ਨਵੀਂ ਦਿੱਲੀ, 25 ਅਕਤੂਬਰ 2025 (ਪੰਜਾਬੀ ਖਬਰਨਾਮਾ ਬਿਊਰੋ):- ਭਾਰਤ ਨੇ ਆਖਰੀ ਇੱਕਦਿਨਾ ਮੈਚ ਵਿੱਚ ਆਸਟ੍ਰੇਲੀਆ ਨੂੰ 9 ਵਿਕਟਾਂ ਨਾਲ ਹਰਾਇਆ। ਇਸ ਜਿੱਤ ਵਿੱਚ ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਦਾ ਮਹੱਤਵਪੂਰਨ ਯੋਗਦਾਨ ਰਿਹਾ ਜਿਨ੍ਹਾਂ ਸ਼ਾਨਦਾਰ ਪਾਰੀਆਂ ਖੇਡੀਆਂ। ਰੋਹਿਤ ਸ਼ਰਮਾ ਨੇ ਆਪਣਾ 33ਵਾਂ ਇੱਕਦਿਨਾ ਸ਼ਤਕ ਪਾਰ ਕੀਤਾ, ਜਦਕਿ ਵਿਰਾਟ ਕੋਹਲੀ ਨੇ 75ਵਾਂ ਅੱਧ ਸ਼ਤਕ ਲਗਾਇਆ। ਆਸਟ੍ਰੇਲੀਆ ਦੇ ਖ਼ਿਲਾਫ਼ ਰੋਹਿਤ ਨੇ ਆਪਣੀ 9ਵੀਂ ਸੈਂਚੁਰੀ ਬਣਾਈ। ਇਸ ਮੈਚ ਵਿੱਚ ਰੋਹਿਤ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਆਪਣਾ 50ਵਾਂ ਸ਼ਤਕ ਵੀ ਪੂਰਾ ਕੀਤਾ।
ਇਸ ਜਿੱਤ ਦੇ ਬਾਵਜੂਦ, ਭਾਰਤ 3 ਮੈਚਾਂ ਦੀ ਇੱਕਦਿਨਾ ਸੀਰੀਜ਼ 1-2 ਨਾਲ ਹਾਰ ਗਿਆ। ਆਸਟ੍ਰੇਲੀਆ ਨੇ ਪਰਥ ਅਤੇ ਐਡੀਲੇਡ ਵਿੱਚ ਭਾਰਤ ਨੂੰ ਹਰਾਕੇ ਸੀਰੀਜ਼ ਆਪਣੇ ਨਾਂ ਕੀਤਾ। ਹਾਲਾਂਕਿ, ਤੀਸਰੇ ਅਤੇ ਆਖਰੀ ਇੱਕਦਿਨਾ ਵਿੱਚ ਰੋਹਿਤ ਅਤੇ ਵਿਰਾਟ ਦੀ ਸ਼ਾਨਦਾਰ ਜੋੜਦਾਰ ਪਾਰੀਆਂ ਦੇ ਕਾਰਨ ਭਾਰਤ ਨੇ ਆਸਟ੍ਰੇਲੀਆ ਨੂੰ ਕਰਾਰਾ ਜਵਾਬ ਦਿੱਤਾ।
ਆਸਟ੍ਰੇਲੀਆ ਵੱਲੋਂ ਰੱਖੇ 237 ਦੌੜਾਂ ਦੇ ਲਕਸ਼ ਨੂੰ ਹਾਸਲ ਕਰਦੇ ਹੋਏ ਭਾਰਤ ਨੇ ਸਿਰਫ਼ 38.3 ਓਵਰਾਂ ਵਿੱਚ 1 ਵਿਕਟ ਗਵਾਉਂਦੇ ਹੋਏ ਲਕਸ਼ ਪੂਰਾ ਕਰ ਲਿਆ। ਕੈਪਟਨ ਸ਼ੁਭਮਨ ਗਿੱਲ ਨੇ 26 ਗੇਂਦਾਂ ‘ਤੇ 24 ਦੌੜਾਂ ਦੀ ਪਾਰਟੀ ਖੇਡੀ, ਜਿਸ ਵਿੱਚ 2 ਚੌਕੇ ਅਤੇ 1 ਛੱਕਾ ਸ਼ਾਮਿਲ ਸੀ। ਰੋਹਿਤ ਨੇ 125 ਗੇਂਦਾਂ ‘ਤੇ 121 ਦੌੜਾਂ ਬਣਾਈਆਂ, ਜਿਸ ਵਿੱਚ 13 ਚੌਕੇ ਅਤੇ 3 ਛੱਕੇ ਸ਼ਾਮਿਲ ਸਨ, ਜਦਕਿ ਕੋਹਲੀ ਨੇ 81 ਗੇਂਦਾਂ ‘ਤੇ ਨਾਟ ਆਊਟ 74 ਦੌੜਾਂ ਬਣਾਈਆਂ। ਕੋਹਲੀ ਨੇ ਇਸ ਦੌਰਾਨ 7 ਚੌਕੇ ਜੜੇ। ਰੋਹਿਤ ਅਤੇ ਕੋਹਲੀ ਨੇ ਦੂਜੇ ਵਿਕਟ ਲਈ 168 ਦੌੜਾਂ ਦੀ ਅਟੂਟ ਭਾਗੀਦਾਰੀ ਕੀਤੀ। ਆਸਟ੍ਰੇਲੀਆ ਵੱਲੋਂ ਹੇਜ਼ਲਵੁੱਡ ਨੇ ਗਿੱਲ ਨੂੰ ਆਊਟ ਕੀਤਾ।
ਰੋਹਿਤ ਸ਼ਰਮਾ ਨੇ 105 ਗੇਂਦਾਂ ‘ਤੇ ਆਪਣਾ ਸ਼ਤਕ ਪੂਰਾ ਕੀਤਾ, ਜਿਸ ਵਿੱਚ 11 ਚੌਕੇ ਅਤੇ 2 ਛੱਕੇ ਸ਼ਾਮਿਲ ਸਨ। ਭਾਰਤ ਨੇ ਤੀਜੀ ਵਾਰੀ ਸਿਡਨੀ ਵਿੱਚ ਆਸਟ੍ਰੇਲੀਆ ਨੂੰ ਹਰਾਇਆ। ਆਸਟ੍ਰੇਲੀਆ ਵਿੱਚ ਰੋਹਿਤ ਦਾ ਇਹ ਛੇਵਾਂ ਇੱਕਦਿਨਾ ਸ਼ਤਕ ਹੈ, ਜੋ ਕਿਸੇ ਵੀ ਵਿਦੇਸ਼ੀ ਬੱਲੇਬਾਜ਼ ਲਈ ਇਸ ਫਾਰਮੈਟ ਵਿੱਚ ਸਭ ਤੋਂ ਜ਼ਿਆਦਾ ਹੈ। ਵਿਰਾਟ ਕੋਹਲੀ ਨੇ ਇਸ ਦੌਰਾਨ ਇੱਕ ਮਹੱਤਵਪੂਰਨ ਪ੍ਰਾਪਤੀ ਵੀ ਕੀਤੀ। ਕੋਹਲੀ ਇੱਕਦਿਨਾ ਕ੍ਰਿਕਟ ਵਿੱਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ਾਂ ਦੀ ਸੂਚੀ ਵਿੱਚ ਸਚਿਨ ਦੇ ਬਾਅਦ ਦੂਜੇ ਸਥਾਨ ‘ਤੇ ਪਹੁੰਚ ਗਏ ਹਨ।
ਸੰਖੇਪ:
