ਨਵੀਂ ਦਿੱਲੀ (ਪੰਜਾਬੀ ਖਬਰਨਾਮਾ) 20 ਮਈ : Late Night Eating : ਅੱਜ ਦੀ ਲਾਈਫ ਇੰਨੀ ਭੱਜਦੌੜ ਭਰੀ ਹੈ ਕਿ ਲੋਕਾਂ ਦੇ ਸੌਣ ਜਾਗਣ ਤੋਂ ਲੈ ਕੇ ਖਾਣ-ਪੀਣ ਤਕ ਦਾ ਸ਼ਡਿਊਲ ਖਰਾਬ ਹੋ ਚੁੱਕਾ ਹੈ। ਇਸ ਤਰ੍ਹਾਂ ਨਾ ਸਿਰਫ਼ ਬ੍ਰੇਕਫਾਸਟ, ਲੰਚ ਅਤੇ ਡਿਨਰ ਦਾ ਸਮਾਂ ਬਦਲਿਆ ਹੈ ਬਲਕਿ ਗ਼ਲਤ ਸਮਾਂ ਯਾਨੀ ਰਾਤ ਵੇਲੇ ਭੁੱਖ ਲੱਗਣ ਦੀ ਸਮੱਸਿਆ ਵੀ ਕਈ ਲੋਕਾਂ ਨੂੰ ਹੁੰਦੀ ਹੈ, ਅਜਿਹੇ ਵਿਚ ਕੁਝ ਨਾ ਖਾਓ ਤਾਂ ਦਿੱਕਤ ਅਤੇ ਜੇਕਰ ਖਾਈਏ ਤਾਂ ਹੋਰ ਜ਼ਿਆਦਾ ਦਿੱਕਤ। ਜੀ ਹਾਂ, ਦੇਰੀ ਨਾਲ ਡਿਨਰ ਕਰਨ ਵਾਲੇ ਲੋਕਾਂ ਨੂੰ ਇਹ ਆਰਟੀਕਲ ਜ਼ਰੂਰ ਪੜ੍ਹਨਾ ਚਾਹੀਦਾ ਹੈ। ਇੱਥੇ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਕਿਵੇਂ ਇਹ ਇਕ ਆਦਤ ਤੁਹਾਨੂੰ ਕਈ ਵੱਡੀਆਂ ਬਿਮਾਰੀਆਂ ਦਾ ਸ਼ਿਕਾਰ ਬਣਾ ਸਕਦੀ ਹੈ।
ਮੋਟਾਪਾ
ਅੱਧੀ ਰਾਤ ਨੂੰ ਉੱਠਣ ਤੋਂ ਬਾਅਦ ਤੁਹਾਨੂੰ ਕੁਝ ਖਾਣ ਦੀ ਲਾਲਸਾ ਹੋ ਸਕਦੀ ਹੈ ਜਾਂ ਤੁਹਾਨੂੰ ਰਾਤ ਨੂੰ ਦੇਰ ਨਾਲ ਖਾਣਾ ਖਾਣ ਦੀ ਆਦਤ ਹੋ ਸਕਦੀ ਹੈ। ਇਹ ਆਦਤ ਤੁਹਾਨੂੰ ਜਲਦੀ ਤੋਂ ਜਲਦੀ ਮੋਟਾਪੇ ਦਾ ਸ਼ਿਕਾਰ ਬਣਾ ਸਕਦੀ ਹੈ। ਅਜਿਹੇ ‘ਚ ਕਸਰਤ ਤੇ ਡਾਈਟ ਦਾ ਵੀ ਕੋਈ ਫਾਇਦਾ ਨਹੀਂ ਹੁੰਦਾ ਤੇ ਭਾਰ ਵਧਦਾ ਰਹਿੰਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਦੇਰ ਰਾਤ ਤਕ ਖਾਣਾ ਖਾਣ ਨਾਲ ਮੈਟਾਬੌਲਿਜ਼ਮ ਹੌਲੀ ਹੋ ਜਾਂਦਾ ਹੈ, ਇਸ ਲਈ ਜਿੰਨਾ ਹੋ ਸਕੇ ਅਜਿਹਾ ਕਰਨ ਤੋਂ ਬਚੋ।
ਖਰਾਬ ਡਾਈਜੈਸ਼ਨ
ਦੇਰ ਰਾਤ ਤਕ ਖਾਧਾ ਭੋਜਨ ਨਾ ਤਾਂ ਠੀਕ ਤਰ੍ਹਾਂ ਪਚਦਾ ਹੈ ਤੇ ਨਾ ਹੀ ਇਸ ਨਾਲ ਸਿਹਤ ਨੂੰ ਪੂਰਾ ਲਾਭ ਮਿਲਦਾ ਹੈ। ਜੇਕਰ ਤੁਹਾਨੂੰ ਵੀ ਇਹ ਆਦਤ ਹੈ ਤਾਂ ਸੰਭਵ ਹੈ ਕਿ ਤੁਸੀਂ ਵੀ ਪਾਚਨ ਤੰਤਰ ਨਾਲ ਜੁੜੀਆਂ ਸਮੱਸਿਆਵਾਂ ਤੋਂ ਅਕਸਰ ਪਰੇਸ਼ਾਨ ਰਹਿੰਦੇ ਹੋ। ਇਸ ਲਈ ਜੇਕਰ ਤੁਸੀਂ ਗੈਸ, ਐਸੀਡਿਟੀ ਤੇ ਬਦਹਜ਼ਮੀ ਨਹੀਂ ਚਾਹੁੰਦੇ ਤਾਂ ਅਜਿਹਾ ਕਰਨ ਤੋਂ ਪਰਹੇਜ਼ ਕਰੋ ਤੇ ਖਾਣਾ ਖਾਣ ਤੋਂ ਬਾਅਦ ਸੈਰ ਜ਼ਰੂਰ ਕਰੋ।
ਬਲੱਡ ਪ੍ਰੈਸ਼ਰ ਦੀ ਸਮੱਸਿਆ
ਦੇਰੀ ਨਾਲ ਖਾਣਾ ਖਾਣ ਨਾਲ ਵੀ ਬਲੱਡ ਪ੍ਰੈਸ਼ਰ ਉੱਪਰ-ਹੇਠਾਂ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਇਸ ਆਦਤ ਕਾਰਨ ਡਾਇਬਟੀਜ਼ ਤੇ ਕੋਲੈਸਟ੍ਰੋਲ ਦੀ ਸਮੱਸਿਆ ਹੋ ਸਕਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜੇਕਰ ਤੁਸੀਂ ਰੋਜ਼ ਰਾਤ ਦਾ ਖਾਣਾ ਲੇਟ ਖਾਂਦੇ ਹੋ ਤਾਂ ਦਿਲ ‘ਤੇ ਇਸ ਦੇ ਨਤੀਜੇ ਗੰਭੀਰ ਹੋ ਸਕਦੇ ਹਨ ਤੇ ਤੁਸੀਂ ਦਿਲ ਨਾਲ ਜੁੜੀਆਂ ਬਿਮਾਰੀਆਂ ਦਾ ਸ਼ਿਕਾਰ ਹੋ ਸਕਦੇ ਹੋ।
ਥਕਾਵਟ ਤੇ ਸੁਸਤੀ
ਲੇਟ ਡਿਨਰ ਕਰਨ ਨਾਲ ਅਗਲੇ ਦਿਨ ਸਿਰਦਰਦ, ਕਬਜ਼, ਗੈਸ ਤੇ ਐਸੀਡਿਟੀ ਦੀ ਸਮੱਸਿਆ ਹੋ ਸਕਦੀ ਹੈ। ਅਜਿਹੇ ‘ਚ ਜੇਕਰ ਖਾਣਾ ਪੌਸ਼ਟਿਕ ਹੈ ਤਾਂ ਵੀ ਇਸ ਦਾ ਸਿਹਤ ‘ਤੇ ਬੁਰਾ ਅਸਰ ਦੇਖਣ ਨੂੰ ਮਿਲਦਾ ਹੈ ਅਤੇ ਤੁਸੀਂ ਇਸ ਦੇ ਜ਼ਰੂਰੀ ਪੋਸ਼ਕ ਤੱਤਾਂ ਤੋਂ ਦੂਰ ਰਹਿੰਦੇ ਹੋ, ਜਿਸ ਕਾਰਨ ਤੁਹਾਨੂੰ ਊਰਜਾ ਵੀ ਘੱਟ ਦਿਖਾਈ ਦਿੰਦੀ ਹੈ।
