6 ਅਗਸਤ 2024 : ਰਿਲਾਇੰਸ ਇੰਡਸਟਰੀਜ਼ ਮਾਰਕੀਟ ਕੈਪੀਟਲਾਈਜੇਸ਼ਨ ਦੇ ਮਾਮਲੇ ਵਿੱਚ ਭਾਰਤ ਦੀ ਸਭ ਤੋਂ ਵੱਡੀ ਕੰਪਨੀ ਹੈ। ਰਿਲਾਇੰਸ ਇੰਡਸਟਰੀਜ਼ ਨੇ ਸਟਾਕ ਐਕਸਚੇਂਜ ਨੂੰ ਦੱਸਿਆ ਹੈ ਕਿ 47ਵੀਂ ਆਮ ਸਾਲਾਨਾ ਮੀਟਿੰਗ (ਏਜੀਐਮ) 29 ਅਗਸਤ 2024 (ਵੀਰਵਾਰ) ਨੂੰ ਹੋਵੇਗੀ। ਇਹ ਮੀਟਿੰਗ ਦੁਪਹਿਰ 2 ਵਜੇ ਸ਼ੁਰੂ ਹੋਵੇਗੀ। ਕੰਪਨੀ ਦੇ ਚੇਅਰਪਰਸਨ ਮੁਕੇਸ਼ ਅੰਬਾਨੀ ਇਸ ਮੀਟਿੰਗ ਵਿੱਚ ਸ਼ੇਅਰਧਾਰਕਾਂ ਨੂੰ ਸੰਬੋਧਨ ਕਰਨਗੇ।
ਨਿਵੇਸ਼ਕਾਂ ਦੇ ਨਾਲ-ਨਾਲ ਉਦਯੋਗ ਮਾਹਰ ਵੀ ਰਿਲਾਇੰਸ ਦੀ ਏਜੀਐਮ ‘ਤੇ ਨਜ਼ਰ ਰੱਖਣਗੇ। ਇਸ ਮੀਟਿੰਗ ਵਿੱਚ ਕੰਪਨੀ ਦੀ ਰਣਨੀਤਕ ਦਿਸ਼ਾ ਅਤੇ ਆਉਣ ਵਾਲੀਆਂ ਯੋਜਨਾਵਾਂ ਦੇ ਬਾਰੇ ਐਲਾਨ ਕੀਤਾ ਸਕਦਾ ਹੈ।
ਸਾਲ 2023 ਵਿੱਚ 28 ਅਗਸਤ ਨੂੰ ਸਾਲਾਨਾ ਜਨਰਲ ਮੀਟਿੰਗ ਹੋਈ। ਇਹ ਮੀਟਿੰਗ ਜੀਓ ਫਾਈਨਾਂਸ਼ੀਅਲ ਸਰਵਿਸਿਜ਼ ਦੀ ਲਿਸਟਿੰਗ ਤੋਂ ਇਕ ਹਫਤੇ ਬਾਅਦ ਹੋਈ ਸੀ।
ਡਿਵੀਡੈਂਡ ਦਾ ਹੋ ਸਕਦੈ ਐਲਾਨ
ਸਟਾਕ ਫਾਈਲਿੰਗ ਦੇ ਅਨੁਸਾਰ, ਕੰਪਨੀ ਨੇ ਕਿਹਾ ਹੈ ਕਿ ਜੇ ਸਾਲਾਨਾ ਆਮ ਬੈਠਕ ਵਿੱਚ ਡਿਵੀਡੈਂਡ (Reliance Industries Dividend) ਬਾਰੇ ਕੋਈ ਐਲਾਨ ਹੁੰਦਾ ਹੈ ਤਾਂ ਡਿਵੀਡੈਂਡ ਇੱਕ ਹਫ਼ਤੇ ਦੇ ਅੰਦਰ ਸ਼ੇਅਰਧਾਰਕਾਂ ਦੇ ਖਾਤਿਆਂ ਵਿੱਚ ਜਮ੍ਹਾਂ ਕਰ ਦਿੱਤਾ ਜਾਵੇਗਾ।
ਕੰਪਨੀ ਨੇ ਵਿੱਤੀ ਸਾਲ 2023-24 ਲਈ ਅੰਤਮ ਡਿਵੀਡੈਂਡ ਲਈ 19 ਅਗਸਤ, 2024 ਦੀ ਐਕਸ-ਰਿਕਾਰਡ ਮਿਤੀ ਨਿਰਧਾਰਤ ਕੀਤੀ ਹੈ। ਇਸ ਦੇ ਨਾਲ ਹੀ, 21 ਅਗਸਤ, 2023 ਨੂੰ, ਸ਼ੇਅਰਧਾਰਕਾਂ ਨੂੰ ਵਿੱਤੀ ਸਾਲ 2022-23 ਲਈ 9 ਰੁਪਏ ਦਾ ਅੰਤਮ ਡਿਵੀਡੈਂਡ ਮਿਲਿਆ।
ਸ਼ੇਅਰਾਂ ਦੀ ਪਰਫਾਰਮੈਂਸ
ਰਿਲਾਇੰਸ ਇੰਡਸਟਰੀਜ਼ ਦੇ ਸ਼ੇਅਰਾਂ ਨੇ ਪਿਛਲੇ ਇਕ ਸਾਲ ‘ਚ 16.69 ਫੀਸਦੀ ਦਾ ਰਿਟਰਨ ਦਿੱਤਾ ਹੈ। 26 ਅਕਤੂਬਰ, 2023 ਨੂੰ, ਕੰਪਨੀ ਦੇ ਸ਼ੇਅਰਾਂ ਨੇ 2,221.05 ਰੁਪਏ ਦੀ ਕੀਮਤ ਨੂੰ ਛੂਹਿਆ ਸੀ ਜੋ ਕਿ 52 ਹਫ਼ਤਿਆਂ ਦਾ ਹੇਠਲਾ ਪੱਧਰ ਹੈ। ਇਸ ਦੇ ਨਾਲ ਹੀ 8 ਜੁਲਾਈ 2024 ਨੂੰ ਕੰਪਨੀ ਦੇ ਸ਼ੇਅਰ ਦੀ ਕੀਮਤ 3,217.90 ਰੁਪਏ ‘ਤੇ ਪਹੁੰਚ ਗਈ ਸੀ। ਇਹ 52 ਹਫ਼ਤਿਆਂ ਦਾ ਉੱਚ ਪੱਧਰ ਹੈ।
ਪਿਛਲੇ ਸੈਸ਼ਨ ‘ਚ ਗਲੋਬਲ ਵਿਕਰੀ ਕਾਰਨ ਕੰਪਨੀ ਦੇ ਸ਼ੇਅਰਾਂ ‘ਚ 3.46 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਸੀ। ਅੱਜ ਕੰਪਨੀ ਦੇ ਸ਼ੇਅਰ 1.74 ਫੀਸਦੀ ਦੇ ਵਾਧੇ ਨਾਲ 2,945.00 ਰੁਪਏ ਪ੍ਰਤੀ ਸ਼ੇਅਰ ‘ਤੇ ਕਾਰੋਬਾਰ ਕਰ ਰਹੇ ਹਨ।
86ਵੇਂ ਸਥਾਨ ‘ਤੇ ਪਹੁੰਚਿਆ ਰਿਲਾਇੰਸ
ਰਿਲਾਇੰਸ ਇੰਡਸਟਰੀਜ਼ ਫਾਰਚਿਊਨ ਗਲੋਬਲ 500 ਸੂਚੀ ਵਿੱਚ 2 ਸਥਾਨ ਚੜ੍ਹ ਕੇ 86ਵੇਂ ਸਥਾਨ ‘ਤੇ ਪਹੁੰਚ ਗਈ ਹੈ। ਪਿਛਲੇ ਤਿੰਨ ਸਾਲਾਂ ਵਿੱਚ, ਰਿਲਾਇੰਸ ਇੰਡਸਟਰੀਜ਼ ਫਾਰਚਿਊਨ ਗਲੋਬਲ 500 ਸੂਚੀ ਵਿੱਚ 69 ਸਥਾਨਾਂ ਉੱਤੇ ਚੜ੍ਹ ਗਈ ਹੈ। ਸਾਲ 2021 ਵਿੱਚ, ਰਿਲਾਇੰਸ 155ਵੇਂ ਸਥਾਨ ‘ਤੇ ਸੀ।
ਜੇਕਰ ਭਾਰਤੀ ਕੰਪਨੀਆਂ ਦੀ ਗੱਲ ਕਰੀਏ ਤਾਂ ਫਾਰਚਿਊਨ ਗਲੋਬਲ 500 ਸੂਚੀ ਵਿੱਚ ਭਾਰਤੀ ਕੰਪਨੀਆਂ ਵਿੱਚੋਂ ਰਿਲਾਇੰਸ ਇੰਡਸਟਰੀਜ਼ ਸਭ ਤੋਂ ਉੱਪਰ ਹੈ। ਰਿਲਾਇੰਸ ਨੇ ਲਗਾਤਾਰ 21 ਸਾਲਾਂ ਤੋਂ ਫਾਰਚਿਊਨ ਗਲੋਬਲ ਲਿਸਟ ਵਿੱਚ ਆਪਣੀ ਜਗ੍ਹਾ ਬਣਾਈ ਹੈ।
