Govinda Niece Ragini Khanna(ਪੰਜਾਬੀ ਖ਼ਬਰਨਾਮਾ) : ਗੋਵਿੰਦੀ ਦੀ ਭਤੀਜੀ ਅਤੇ ਟੀਵੀ ਅਦਾਕਾਰਾ ਰਾਗਿਨੀ ਖੰਨਾ ਲੰਬੇ ਸਮੇਂ ਤੋਂ ਪਰਦੇ ਤੋਂ ਗਾਇਬ ਹੈ। ਹਾਲ ਹੀ ‘ਚ ਉਨ੍ਹਾਂ ਨੇ ਭੈਣ ਆਰਤੀ ਸਿੰਘ ਦੇ ਵਿਆਹ ਨੂੰ ਲੈ ਕੇ ਪ੍ਰਸ਼ੰਸਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਅਭਿਨੇਤਰੀ ਇਕ ਵਿਆਹ ਸਮਾਗਮ ਵਿਚ ਸ਼ਾਮਲ ਹੋਈ ਸੀ, ਜਿੱਥੋਂ ਦੇ ਉਸ ਦੀਆਂ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈਆਂ ਸਨ। ਇਸ ਦੇ ਨਾਲ ਹੀ ਹੁਣ ਅਦਾਕਾਰਾ ਦੇ ਧਰਮ ਬਦਲਣ ਨੂੰ ਲੈ ਕੇ ਇਕ ਹੈਰਾਨੀਜਨਕ ਪੋਸਟ ਸਾਹਮਣੇ ਆਈ ਹੈ।
ਰਾਗਿਨੀ ਖੰਨਾ ਲੰਬੇ ਸਮੇਂ ਤੋਂ ਲਾਈਮਲਾਈਟ ਤੋਂ ਦੂਰ ਹੈ। ਅਜਿਹੇ ‘ਚ ਪ੍ਰਸ਼ੰਸਕਾਂ ਕੋਲ ਨਾ ਤਾਂ ਉਸ ਦੀ ਪਰਸਨਲ ਤੇ ਨਾ ਹੀ ਪ੍ਰਾਇਵੇਟ ਲਾਈਫ ਬਾਰੇ ਕੋਈ ਅਪਡੇਟ ਹੈ। ਅਜਿਹੇ ‘ਚ ਉਨ੍ਹਾਂ ਦੇ ਧਰਮ ਪਰਿਵਰਤਨ ਦੀ ਖਬਰ ਹੈਰਾਨ ਕਰਨ ਵਾਲੀ ਹੈ।
ਰਾਗਿਨੀ ਖੰਨਾ ਨੇ ਹਾਲ ਹੀ ‘ਚ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਕ ਪੋਸਟ ਸ਼ੇਅਰ ਕੀਤੀ ਹੈ। ਇਸ ਦੇ ਨਾਲ ਹੀ ਅਦਾਕਾਰਾ ਨੇ ਦੱਸਿਆ ਕਿ ਉਸਨੇ ਹਿੰਦੂ ਧਰਮ ਛੱਡ ਕੇ ਈਸਾਈ ਧਰਮ ਅਪਣਾ ਲਿਆ ਹੈ। ਇਸ ਤੋਂ ਬਾਅਦ ਅੱਜ 2 ਮਈ ਨੂੰ ਰਾਗਿਨੀ ਖੰਨਾ ਦੀ ਦੂਜੀ ਪੋਸਟ ਸਾਹਮਣੇ ਆਈ ਹੈ। ਜਿਸ ਵਿੱਚ ਉਸ ਨੇ ਧਰਮ ਬਦਲਣ ਲਈ ਮੁਆਫੀ ਮੰਗੀ ਹੈ। ਇਸ ਦੇ ਨਾਲ ਹੀ ਮੇਰੀ ਪਿਛਲੀ ਪੋਸਟ ਨੂੰ ਵੀ ਡਿਲੀਟ ਕਰ ਦਿੱਤਾ ਗਿਆ ਹੈ।
ਰਾਗਿਨੀ ਖੰਨਾ ਦੀ ਨਵੀਂ ਵੀਡੀਓ ‘ਚ ਉਸ ਨਾਲ ਹਿੰਦੂ ਧਰਮ ਗੁਰੂ ਨਜ਼ਰ ਆ ਰਿਹਾ ਹੈ। ਪੋਸਟ ਦੇ ਨਾਲ, ਅਭਿਨੇਤਰੀ ਨੇ ਕਿਹਾ ਕਿ ਉਸਨੇ ਵਾਪਸ ਹਿੰਦੂ ਧਰਮ ਅਪਣਾ ਲਿਆ ਹੈ ਅਤੇ ਆਪਣੇ ਆਪ ਨੂੰ ਕੱਟੜ ਸਨਾਤਨੀ ਹਿੰਦੂ ਦੱਸਿਆ ਹੈ। ਰਾਗਿਨੀ ਖੰਨਾ ਨੇ ਕੈਪਸ਼ਨ ‘ਚ ਲਿਖਿਆ, “ਹੈਲੋ, ਮੈਂ ਰਾਗਿਨੀ ਖੰਨਾ ਹਾਂ। ਮੈਂ ਆਪਣੀ ਪਿਛਲੀ ਰੀਲ ਲਈ ਮੁਆਫੀ ਮੰਗਣਾ ਚਾਹੁੰਦੀ ਹਾਂ, ਜਿੱਥੇ ਮੈਂ ਈਸਾਈ ਧਰਮ ਅਪਣਾ ਲਿਆ ਸੀ। ਮੈਂ ਆਪਣੀਆਂ ਜੜ੍ਹਾਂ ‘ਤੇ ਵਾਪਸ ਆ ਗਈ ਹਾਂ ਅਤੇ ਕੱਟੜ ਹਿੰਦੂ ਸਨਾਤਨੀ ਬਣਨ ਦੇ ਰਾਹ ‘ਤੇ ਹਾਂ।”
