Commonwealth Games 2026 Medal Telly : ਆਸਟ੍ਰੇਲੀਆ ਨੇ 80 ਤਾਂ ਇੰਗਲੈਂਡ ਨੇ ਜਿੱਤੇ 43 ਮੈਡਲ, ਜਾਣੋ ਮੈਡਲ ਟੈਲੀ ‘ਚ ਕਿੱਥੇ ਹੈ ਭਾਰਤ

ਨਵੀਂ ਦਿੱਲੀ 29 ਜੁਲਾਈ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਸਕਾਟਲੈਂਡ ਦੇ ਗਲਾਸਗੋ ‘ਚ 23 ਜੁਲਾਈ ਤੋਂ 2 ਅਗਸਤ ਤਕ ਜਾਰੀ ਰਾਸ਼ਟਰਮੰਡਲ ਖੇਡਾਂ 2026 (Commonwealth Games 2026) ‘ਚ 122 ਭਾਰਤੀ ਐਥਲੀਟ ਮੈਡਲ ਜਿੱਤਣ ਦੇ ਇਰਾਦੇ ਨਾਲ ਉੱਤਰੇ ਹਨ। ਭਾਰਤ 8 ਆਮ ਖੇਡਾਂ ‘ਚ ਤਗਮੇ ਦੀ ਚੁਣੌਤੀ ਪੇਸ਼ ਕਰ ਰਿਹਾ ਹੈ।

ਇਨ੍ਹਾਂ ਵਿਚ ਅਥਲੈਟਿਕਸ, ਆਰਟਿਸਟਿਕ ਜਿਮਨਾਸਟਿਕ, ਲਾਨ ਬੌਲਜ਼, ਮੁੱਕੇਬਾਜ਼ੀ, ਜੂਡੋ, ਤੈਰਾਕੀ, ਟਰੈਕ ਸਾਈਕਲਿੰਗ ਤੇ ਵੇਟਲਿਫਟਿੰਗ ਸ਼ਾਮਲ ਹਨ। ਇੰਨਾ ਹੀ ਨਹੀਂ, ਭਾਰਤੀ ਖਿਡਾਰੀ 5 ਪੈਰਾ ਈਵੈਂਟਸ ‘ਚ ਵੀ ਹਿੱਸਾ ਲੈ ਰਹੇ ਹਨ। ਇਨ੍ਹਾਂ ਵਿਚ ਪੈਰਾ ਅਥਲੈਟਿਕਸ, ਪੈਰਾ ਪਾਵਰਲਿਫਟਿੰਗ, ਪੈਰਾ ਤੈਰਾਕੀ, ਪੈਰਾ ਟਰੈਕ ਸਾਈਕਲਿੰਗ ਤੇ 3×3 ਵ੍ਹੀਲਚੇਅਰ ਬਾਸਕਟਬਾਲ ਸ਼ਾਮਲ ਹਨ।

ਝੰਡੂ ਕੁਮਾਰ ਨੇ ਖੋਲ੍ਹਿਆ ਖਾਤਾ

ਓਪਨਿੰਗ ਸੈਰੇਮਨੀ ਤੋਂ ਪਹਿਲਾਂ ਹੀ ਲਵਲੀਨਾ ਬੋਰਗੋਹੇਨ ਨੂੰ ਮਹਿਲਾ 75 ਕਿਲੋਗ੍ਰਾਮ ਮੁੱਕੇਬਾਜ਼ੀ ਮੁਕਾਬਲੇ ਦੇ ਕੁਆਰਟਰ ਫਾਈਨਲ ‘ਚ ਬਾਏ (Bye) ਮਿਲਿਆ ਤੇ ਭਾਰਤ ਦਾ ਤਗਮਾ ਪੱਕਾ ਹੋ ਗਿਆ। ਇਸ ਵਾਰ ਭਾਰਤ ਲਈ ਝੰਡੂ ਕੁਮਾਰ ਨੇ ਪੈਰਾ ਪਾਵਰਲਿਫਟਿੰਗ ‘ਚ ਬ੍ਰੌਨਜ਼ ਮੈਡਲ ਜਿੱਤ ਕੇ ਮੈਡਲਾਂ ਦਾ ਖਾਤਾ ਖੋਲ੍ਹਿਆ। ਇਸ ਤੋਂ ਬਾਅਦ ਈਸ਼ੀਕਾਂਤ ਸਿੰਘ ਮੈਡਲ ਜਿੱਤਣ ਵਾਲੇ ਪਹਿਲੇ ਏਬਲ-ਬਾਡੀਡ (Able-bodied) ਭਾਰਤੀ ਖਿਡਾਰੀ ਬਣੇ। ਉਨ੍ਹਾਂ ਪੁਰਸ਼ਾਂ ਦੇ 60 ਕਿਲੋ ਵਾਲੇ ਵੇਟਲਿਫਟਿੰਗ ‘ਚ ਸਿਲਵਰ ਮੈਡਲ ਆਪਣੇ ਨਾਂ ਕੀਤਾ।

ਚਾਨੂ ਨੇ ਜਿੱਤਿਆ ਪਹਿਲਾ ਗੋਲਡ

ਸਟਾਰ ਵੇਟਲਿਫਟਰ ਮੀਰਾਬਾਈ ਚਾਨੂ ਨੇ ਮਹਿਲਾ 48 ਕਿਲੋਗ੍ਰਾਮ ਵਰਗ ‘ਚ ਗੋਲਡ ਮੈਡਲ ਜਿੱਤ ਕੇ ਭਾਰਤ ਨੂੰ ਗਲਾਸਗੋ 2026 ਦਾ ਪਹਿਲਾ ਗੋਲਡ ਮੈਡਲ ਦਿਵਾਇਆ। ਇਸ ਦੇ ਨਾਲ ਹੀ ਉਨ੍ਹਾਂ ਇਤਿਹਾਸ ਰਚ ਦਿੱਤਾ। ਚਾਨੂ ਨੇ ਲਗਾਤਾਰ ਤੀਜੀ ਵਾਰ ਰਾਸ਼ਟਰਮੰਡਲ ਖੇਡਾਂ ‘ਚ ਗੋਲਡ ਮੈਡਲ ਜਿੱਤਣ ਦਾ ਕਾਰਨਾਮਾ ਕੀਤਾ। ਰਾਸ਼ਟਰਮੰਡਲ ਖੇਡਾਂ 2026 ‘ਚ ਭਾਰਤ ਹੁਣ ਤਕ 12 ਮੈਡਲ ਜਿੱਤ ਚੁੱਕਾ ਹੈ ਤੇ 9ਵੇਂ ਸਥਾਨ ‘ਤੇ ਹੈ। ਭਾਰਤ ਨੇ 2 ਗੋਲਡ, 7 ਸਿਲਵਰ ਤੇ 3 ਬ੍ਰੌਨਜ਼ ਮੈਡਲ ਜਿੱਤੇ ਹਨ। 80 ਮੈਡਲਾਂ ਨਾਲ ਆਸਟ੍ਰੇਲੀਆ ਮੈਡਲ ਟੈਲੀ ‘ਚ ਸਿਖਰ ‘ਤੇ ਹੈ।

ਆਸਟ੍ਰੇਲੀਆ ਟੌਪ ‘ਤੇ

ਆਸਟ੍ਰੇਲੀਆ: 80 ਮੈਡਲ

ਕੈਨੇਡਾ: 35 ਮੈਡਲ

ਇੰਗਲੈਂਡ: 43 ਮੈਡਲ

ਸਕਾਟਲੈਂਡ: 15 ਮੈਡਲ

ਨਾਈਜੀਰੀਆ: 12 ਮੈਡਲ

ਮਲੇਸ਼ੀਆ: 10 ਮੈਡਲ

ਸਾਊਥ ਅਫਰੀਕਾ: 16 ਮੈਡਲ

ਨਿਊਜ਼ੀਲੈਂਡ: 13 ਮੈਡਲ

ਭਾਰਤ: 12 ਮੈਡਲ

ਭਾਰਤੀ ਮੈਡਲ ਜੇਤੂ