ਤਰਨਤਾਰਨ, 14 ਨਵੰਬਰ 2025 (ਪੰਜਾਬੀ ਖਬਰਨਾਮਾ ਬਿਊਰੋ):- ਵਿਧਾਨ ਸਭਾ ਹਲਕਾ ਤਰਨਤਾਰਨ ਦੀ ਜ਼ਿਮਨੀ ਚੋਣ ਲਈ 11 ਨਵੰਬਰ ਨੂੰ ਪਈਆਂ ਵੋਟਾਂ ਦੀ ਗਿਣਤੀ ਸ਼ੁੱਕਰਵਾਰ ਨੂੰ ਸਵੇਰੇ 8 ਵਜੇ ਸ਼ੁਰੂ ਹੋਈ । 15 ਉਮੀਦਵਾਰਾਂ ’ਚੋਂ ਸੱਤਾਧਾਰੀ ਆਮ ਆਦਮੀ ਪਾਰਟੀ, ਸ਼੍ਰੋਮਣੀ ਅਕਾਲੀ ਦਲ, ਕਾਂਗਰਸ ਤੇ ਭਾਜਪਾ ਸਮੇਤ ਆਜ਼ਾਦ ਉਮੀਦਵਾਰ ਮਨਦੀਪ ਸਿੰਘ ਖ਼ਾਲਸਾ ਵਿਚਕਾਰ ਹੀ ਮੁੱਖ ਮੁਕਾਬਲਾ ਮੰਨਿਆ ਜਾ ਰਿਹਾ ਸੀ ਪਰ ਦੁਪਹਿਰ 12 ਵਜੇ ਤਕ ਦੇ ਆਏ ਨਤੀਜਿਆਂ ਵਿਚ ਆਮ ਆਦਮੀ ਪਾਰਟੀ ਨੇ ਜਿੱਤ ਵੱਲ ਕਦਮ ਵਧਾ ਲਏ ਸਨ ਜਦਕਿ ਸ਼੍ਰੋਮਣੀ ਅਕਾਲੀ ਦਲ ਨੇ ਦੂਜੇ ਨੰਬਰ ‘ਤੇ ਆ ਕੇ ਆਪਣੀ ਸਥਿਤੀ ਵਿਚ ਸੁਧਾਰ ਕੀਤਾ ਹੈ। ਅੰਮ੍ਰਿਤਪਾਲ ਸਿੰਘ ਵਾਲੀ ਪਾਰਟੀ ਵਾਰਿਸ ਪੰਜਾਬ ਦੇ ਤੀਜੇ ਨੰਬਰ ‘ਤੇ ਚੱਲ ਰਹੀ ਹੈ। ਹਾਲਾਂਕਿ ਜਿੱਤ ਦਾ ਤਾਜ ਆਪ ਦੇ ਸਿਰ ’ਤੇ ਸਜਦਾ ਨਜ਼ਰ ਆ ਰਿਹਾ ਹੈ।
ਵੋਟਾਂ ਦੀ ਗਿਣਤੀ ਲਈ ਮਾਈ ਭਾਗੋ ਇੰਟਰਨੈਸ਼ਨਲ ਨਰਸਿੰਗ ਕਾਲਜ ’ਚ ਗਿਣਤੀ ਕੇਂਦਰ ਬਣਾਇਆ ਗਿਆ ਹੈ। ਇਥੇ ਹੀ ਬਣੇ ਸਟਰਾਂਗ ਰੂਮ ਵਿਚ ਈਵੀਐੱਮ ਨੂੰ ਕੇਂਦਰੀ ਬਲਾਂ ਦੀ ਸੁਰੱਖਿਆ ਹੇਠ ਰੱਖਿਆ ਗਿਆ ਹੈ। ਸਵੇਰੇ 8 ਵਜੇ ਗਿਣਤੀ ਦਾ ਕੰਮ ਸ਼ੁਰੂ ਹੋ ਗਿਆ ਹੈ।
ਰਿਟਰਨਿੰਗ ਅਫਸਰ ਕਮ ਐੱਸਡੀਐੱਮ ਤਰਨਤਾਰਨ ਗੁਰਮੀਤ ਸਿੰਘ ਨੇ ਦੱਸਿਆ ਕਿ 114 ਥਾਵਾਂ ’ਤੇ ਬਣਾਏ ਗਏ 222 ਪੋਲਿੰਗ ਕੇਂਦਰਾਂ ਦੀਆਂ ਵੋਟਾਂ ਦੀ ਗਿਣਤੀ ਲਈ 14 ਕਾਉਂਟਰ ਬਣਾਏ ਗਏ ਹਨ। 16 ਗੇੜਾਂ ’ਚ ਗਿਣਤੀ ਦੀ ਪ੍ਰਕਿਰਿਆ ਮੁਕੰਮਲ ਹੋਵੇਗੀ। ਸਾਰੇ ਪ੍ਰਬੰਧ ਮੁਕੰਮਲ ਕਰ ਲਏ ਗਏ ਹਨ ਤੇ ਸੁਰੱਖਿਆ ਦੇ ਪ੍ਰਬੰਧ ਵੀ ਪੁਖ਼ਤਾ ਹਨ। ਜ਼ਿਕਰੋਯਗ ਹੈ ਕਿ 2022 ਦੀਆਂ ਵਿਧਾਨ ਸਭਾ ਚੋਣਾਂ ’ਚ ਤਰਨਤਾਰਨ ਹਲਕੇ ਤੋਂ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਚੁਣੇ ਗਏ ਡਾ. ਕਸ਼ਮੀਰ ਸਿੰਘ ਸੋਹਲ ਦੀ 27 ਜੂਨ ਨੂੰ ਹੋਈ ਮੌਤ ਤੋਂ ਬਾਅਦ ਇਹ ਸੀਟ ਖਾਲੀ ਹੋ ਗਈ ਸੀ।
ਮਨੀਸ਼ ਸਿਸੋਦੀਆ ਤੇ ਹੋਰ ਕੈਬਨਿਟ ਮੰਤਰੀਆਂ ਸਣੇ ਆਪ ਲੀਡਰਸ਼ਿਪ ਚੰਡੀਗੜ੍ਹ ਦੇ ਪਾਰਟੀ ਦਫ਼ਤਰ ਪੁੱਜ ਗਈ ਹੈ। ਵੋਟਰਾਂ ਤੇ ਸਮਰਥਕਾਂ ਵਿਚ ਭਾਰ ਉਤਸ਼ਾਹ ਹੈ।
-ਚੰਗੇ ਵੋਟ ਮਾਰਜਿਨ ਨਾਲ ਹਰਮੀਤ ਸਿੰਘ ਸੰਧੂ ਨੇ ਜਿੱਤ ਆਪ ਦੀ ਝੋਲੀ ਪਾਈ ਹੈ।
-ਤਰਨਤਾਰਨ ਜ਼ਿਮਨੀ ਚੋਣ ਵਿਚ ਆਮ ਆਦਮੀ ਪਾਰਟੀ ਨੇ ਜਿੱਤ ਹਾਸਲ ਕਰ ਲਈ ਹੈ। ਸਮਰਥਕ ਜ਼ਸ਼ਨ ਮਨਾ ਰਹੇ ਹਨ। ਇਸ ਦੇ ਨਾਲ ਹੀ ਸ਼੍ਰੋਮਣੀ ਅਕਾਲੀ ਦਲ ਦੂਜੇ ਨੰਬਰ ‘ਤੇ ਰਹਿ ਕੇ ਆਪਣੀ ਸਾਖ ਬਚਾ ਲਈ ਹੈ। ਇਸ ਦੇ ਨਾਲ ਹੀ ਇਸ ਪੰਥਕ ਹਲਕੇ ਵਿਚ ਲੋਕਾਂ ਵੱਲੋਂ ਪੰਥਕ ਫਤਵਾ ਨਹੀਂ ਦਿੱਤਾ ਗਿਆ। ਵਾਰਿਸ ਪੰਜਾਬ ਦੇ ਪਾਰਟੀ ਤੀਜੇ ਨੰਬਰ ‘ਤੇ ਰਹਿ ਕੇ ਭਾਵੇਂ ਦੌੜ ਵਿਚੋਂ ਬਾਹਰ ਹੋ ਗਈ ਪਰ ਜ਼ਮਾਨਤ ਬਚਾ ਗਈ। ਪਦ ਕਾਂਗਰਸ ਤੇ ਬੀਜੇਪੀ ਤਾਂ ਆਪਣੀ ਜ਼ਮਾਨਤ ਬਚਾਉਣ ਵਿਚ ਵੀ ਕਾਮਯਾਬ ਨਹੀਂ ਹੋਈਆਂਂ।
-ਆਮ ਆਦਮੀ ਪਾਰਟੀ ਦੀ ਜਿੱਤ ਯਕੀਨੀ ਹੋ ਗਈ ਹੈ। 15 ਰਾਊਂਡ ਵਿਚ ਅੱਗੇ ਚੱਲ ਰਹੇ ਹਰਮੀਤ ਸਿੰਘ ਤਰਨਤਾਰਨ ਦੇ ਵਿਧਾਇਕ ਬਣ ਗਏ ਹਨ। ਬਸ ਰਸਮੀ ਐਲਾਨ ਹੋਣਾ ਬਾਕੀ ਹੈ, ਕਿਉਂਕਿ ਅਜੇ 16ਵੇਂ ਗੇੜ ਦੀ ਗਿਣਤੀ ਚੱਲ ਰਹੀ ਹੈ।
-ਆਮ ਆਦਮੀ ਪਾਰਟੀ ਉਪ-ਚੋਣਾਂ ਦੇ ਨਤੀਜਿਆਂ ਵਿੱਚ ਲਗਾਤਾਰ ਮਜ਼ਬੂਤ ਹੋ ਰਹੀ ਹੈ। ਸ਼੍ਰੋਮਣੀ ਅਕਾਲੀ ਦਲ ਦਾ ਉਮੀਦਵਾਰ ਲਗਾਤਾਰ ਦੂਜੇ ਦੌਰਾਂ ਵਿੱਚ ਪਿੱਛੇ ਚੱਲ ਰਿਹਾ ਹੈ। ਹੁਣ ਤੱਕ ਦੇ 10 ਦੌਰਾਂ ਵਿੱਚ, ਕਾਂਗਰਸ ਦੇ ਕਰਨਬੀਰ ਸਿੰਘ ਬੁਰਜ ਅਤੇ ਭਾਜਪਾ ਦੇ ਹਰਜੀਤ ਸਿੰਘ ਸੰਧੂ ਆਪਣੀ ਜ਼ਮਾਨਤ ਬਚਾਉਂਦੇ ਵੀ ਨਜ਼ਰ ਨਹੀਂ ਆ ਰਹੇ।
-ਨੌਵੇਂ ਦੌਰ ਵਿੱਚ ‘ਆਪ’ ਉਮੀਦਵਾਰ ਹਰਮੀਤ ਸਿੰਘ ਸੰਧੂ ਨੂੰ ਰਾਹਤ ਮਿਲਦੀ ਜਾ ਰਹੀ ਹੈ। ਇਸ ਦੌਰ ਦੇ ਨਤੀਜੇ ਵਿੱਚ, ਹਰਮੀਤ ਸਿੰਘ ਸੰਧੂ ਨੂੰ 5510 ਵੋਟਾਂ ਦੀ ਵੱਡੀ ਲੀਡ ਮਿਲੀ ਹੈ ਜਦੋਂ ਕਿ 7 ਦੌਰ ਅਜੇ ਬਾਕੀ ਹਨ।
-ਅੱਠਵੇਂ ਦੌਰ ਵਿੱਚ ਆਜ਼ਾਦ ਉਮੀਦਵਾਰ ਮਨਦੀਪ ਸਿੰਘ ਤੀਜੇ ਸਥਾਨ ‘ਤੇ, ਕਾਂਗਰਸ ਦੇ ਕਰਨਬੀਰ ਸਿੰਘ ਬੁਰਜ ਚੌਥੇ ਸਥਾਨ ‘ਤੇ ਅਤੇ ਭਾਜਪਾ ਪੰਜਵੇਂ ਸਥਾਨ ‘ਤੇ ਹੈ। ਭਾਜਪਾ ਨੂੰ 2302 ਵੋਟਾਂ ਮਿਲੀਆਂ ਹਨ। ਕਰਨਬੀਰ ਬੁਰਜ ਨੂੰ 8760 ਵੋਟਾਂ ਮਿਲੀਆਂ ਹਨ, ਮਨਦੀਪ ਸਿੰਘ ਨੂੰ ਕੁੱਲ 9162 ਵੋਟਾਂ ਮਿਲੀਆਂ ਹਨ। ‘ਆਪ’ ਦੇ ਸੰਧੂ ਨੂੰ ਹੁਣ ਤੱਕ 20454 ਵੋਟਾਂ ਮਿਲੀਆਂ ਹਨ।
-ਆਮ ਆਦਮੀ ਪਾਰਟੀ (ਆਪ) ਵਿਧਾਨ ਸਭਾ ਉਪ ਚੋਣ ਦੇ ਪੇਂਡੂ ਖੇਤਰਾਂ ਵਿੱਚ ਸਖ਼ਤ ਮੁਕਾਬਲੇ ਦਾ ਸਾਹਮਣਾ ਕਰ ਰਹੀ ਹੈ। ਇਸ ਚੋਣ ਦੇ ਨਤੀਜੇ 16 ਦੌਰਾਂ ਵਿੱਚ ਅੰਤਿਮ ਰੂਪ ਦਿੱਤੇ ਜਾਣਗੇ, ਸੱਤਵੇਂ ਦੌਰ ਵਿੱਚ ‘ਆਪ’ ਸਿਰਫ਼ 1836 ਵੋਟਾਂ ਨਾਲ ਅੱਗੇ ਹੈ। ‘ਆਪ’ ਦੀ ਸਮੂਹਿਕ ਲੀਡਰਸ਼ਿਪ, ਜਿਸ ਵਿੱਚ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਪਾਰਟੀ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਸ਼ਾਮਲ ਹਨ, ਮੌਜੂਦ ਰਹੇ, ਜਦੋਂ ਕਿ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਅਤੇ ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਪਾਰਟੀ ਲਈ ਅਣਥੱਕ ਮਿਹਨਤ ਕੀਤੀ।
-ਸ਼ਹਿਰੀ ਵੋਟਰਾਂ ਦੇ ਫੈਸਲੇ ਦੇ ਨਤੀਜੇ ਗਿਣਤੀ ਦੇ ਅੱਠਵੇਂ, ਨੌਵੇਂ, ਦਸਵੇਂ, ਗਿਆਰਵੇਂ ਅਤੇ ਬਾਰ੍ਹਵੇਂ ਦੌਰ ਵਿੱਚ ਸਾਹਮਣੇ ਆਉਣਗੇ। ‘ਆਪ’ ਨੂੰ ਆਪਣੇ ਸ਼ਹਿਰੀ ਹਲਕੇ ਦੇ ਸਮਰਥਨ ਦਾ ਭਰੋਸਾ ਹੈ। ਤਰਨਤਾਰਨ ਦੇ ਚੋਣ ਇਤਿਹਾਸ ਵਿੱਚ ਇਹ ਪਹਿਲੀ ਵਾਰ ਹੈ ਜਦੋਂ ਸੱਤਾ ਵਿੱਚ ਕੋਈ ਪਾਰਟੀ ਉਪ ਚੋਣ ਵਿੱਚ ਇੰਨੀ ਨਾਜ਼ੁਕ ਸਥਿਤੀ ਦਾ ਸਾਹਮਣਾ ਕਰ ਰਹੀ ਹੈ। ਸਪੱਸ਼ਟ ਲੀਡ ਦੀ ਘਾਟ ‘ਆਪ’ ਲਈ ਇੱਕ ਵੱਡੀ ਸਿਰਦਰਦੀ ਬਣ ਗਈ ਹੈ।
-ਤਿੰਨ ਦੌਰਾਂ ਵਿੱਚ ਲਗਾਤਾਰ ਲੀਡ ਬਣਾਈ ਰੱਖਣ ਵਿੱਚ ਕਾਮਯਾਬ ਰਿਹਾ ਅਕਾਲੀ ਦਲ ਪੰਜਵੇਂ ਦੌਰ ਵਿੱਚ ਪਿੱਛੇ ਹੋ ਗਿਆ। ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਹਰਮੀਤ ਸਿੰਘ ਸੰਧੂ ਪੰਜਵੇਂ ਦੌਰ ਵਿੱਚ 187 ਵੋਟਾਂ ਨਾਲ ਅੱਗੇ ਹਨ।
– ਤਰਨ ਤਾਰਨ ਵਿਧਾਨ ਸਭਾ ਉਪ-ਚੋਣ ਦੌਰਾਨ ਗਿਣਤੀ ਦੇ ਤਿੰਨ ਦੌਰਾਂ ਵਿੱਚ ਲਗਾਤਾਰ ਲੀਡ ਬਣਾਈ ਰੱਖਣ ਵਿੱਚ ਕਾਮਯਾਬ ਰਿਹਾ ਅਕਾਲੀ ਦਲ ਚੌਥੇ ਦੌਰ ਵਿੱਚ ਪਿੱਛੇ ਹੋ ਗਿਆ। ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਹਰਮੀਤ ਸਿੰਘ ਸੰਧੂ ਚੌਥੇ ਦੌਰ ਵਿੱਚ 179 ਵੋਟਾਂ ਨਾਲ ਅੱਗੇ ਹਨ।
-ਲਗਾਤਾਰ ਦੋ ਦੌਰਾਂ ਤੋਂ ਅੱਗੇ ਚੱਲ ਰਹੇ ਅਕਾਲੀ ਦਲ ਦੇ ਉਮੀਦਵਾਰ ਦੀ ਲੀਡ ਹੁਣ ਘੱਟਣ ਲੱਗੀ ਹੈ। ਤੀਜੇ ਦੌਰ ਵਿੱਚ, ਉਨ੍ਹਾਂ ਦੀ ਲੀਡ ਹੁਣ 374 ਵੋਟਾਂ ਹੈ। ਚੌਥਾ ਦੌਰ ਜਲਦੀ ਹੀ ਪੂਰਾ ਹੋ ਜਾਵੇਗਾ। ਪੰਜ ਦੌਰਾਂ ਦੀ ਮਤਦਾਨ ਪੂਰੀ ਹੋਣ ਤੋਂ ਬਾਅਦ, ਗਿਣਤੀ ਪੂਰੀ ਹੋਣ ਦੀ ਉਮੀਦ ਹੈ। ਇਹ ਧਿਆਨ ਦੇਣ ਯੋਗ ਹੈ ਕਿ ਇਸ ਚੋਣ ਦੇ ਨਤੀਜੇ ਕੁੱਲ 16 ਦੌਰਾਂ ਵਿੱਚ ਘੋਸ਼ਿਤ ਕੀਤੇ ਜਾਣੇ ਹਨ। ਤਿੰਨ ਦੌਰ ਲੰਘ ਜਾਣ ਦੇ ਬਾਵਜੂਦ, ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਹਰਮੀਤ ਸਿੰਘ ਸੰਧੂ ਅਜੇ ਤੱਕ ਗਿਣਤੀ ਕੇਂਦਰ ਵਿੱਚ ਨਹੀਂ ਪਹੁੰਚੇ ਹਨ।
-ਆਪ ਦੇ ਹਰਮੀਤ ਸਿੰਘ ਸੰਧੂ ਦੂਜੇ ਨੰਬਰ ‘ਤੇ ਚਲ ਰਹੇ ਹਨ।
-ਪਹਿਲੇ ਗੇੜ ਦੇ ਰੁਝਾਨਾਂ ਵਿਚ ਸ਼੍ਰੋਮਣੀ ਅਕਾਲੀ ਦਲ ਦੀ ਸੁਖਵਿੰਦਰ ਕੌਰ ਰੰਧਾਵਾ 625 ਨਾਲ ਅੱਗੇ ਹੈ।
ਵਿਧਾਨ ਸਭਾ ਹਲਕਾ ਤਰਨ ਤਾਰਨ ਦੇ ਚੋਣ ਨਤੀਜਿਆਂ ਵਿਚ ਪਹਿਲੇ ਗੇੜ ਵਿਚ ਹਰਮੀਤ ਸਿੰਘ ਸੰਧੂ 2285, ਭਾਈ ਮਨਦੀਪ ਸਿੰਘ 1005, ਸੁਖਵਿੰਦਰ ਕੌਰ ਰੰਧਾਵਾ 2910, ਕਰਨਬੀਰ ਸਿੰਘ ਬੁਰਜ 1379, ਹਰਜੀਤ ਸਿੰਘ ਸੰਧੂ 282 ਨੂੰ ਵੋਟਾਂ ਮਿਲੀਆਂ ਹਨ।
-ਪਹਿਲੇ ਗੇੜ ਦਾ ਰੁਝਾਨ 8.55 ਵਜੇ ਆਇਆ।
-ਸਵੇਰੇ 8 ਵਜੇ ਵੋਟਾਂ ਦੀ ਗਿਣਤੀ ਸ਼ੁਰੂ ਹੋਈ।
ਸੰਖੇਪ:
