ਨਵੀਂ ਦਿੱਲੀ 29 ਅਗਸਤ, 2025 (ਪੰਜਾਬੀ ਖਬਰਨਾਮਾ ਬਿਊਰੋ ):- ਰਿਲਾਇੰਸ ਦੇ ਏਜੀਐਮ (Reliance AGM 2025) ਦੌਰਾਨ ਇਸਦੇ ਸ਼ੇਅਰਾਂ ‘ਚ ਸ਼ੁੱਕਰਵਾਰ ਨੂੰ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ। ਇਹ 2.69% ਘਟ ਕੇ 1,350.30 ਰੁਪਏ ਦੇ ਹੇਠਲੇ ਪੱਧਰ ‘ਤੇ ਆ ਗਏ। ਦਰਅਸਲ, ਅੱਜ ਰਿਲਾਇੰਸ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ ਨੇ ਸਾਲਾਨਾ ਆਮ ਬੈਠਕ (Reliance AGM 2025) ‘ਚ ਸ਼ੇਅਰਧਾਰਕਾਂ ਨੂੰ ਸੰਬੋਧਨ ਕੀਤਾ। ਉਨ੍ਹਾਂ ਇਸ ਦੌਰਾਨ ਐਲਾਨ ਕੀਤਾ ਕਿ ਇਤਿਹਾਸ ‘ਚ ਸਭ ਤੋਂ ਵੱਡਾ ਰਿਲਾਇੰਸ ਜੀਓ IPO (Jio IPO) 2026 ਦੀ ਪਹਿਲੀ ਛਮਾਹੀ ‘ਚ ਆਵੇਗਾ।
ਗੱਲ ਇਹ ਹੈ ਕਿ ਪਿਛਲੇ ਚਾਰ ਏਜੀਐਮ ਤੋਂ ਬਾਅਦ ਰਿਲਾਇੰਸ ਦੇ ਸ਼ੇਅਰਾਂ ‘ਚ ਲਗਾਤਾਰ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਪਿਛਲੇ ਸਾਲ, ਬੈਠਕ ਤੋਂ ਬਾਅਦ 10 ਦਿਨਾਂ ‘ਚ ਸ਼ੇਅਰਾਂ ਵਿਚ 4.6% ਦੀ ਗਿਰਾਵਟ ਆਈ ਸੀ। ਕਾਰਨ ਇਹ ਸੀ ਕਿ ਕੰਪਨੀ ਨੇ ਜੀਓ ਤੇ ਰਿਟੇਲ ਲਈ ਲੰਬੀ ਮਿਆਦ ਦੇ ਵਿਕਾਸ ਦਿਸ਼ਾ-ਨਿਰਦੇਸ਼ਾਂ ਤੋਂ ਇਲਾਵਾ ਕੁਝ ਵੀ ਨਹੀਂ ਦੱਸਿਆ ਸੀ। ਇਸੇ ਤਰ੍ਹਾਂ 2023, 2022 ਅਤੇ 2021 ਵਿਚ ਵੀ ਗਿਰਾਵਟ ਦੇਖੀ ਗਈ।
ਰਿਲਾਇੰਸ ਨੇ ਨਵੇਂ ਉਤਪਾਦਾਂ ਦੇ ਲਾਂਚ ਦੌਰਾਨ JioPC ਪੇਸ਼ ਕੀਤਾ, ਜੋ ਇਕ ਕਲਾਉਡ-ਸੰਚਾਲਿਤ ਵਰਚੁਅਲ ਕੰਪਿਊਟਰ ਹੈ ਜੋ ਕਿਸੇ ਵੀ ਟੀਵੀ ਜਾਂ ਸਕ੍ਰੀਨ ਨੂੰ AI-ਰੈਡੀ ਪਰਸਨਲ ਕੰਪਿਊਟਰ ‘ਚ ਬਦਲ ਸਕਦਾ ਹੈ। ਜੀਓ ਸੈੱਟ-ਟਾਪ ਬਾਕਸ ਨਾਲ ਸਿਰਫ ਇਕ ਕੀਬੋਰਡ ਜੋੜ ਕੇ ਯੂਜ਼ਰ ਬਿਨਾਂ ਕਿਸੇ ਅਡਵਾਂਸ ਭੁਗਤਾਨ ਦੇ ਤੁਰੰਤ ਕੰਪਿਊਟਰ ਅਨੁਭਵ ਪ੍ਰਾਪਤ ਕਰ ਸਕਦੇ ਹਨ।
ਕੁਝ ਤਕਨੀਕੀ ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਰਿਲਾਇੰਸ ਨੂੰ 1,325-1,330 ਰੁਪਏ ‘ਤੇ ਮਜ਼ਬੂਤ ਸਹਾਰਾ ਮਿਲ ਰਿਹਾ ਹੈ ਅਤੇ ਇਸ ਵਿਚ 1,400-1,435 ਰੁਪਏ ਤੋਂ ਉੱਪਰ ਵਧਣ ਦੀ ਸੰਭਾਵਨਾ ਹੈ। ਇਹ ਸ਼ੇਅਰ ਇਕ ਮਹੀਨੇ ਤੋਂ ਵੱਧ ਸਮੇਂ ਤੋਂ ਮਜ਼ਬੂਤੀ ਦੀ ਸਥਿਤੀ ‘ਚ ਹੈ ਤੇ ਅਗਲੇ ਰੁਝਾਨ ਦਾ ਫੈਸਲਾ ਆਉਣ ਤੱਕ ਇਸਦੇ ਸੀਮਤ ਦਾਇਰੇ ਵਿਚ ਰਹਿਣ ਦੀ ਸੰਭਾਵਨਾ ਹੈ।
ਬ੍ਰੋਕਰੇਜ ਦਾ ਟਾਰਗੇਟ ਪ੍ਰਾਈਸ
ਹਾਲ ਹੀ ‘ਚ ਬ੍ਰੋਕਰੇਜ ਫਰਮ ਯੂਬੀਐਸ (UBS on Reliance Industries Share) ਨੇ ਰਿਲਾਇੰਸ ਇੰਡਸਟਰੀਜ਼ ਦੇ ਸ਼ੇਅਰਾਂ ‘ਤੇ ਟਾਰਗੈੱਟ ਪ੍ਰਾਈਸ ਵਧਾਇਆ ਹੈ। ਯੂਬੀਐਸ ਨੇ ਕਿਹਾ ਕਿ ਸਾਨੂੰ ਉਮੀਦ ਹੈ ਕਿ RIL ਆਉਣ ਵਾਲੇ 12-18 ਮਹੀਨਿਆਂ ‘ਚ ਚੰਗਾ ਪ੍ਰਦਰਸ਼ਨ ਕਰੇਗੀ ਕਿਉਂਕਿ ਪਿਛਲੇ 5 ਸਾਲਾਂ ‘ਚ ਸਮੂਹ ਦੀ ਆਮਦਨ ‘ਚ ਬਦਲਾਅ ਤੋਂ ਵੈਲਿਊ ਅਨਲਾਕਿੰਗ ਦਾ ਰਸਤਾ ਸਾਫ ਹੋਵੇਗਾ। ਯੂਬੀਐਸ ਨੇ ਰਿਲਾਇੰਸ ਇੰਡਸਟ੍ਰੀਜ਼ ‘ਤੇ 1750 ਰੁਪਏ ਦਾ ਵੱਡਾ ਟਾਰਗੈੱਟ ਪ੍ਰਾਈਸ ਦਿੱਤਾ ਹੈ, ਜਦੋਂ ਕਿ ਸ਼ੇਅਰਾਂ ਦਾ ਮੌਜੂਦਾ ਭਾਅ 1387 ਰੁਪਏ ਹੈ।
