27 ਜੁਲਾਈ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਦੇ ਕਰੋੜਾਂ ਗਾਹਕਾਂ (PF Subscribers) ਲਈ ਇੱਕ ਜ਼ਰੂਰੀ ਖ਼ਬਰ ਹੈ। ਲੰਬੇ ਸਮੇਂ ਤੋਂ ਪੀ.ਐੱਫ. (PF) ਕਲੇਮ ਨੂੰ ਯੂ.ਪੀ.ਆਈ. (UPI) ਨਾਲ ਜੋੜਨ ਦੀ ਸਹੂਲਤ ਦਾ ਇੰਤਜ਼ਾਰ ਕੀਤਾ ਜਾ ਰਿਹਾ ਸੀ। ਹੁਣ ਇਸ ਸਹੂਲਤ ਦੇ ਰੋਲਆਊਟ ਦੀ ਨਵੀਂ ਟਾਈਮਲਾਈਨ ਅਤੇ ਇਸ ਵਿੱਚ ਹੋ ਰਹੀ ਦੇਰੀ ਦਾ ਕਾਰਨ ਸਾਹਮਣੇ ਆ ਗਿਆ ਹੈ। EPFO ਨੇ ਆਪਣੀ UPI-Linked Claim Settlement ਸਹੂਲਤ ਦੀ ਸ਼ੁਰੂਆਤ ਫਿਲਹਾਲ ਟਾਲ ਦਿੱਤੀ ਹੈ।
ਕੀ ਹੈ ਪੂਰਾ ਮਾਮਲਾ?
EPFO ਆਪਣੇ ਡਿਜੀਟਲ ਪਲੇਟਫਾਰਮ ਨੂੰ ਆਧੁਨਿਕ ਬਣਾਉਣ ਲਈ CITES 2.01 (Centralised IT Enabled Services) ਨਾਮ ਦਾ ਨਵਾਂ ਸਿਸਟਮ ਲੈ ਕੇ ਆਇਆ ਹੈ। ਇਸ ਅੱਪਗ੍ਰੇਡ (EPFO Upgrade) ਦਾ ਮਕਸਦ PF ਨਾਲ ਜੁੜੀਆਂ ਸੇਵਾਵਾਂ ਨੂੰ ਤੇਜ਼, ਆਸਾਨ ਅਤੇ ਪੂਰੀ ਤਰ੍ਹਾਂ ਡਿਜੀਟਲ ਬਣਾਉਣਾ ਹੈ ਪਰ ਨਵਾਂ ਸਿਸਟਮ ਲਾਗੂ ਹੋਣ ਤੋਂ ਬਾਅਦ ਕਈ ਮੈਂਬਰਾਂ ਨੇ ਸ਼ਿਕਾਇਤ ਕੀਤੀ ਕਿ:
ਪੁਰਾਣੇ EPF ਅਕਾਊਂਟ ਦਾ ਡਾਟਾ ਦਿਖਾਈ ਨਹੀਂ ਦੇ ਰਿਹਾ।
ਪੋਰਟਲ ‘ਤੇ ਲੌਗਇਨ ਕਰਨ ’ਚ ਦਿੱਕਤ ਆ ਰਹੀ ਹੈ।
ਵੈੱਬਸਾਈਟ ਕਾਫ਼ੀ ਹੌਲੀ ਚੱਲ ਰਹੀ ਹੈ।
PF ਕਲੇਮ ਦੀ ਪ੍ਰੋਸੈਸਿੰਗ ਵਿੱਚ ਦੇਰੀ ਹੋ ਰਹੀ ਹੈ।
ਤਕਨੀਕੀ ਸਮੱਸਿਆਵਾਂ ਨੂੰ ਠੀਕ ਕਰਨ ਲਈ EPFO ਨੇ ਫਿਲਹਾਲ UPI ਆਧਾਰਿਤ ਕਲੇਮ ਸਹੂਲਤ ਦੀ ਲਾਂਚਿੰਗ ਅੱਗੇ ਵਧਾ ਦਿੱਤੀ ਹੈ।
ਹੁਣ ਕਦੋਂ ਮਿਲੇਗੀ ਸਹੂਲਤ?
EPFO ਫਿਲਹਾਲ ਨਵੇਂ ਪੋਰਟਲ ਨੂੰ ਪੂਰੀ ਤਰ੍ਹਾਂ ਸਥਿਰ ਬਣਾਉਣ ਲਈ ਕੰਮ ਕਰ ਰਿਹਾ ਹੈ। ਉਮੀਦ ਹੈ ਕਿ ਅਗਸਤ ਦੇ ਪਹਿਲੇ ਹਫ਼ਤੇ ਤੱਕ ਜ਼ਿਆਦਾਤਰ ਤਕਨੀਕੀ ਸਮੱਸਿਆਵਾਂ ਦੂਰ ਕਰ ਲਈਆਂ ਜਾਣਗੀਆਂ। ਇਸ ਤੋਂ ਬਾਅਦ UPI-Linked Claim Settlement ਸਹੂਲਤ ਸ਼ੁਰੂ ਕੀਤੀ ਜਾ ਸਕਦੀ ਹੈ। ਹਾਲਾਂਕਿ EPFO ਨੇ ਅਜੇ ਇਸ ਦੀ ਅੰਤਿਮ ਤਾਰੀਖ਼ ਦਾ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ।
ਜਾਣਕਾਰੀ ਦੇ ਮੁਤਾਬਕ ਇਸ ਸਹੂਲਤ ਨੂੰ ਪਹਿਲਾਂ ਵਿੱਤੀ ਸਾਲ 2026 ਦੇ ਅੰਤ ਤੱਕ ਲਾਂਚ ਕੀਤਾ ਜਾਣਾ ਸੀ ਪਰ ਹੁਣ ਇਸ ਦੇ ਰੋਲਆਊਟ ਨੂੰ ਟਾਲ ਦਿੱਤਾ ਗਿਆ ਹੈ।
EPFO 3.0 ਦਾ ਹਿੱਸਾ ਹੈ ਇਹ ਬਦਲਾਅ
UPI ਆਧਾਰਿਤ PF ਭੁਗਤਾਨ ਸਹੂਲਤ (PF Withdrawal By UPI), ਸਰਕਾਰ ਦੇ EPFO 3.0 ਡਿਜੀਟਲ ਸੁਧਾਰ ਮੁਹਿੰਮ ਦਾ ਹਿੱਸਾ ਹੈ। ਇਸ ਦਾ ਉਦੇਸ਼ ਹੈ ਕਿ PF ਨਾਲ ਜੁੜੇ ਕੰਮ ਬੈਂਕਿੰਗ ਸੇਵਾਵਾਂ ਵਾਂਗ ਤੇਜ਼ ਅਤੇ ਆਸਾਨ ਹੋ ਜਾਣ।
ਇਸ ਪ੍ਰੋਜੈਕਟ ਤਹਿਤ:
ਕਲੇਮ ਸੈਟਲਮੈਂਟ ਨੂੰ ਤੇਜ਼ ਬਣਾਇਆ ਜਾਵੇਗਾ।
ਡਿਜੀਟਲ ਸੇਵਾਵਾਂ ਦਾ ਵਿਸਥਾਰ ਹੋਵੇਗਾ।
ਕਾਗਜ਼ੀ ਪ੍ਰਕਿਰਿਆ ਘੱਟ ਹੋਵੇਗੀ।
ਮੈਂਬਰਾਂ ਨੂੰ ਬਿਹਤਰ ਆਨਲਾਈਨ ਤਜ਼ਰਬਾ ਮਿਲੇਗਾ।
EPFO ਫਿਲਹਾਲ ਆਪਣੇ CITES 2.01 ਪਲੇਟਫਾਰਮ ਦੀਆਂ ਤਕਨੀਕੀ ਖ਼ਾਮੀਆਂ ਅਤੇ ਪੁਰਾਣੇ ਡਾਟਾ ਦੇ ਗਾਇਬ ਹੋਣ ਦੀ ਸਮੱਸਿਆ ਨੂੰ ਸੁਲਝਾਉਣ ਵਿੱਚ ਲੱਗਿਆ ਹੈ। ਇਸ ਦੇ ਠੀਕ ਹੁੰਦੇ ਹੀ ਅਗਸਤ ਵਿੱਚ ਗਾਹਕਾਂ ਨੂੰ UPI ਰਾਹੀਂ ਆਸਾਨੀ ਨਾਲ ਪੀ.ਐੱਫ. ਪੈਸੇ ਟ੍ਰਾਂਸਫਰ ਕਰਨ ਦੀ ਸਹੂਲਤ ਮਿਲਣ ਦੀ ਉਮੀਦ ਹੈ।
