀ ਵਜ੍ਹਾ ਇਹ ਹੈ ਕਿ ਆਈਟੀ ਕੰਪਨੀਆਂ ਦਾ ਜ਼ਿਆਦਾਤਰ ਕਾਰੋਬਾਰ ਅਮਰੀਕਾ ਅਤੇ ਯੂਰਪੀਅਨ ਦੇਸ਼ਾਂ ਵਿੱਚ ਹੈ ਅਤੇ ਉਨ੍ਹਾਂ ਦੀ ਕਮਾਈ ਡਾਲਰ ਵਿੱਚ ਹੁੰਦੀ ਹੈ। ਅਜਿਹੇ ਵਿੱਚ ਜਦੋਂ ਵੀ ਰੁਪਿਆ ਡਿੱਗਦਾ ਹੈ ਅਤੇ ਡਾਲਰ ਮਜ਼ਬੂਤ ਹੁੰਦਾ ਹੈ ਤਾਂ ਭਾਰਤੀ ਆਈਟੀ ਕੰਪਨੀਆਂ ਨੂੰ ਫਾਇਦਾ ਹੁੰਦਾ ਹੈ।
ਤੇਜ਼ੀ ਦਾ ਲਗਾਤਾਰ ਚੌਥਾ ਦਿਨ
ਆਈਟੀ ਸ਼ੇਅਰਾਂ ਵਿੱਚ ਪਿਛਲੇ 4 ਕਾਰੋਬਾਰੀ ਸੈਸ਼ਨਾਂ ਤੋਂ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। 20 ਮਈ ਨੂੰ ਫਿਰ ਤੋਂ ਓਰੇਕਲ, ਕੋਫੋਰਜ, ਇੰਫੋਸਿਸ, ਟੀਸੀਐਸ (TCS), ਟੈਕ ਮਹੀਦਰਾ ਅਤੇ ਵਿਪਰੋ ਸਮੇਤ ਹੋਰ ਸ਼ੇਅਰਾਂ ਵਿੱਚ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ।
ਇੰਫੋਸਿਸ ਦਾ ਸ਼ੇਅਰ ਪਿਛਲੇ ਇੱਕ ਹਫ਼ਤੇ ਵਿੱਚ 8 ਫੀਸਦੀ ਤੱਕ ਦੀ ਤੇਜ਼ੀ ਦਿਖਾ ਚੁੱਕਾ ਹੈ।
ਟੀਸੀਐਸ ਅਤੇ ਵਿਪਰੋ ਨੇ ਇਸ ਸਮੇਂ ਦੌਰਾਨ ਸਾਢੇ 3 ਫੀਸਦੀ ਤੱਕ ਦਾ ਰਿਟਰਨ ਦਿੱਤਾ ਹੈ।
ਉੱਥੇ ਹੀ, ਟੈਕ ਮਹੀਦਰਾ ਨੇ ਵੀ ਇੱਕ ਹਫ਼ਤੇ ਦੇ ਅੰਦਰ 8 ਫੀਸਦੀ ਰਿਟਰਨ ਦਿੱਤਾ ਹੈ।
ਰੁਪਏ ਦੀ ਕਮਜ਼ੋਰੀ ਤੇ ਡਾਲਰ ਦੀ ਮਜ਼ਬੂਤੀ
ਭਾਰਤੀ ਆਈਟੀ ਕੰਪਨੀਆਂ ਦੀ ਜ਼ਿਆਦਾਤਰ ਕਮਾਈ ਅਮਰੀਕਾ ਅਤੇ ਹੋਰ ਵਿਦੇਸ਼ੀ ਬਾਜ਼ਾਰਾਂ ਤੋਂ ਡਾਲਰ ਵਿੱਚ ਹੁੰਦੀ ਹੈ ਅਤੇ ਉਨ੍ਹਾਂ ਦੇ ਖਰਚੇ ਰੁਪਏ ਵਿੱਚ ਹੁੰਦੇ ਹਨ। ਅਜਿਹੇ ਵਿੱਚ ਜਦੋਂ ਰੁਪਿਆ ਕਮਜ਼ੋਰ ਹੁੰਦਾ ਹੈ, ਤਾਂ ਡਾਲਰ ਵਿੱਚ ਹੋਣ ਵਾਲੀ ਕਮਾਈ ਨੂੰ ਰੁਪਏ ਵਿੱਚ ਬਦਲਣ ‘ਤੇ ਉਨ੍ਹਾਂ ਨੂੰ ਜ਼ਿਆਦਾ ਫਾਇਦਾ ਹੁੰਦਾ ਹੈ, ਜਿਸ ਨਾਲ ਉਨ੍ਹਾਂ ਦਾ ਪ੍ਰੌਫਿਟ ਮਾਰਜਿਨ ਵਧ ਜਾਂਦਾ ਹੈ। ਮਾਰਕੀਟ ਐਨਾਲਿਸਟਸ ਅਨੁਸਾਰ, ਰੁਪਏ ਵਿੱਚ 1% ਦੀ ਗਿਰਾਵਟ ਨਾਲ ਇਨ੍ਹਾਂ ਕੰਪਨੀਆਂ ਦੇ ਮਾਰਜਿਨ ਵਿੱਚ 20 ਤੋਂ 30 ਬੇਸਿਸ ਪੁਆਇੰਟਸ ਦਾ ਸੁਧਾਰ ਹੁੰਦਾ ਹੈ।
