ਦਫਤਰ ਜ਼ਿਲ੍ਹਾ ਲੋਕ ਸੰਪਰਕ ਅਫਸਰ, ਤਰਨ ਤਾਰਨ
21-ਤਰਨ ਤਾਰਨ ਉਪ-ਚੋਣ ਲਈ ਈਵੀਐਮ ਦੀ ਸਪਲੀਮੈਂਟਰੀ ਰੈਂਡਮਾਈਜ਼ੇਸ਼ਨ ਕੀਤੀ ਗਈ
ਤਰਨ ਤਾਰਨ, 6 ਨਵੰਬਰ (ਪੰਜਾਬੀ ਖਬਰਨਾਮਾ ਬਿਊਰੋ)- ਰਿਟਰਨਿੰਗ ਅਫਸਰਾਂ ਦੇ ਪੱਧਰ ‘ਤੇ 20 ਫ਼ੀਸਦੀ ਬੈਲਟ ਯੂਨਿਟ, 20 ਫ਼ੀਸਦੀ ਕੰਟਰੋਲ ਯੂਨਿਟ ਅਤੇ 30 ਫ਼ੀਸਦੀ ਵੀਵੀਪੈਟ ਵਰਗੇ ਈਵੀਐਮ ਦੇ ਢੁਕਵੇਂ ਰਿਜ਼ਰਵ ਦੇ ਰੱਖ-ਰਖਾਅ ਸੰਬੰਧੀ ਭਾਰਤ ਦੇ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਦੀ ਪਾਲਣਾ ਕਰਦੇ ਹੋਏ, ਐਨਆਈਸੀ ਸੈਂਟਰ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ, ਤਰਨ ਤਾਰਨ ਵਿਖੇ ਜਨਰਲ ਆਬਜ਼ਰਵਰ, ਨੋਡਲ ਅਫਸਰ ਈਵੀਐਮ ਅਤੇ ਰਾਜਨੀਤਿਕ ਪਾਰਟੀਆਂ ਦੇ ਨੁਮਾਇੰਦਿਆਂ, ਇੰਡੀਅਨ ਨੈਸ਼ਨਲ ਕਾਂਗਰਸ ਤੋਂ ਸ਼੍ਰੀ ਅਮਰਿੰਦਰ ਸਿੰਘ ਅਤੇ ਸੱਚੋ-ਸੱਚ ਪਾਰਟੀ ਤੋਂ ਸ਼੍ਰੀ ਸ਼ਾਮ ਲਾਲ ਗਾਂਧੀ ਦੀ ਨਿਗਰਾਨੀ ਹੇਠ ਈਵੀਐਮ ਦੀ ਸਪਲੀਮੈਂਟਰੀ ਰੈਂਡਮਾਈਜ਼ੇਸ਼ਨ ਕੀਤੀ ਗਈ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਚੋਣ ਅਧਿਕਾਰੀ ਸ੍ਰੀ ਰਾਹੁਲ, ਆਈ. ਏ. ਐੱਸ., ਨੇ ਦੱਸਿਆ ਕਿ ਭਾਰਤ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ, ਵਿਧਾਨ ਸਭਾ ਹਲਕਾ 021-ਤਰਨਤਾਰਨ ਦੀ ਉਪ-ਚੋਣ 2025 ਵਿੱਚ ਵਰਤੀਆਂ ਜਾਣ ਵਾਲੀਆਂ ਇਲੈਕਟ੍ਰਾਨਿਕ ਵੋਟਿੰਗ ਮਸ਼ੀਨਾਂ ਦੀ ਪਹਿਲੀ ਰੈਂਡਮਾਈਜ਼ੇਸ਼ਨ 16.10.2025 ਨੂੰ ਕੀਤੀ ਗਈ ਸੀ ਅਤੇ ਵਿਧਾਨ ਸਭਾ ਹਲਕੇ ਨੂੰ 266 ਬੀ.ਯੂ , 266 ਸੀ.ਯੂ ਅਤੇ 288 ਵੀ.ਵੀ.ਪੈਟ ਅਲਾਟ ਕੀਤੇ ਗਏ ਸਨ।
ਜ਼ਿਲ੍ਹਾ ਚੋਣ ਅਧਿਕਾਰੀ ਨੇ ਕਿਹਾ ਕਿ ਈ. ਵੀ. ਐਮ. ਨੂੰ ਕਮਿਸ਼ਨਿੰਗ ਕਰਨ ਦੀ ਪ੍ਰਕਿਰਿਆ 03.11.25 ਅਤੇ 04.11.25 ਨੂੰ ਜਨਰਲ ਆਬਜ਼ਰਵਰ ਅਤੇ ਮਾਨਤਾ ਪ੍ਰਾਪਤ ਰਾਜਨੀਤਿਕ ਪਾਰਟੀਆਂ ਦੇ ਨੁਮਾਇੰਦਿਆਂ ਦੀ ਮੌਜੂਦਗੀ ਵਿੱਚ ਵਿਧਾਨ ਸਭਾ ਹਲਕਾ 021-ਤਰਨ ਤਾਰਨ ਦੇ ਰਿਟਰਨਿੰਗ ਅਫਸਰ ਗੁਰਮੀਤ ਸਿੰਘ ਦੀ ਨਿਗਰਾਨੀ ਹੇਠ ਕੀਤੀ ਗਈ ਸੀ। ਕਮਿਸ਼ਨਿੰਗ ਦੌਰਾਨ, 4-ਬੈਲਟ ਯੂਨਿਟ, 4-ਕੰਟਰੋਲ ਯੂਨਿਟ ਅਤੇ 19- ਵੀ.ਵੀ.ਪੈਟ ਯੂਨਿਟ ਨੁਕਸਦਾਰ ਅਤੇ ਤਾਇਨਾਤੀ ਲਈ ਅਯੋਗ ਪਾਏ ਗਏ, ਜਿਸ ਕਾਰਨ ਰਿਜ਼ਰਵ ਯੂਨਿਟਾਂ ਦੀ ਨਿਰਧਾਰਤ ਪ੍ਰਤੀਸ਼ਤਤਾ ਬੀਯੂ ਵਿੱਚ 19 ਫ਼ੀਸਦੀ ਸੀਯੂ ਵਿੱਚ 19 ਫ਼ੀਸਦੀ ਅਤੇ ਵੀ.ਵੀ.ਪੈਟ ਵਿੱਚ 21 ਫ਼ੀਸਦੀ ਤੱਕ ਘਟ ਗਈ।
ਉਨ੍ਹਾਂ ਦੱਸਿਆ ਕਿ ਆਰ.ਓ ਪੱਧਰ ‘ਤੇ ਢੁਕਵਾਂ ਰਿਜ਼ਰਵ ਸਟਾਕ ਯਕੀਨੀ ਬਣਾਉਣ ਅਤੇ ਨਿਰਧਾਰਤ ਬਫਰ ਨੂੰ ਬਣਾਈ ਰੱਖਣ ਲਈ, ਜ਼ਿਲ੍ਹਾ ਵੇਅਰਹਾਊਸ ਤੋਂ 15 ਬੀ.ਯੂ, 15 ਸੀ.ਯੂ ਅਤੇ 43 ਵੀ.ਵੀ.ਪੈਟ ਦੀ ਪੂਰਕ ਸਪਲਾਈ ਕੀਤੀ ਗਈ ਹੈ।
ਅੱਪਡੇਟ ਕੀਤੀ ਗਈ ਵਸਤੂ ਸੂਚੀ ਈਵੀਐਮ ਟਰੈਕਿੰਗ ਰਜਿਸਟਰ ਵਿੱਚ ਦਰਜ ਕੀਤੀ ਗਈ ਹੈ ਅਤੇ ਈਵੀਐਮ ਵੰਡ ਦੇ ਮਾਸਟਰ ਰਿਕਾਰਡ ਨੂੰ ਇਸ ਅਨੁਸਾਰ ਸੋਧਿਆ ਗਿਆ ਹੈ। ਸਬੰਧਤ ਰਿਟਰਨਿੰਗ ਅਫਸਰ ਨੂੰ ਤੁਰੰਤ ਪੂਰਕ ਈਵੀਐਮ ਕਮਿਸ਼ਨਿੰਗ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ।
