6 ਜੂਨ (ਪੰਜਾਬੀ ਖਬਰਨਾਮਾ):ਜੈਪੁਰ ‘ਚ ਜ਼ਮੀਨੀ ਵਿਵਾਦ ਨੂੰ ਲੈ ਕੇ ਚਾਚੇ ਨੇ ਭਤੀਜੇ ਤੇ ਭਤੀਜੇ ਦਾ ਕਤਲ ਕਰ ਦਿੱਤਾ ਅਤੇ ਫਿਰ ਆਪ ਖੁਦਕੁਸ਼ੀ ਕਰ ਲਈ। ਜੈਪੁਰ ਦੇ ਝੋਟਵਾੜਾ ਇਲਾਕੇ ‘ਚ ਜਾਇਦਾਦ ਦੇ ਝਗੜੇ ਨੂੰ ਲੈ ਕੇ ਦਿਓਰ ਨੇ ਭਰਜਾਈ ਅਤੇ ਉਸ ਦੇ ਦੋ ਬੱਚਿਆਂ ‘ਤੇ ਹਮਲਾ ਕਰ ਦਿੱਤਾ।
ਹਮਲੇ ਵਿੱਚ ਜ਼ਖਮੀ ਹੋਏ ਮਾਸੂਮ ਭਤੀਜੇ ਅਤੇ ਭਤੀਜੀ ਦੀ ਮੌਤ ਹੋ ਗਈ। ਜ਼ਖਮੀ ਭਰਜਾਈ ਦਾ ਐੱਸਐੱਮਐੱਸ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ। ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਦੋਸ਼ੀ ਮੌਕੇ ਤੋਂ ਫਰਾਰ ਹੋ ਗਿਆ ਅਤੇ ਕਨਕਪੁਰਾ ਫਾਟਕ ਨੇੜੇ ਰੇਲਗੱਡੀ ਅੱਗੇ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ।
ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਪਹਿਲਾਂ ਦੋਸ਼ੀ ਨੇ ਇੰਸਟਾਗ੍ਰਾਮ ‘ਤੇ ਇਕ ਪੋਸਟ ਵੀ ਪਾਈ ਅਤੇ ਵੀਡੀਓ ‘ਚ ਕਿਹਾ ਕਿ ਅੱਜ ਆਖਰੀ ਰਾਤ ਹੈ। ਉਹ ਇੰਸਟਾਗ੍ਰਾਮ ਉਤੇ ਕਾਫੀ ਐਕਟਿਵ ਸੀ। ਮੁਲਜ਼ਮ ਚਾਚਾ ਬੱਚਿਆਂ ਨੂੰ ਲੈ ਕੇ ਸੋਸ਼ਲ ਮੀਡੀਆ ’ਤੇ ਵੀ ਕਾਫੀ ਸਰਗਰਮ ਸੀ ਪਰ ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਮੁਲਜ਼ਮ ਜ਼ਖਮੀ ਬੱਚਿਆਂ ਕੋਲ ਬੈਠ ਕੇ ਰੋਂਦਾ ਰਿਹਾ। ਕੁਝ ਦੇਰ ਬਾਅਦ ਮੁਲਜ਼ਮ ਆਪਣੇ ਮੋਟਰਸਾਈਕਲ ਉਤੇ ਫਰਾਰ ਹੋ ਗਿਆ ਅਤੇ ਟਰੇਨ ਅੱਗੇ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ।
ਡੀਸੀਪੀ (ਪੱਛਮੀ) ਅਮਿਤ ਕੁਮਾਰ ਨੇ ਦੱਸਿਆ ਕਿ ਇਹ ਵਾਰਦਾਤ ਲਕਸ਼ਮੀ ਨਗਰ ਨਿਵਾਰੂ ਰੋਡ ‘ਤੇ ਸਥਿਤ ਨੰਦ ਪਿੰਡ ‘ਚ ਰਾਤ ਕਰੀਬ 9 ਵਜੇ ਵਾਪਰੀ। ਜਾਇਦਾਦ ਦੇ ਵਿਵਾਦ ਨੂੰ ਲੈ ਰਘੁਵੀਰ ਨੇ ਆਪਣੀ ਭਰਜਾਈ ਸ਼ਕੁੰਤਲਾ ਅਤੇ ਮਾਸੂਮ ਭਤੀਜੇ ਅਤੇ ਭਤੀਜੀ ‘ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ। ਰਘੁਵੀਰ ਨੇ ਗੁੱਸੇ ‘ਚ ਭਰਜਾਈ ਸ਼ਕੁੰਤਲਾ, 12 ਸਾਲਾ ਭਤੀਜੀ ਦੇਵਯਾਂਸ਼ੀ ਅਤੇ 9 ਮਹੀਨੇ ਦੇ ਭਤੀਜੇ ਸੂਰਿਆ ਪ੍ਰਕਾਸ਼ ‘ਤੇ ਚਾਕੂ ਨਾਲ ਵਾਰ ਕਰ ਦਿੱਤਾ।
ਉਸ ਨੂੰ ਖੂਨ ਨਾਲ ਲੱਥਪੱਥ ਹਾਲਤ ‘ਚ ਜ਼ਮੀਨ ‘ਤੇ ਪਿਆ ਦੇਖ ਕੇ ਚਾਚਾ ਬਾਈਕ ‘ਤੇ ਮੌਕੇ ਤੋਂ ਫਰਾਰ ਹੋ ਗਿਆ।ਸਥਾਨਕ ਲੋਕਾਂ ਨੇ ਥਾਣਾ ਝੋਟਵਾੜਾ ਦੀ ਪੁਲਿਸ ਨੂੰ ਸੂਚਨਾ ਦਿੱਤੀ। ਪੁਲਿਸ ਨੇ ਖੂਨ ਨਾਲ ਲੱਥਪੱਥ ਹਾਲਤ ‘ਚ ਮਿਲੀ ਮਾਂ ਅਤੇ ਬੱਚਿਆਂ ਨੂੰ ਐੱਸਐੱਮਐੱਸ ਹਸਪਤਾਲ ‘ਚ ਦਾਖਲ ਕਰਵਾਇਆ। ਦੇਵਵਾਂਸ਼ੀ ਅਤੇ ਸੂਰਿਆ ਪ੍ਰਕਾਸ਼ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। ਜ਼ਖਮੀ ਮਾਂ ਸ਼ਕੁੰਤਲਾ ਦਾ ਗੰਭੀਰ ਹਾਲਤ ‘ਚ ਇਲਾਜ ਚੱਲ ਰਿਹਾ ਹੈ।
ਦਰਅਸਲ ਮੁਲਜ਼ਮ ਰਘੁਵੀਰ ਅਤੇ ਉਸ ਦੇ ਭਰਾ ਲਕਸ਼ਮਣ ਵਿਚਕਾਰ ਪਲਾਟ ਨੂੰ ਲੈ ਕੇ ਵਿਵਾਦ ਚੱਲ ਰਿਹਾ ਹੈ। ਇਸੇ ਕਾਰਨ ਪਹਿਲਾਂ ਵੀ ਝਗੜਾ ਹੋਇਆ ਸੀ। ਲਕਸ਼ਮਣ ਬੁੱਧਵਾਰ ਨੂੰ ਕੰਮ ‘ਤੇ ਗਿਆ ਹੋਇਆ ਸੀ। ਪਿੱਛੇ ਤੋਂ ਦਿਓਰ ਤੇ ਭਰਜਾਈ ਦੀ ਲੜਾਈ ਵੀ ਹੋਈ। ਲੜਾਈ ਵਧਣ ‘ਤੇ ਰਘੁਵੀਰ ਨੇ ਚਾਕੂ ਕੱਢ ਲਿਆ ਅਤੇ ਆਪਣੀ ਭਰਜਾਈ ‘ਤੇ ਹਮਲਾ ਕਰਨਾ ਸ਼ੁਰੂ ਕਰ ਦਿੱਤਾ। ਨੇੜੇ ਹੀ ਮੰਜੇ ‘ਤੇ ਸੌਂ ਰਹੇ ਭਤੀਜੇ ਸੂਰਿਆ ਪ੍ਰਤਾਪ ਵੀ ਜ਼ਖਮੀ ਹੋ ਗਿਆ। ਇਸ ਦੌਰਾਨ ਜਦੋਂ ਭਤੀਜੀ ਦਿਵਿਆਂਸ਼ੀ ਰੌਲਾ ਪਾਉਂਦੀ ਆਈ ਤਾਂ ਉਸ ਦਾ ਗਲਾ ਚਾਕੂ ਨਾਲ ਵੱਢ ਦਿੱਤਾ। ਫਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ
