ਅਜੇ IPL 2025 ਲਈ ਨਿਲਾਮੀ ਸ਼ੁਰੂ ਨਹੀਂ ਹੋਈ ਹੈ ਅਤੇ ਇਸ ਨਾਲ ਜੁੜੀਆਂ ਖ਼ਬਰਾਂ ਆਉਣ ਲੱਗ ਗਈਆਂ ਹਨ। IPL 2025 ਲਈ ਤਿਆਰੀਆਂ ਜ਼ੋਰਾਂ-ਸ਼ੋਰਾਂ ‘ਤੇ ਹਨ ਅਤੇ ਇਸ ਦੌਰਾਨ ਆਸਟ੍ਰੇਲੀਆ ਦੇ ਸਾਬਕਾ ਖਿਡਾਰੀ ਅਤੇ ਪੰਜਾਬ ਕਿੰਗਜ਼ ਦੇ ਨਵੇਂ ਮੁੱਖ ਕੋਚ ਨੇ BCCI ਨਾਲ ਨਾਰਾਜ਼ਗੀ ਜ਼ਾਹਿਰ ਕੀਤੀ ਹੈ। ਰਿਕੀ ਪੋਂਟਿੰਗ (Ricky Ponting) ਨੇ ਆਈਪੀਐਲ 2025 ਨਿਲਾਮੀ ਨੂੰ ਤਹਿ ਕਰਨ ਲਈ ਬੀਸੀਸੀਆਈ (BCCI) ਦੀ ਆਲੋਚਨਾ ਕੀਤੀ ਹੈ ਕਿਉਂਕਿ ਆਸਟਰੇਲੀਆ ਦੇ ਸਾਬਕਾ ਕਪਤਾਨ ਅਤੇ ਜਸਟਿਨ ਲੈਂਗਰ ਨੂੰ ਭਾਰਤ ਬਨਾਮ ਆਸਟਰੇਲੀਆ ਵਿਚਾਲੇ ਪਹਿਲੇ ਟੈਸਟ ਮੈਚ ਨੂੰ ਅੱਧ ਵਿਚਾਲੇ ਛੱਡਣਾ ਹੋਵੇਗਾ। ਇਹ ਦੋਵੇਂ ਚੈਨਲ ਦੀ ਕੁਮੈਂਟਰੀ ਟੀਮ ਦਾ ਹਿੱਸਾ ਸਨ। ਪਰ ਫਰੈਂਚਾਇਜ਼ੀ ਨੂੰ ਧਿਆਨ ‘ਚ ਰੱਖਦੇ ਹੋਏ ਉਸ ਨੂੰ ਆਈ.ਪੀ.ਐੱਲ ਨਿਲਾਮੀ (IPL Auction) ‘ਚ ਹਿੱਸਾ ਲੈਣਾ ਹੋਵੇਗਾ। ਰਿਕੀ ਪੋਂਟਿੰਗ ਨੇ ਕਿਹਾ ਕਿ ਮੇਰੇ ਅਤੇ ਜਸਟਿਨ ਲੈਂਗਰ ਲਈ ਇਹ ਸਭ ਤੋਂ ਖਰਾਬ ਸਥਿਤੀ ਹੈ। ਅਸੀਂ ਪਿਛਲੇ ਕੁਝ ਮਹੀਨਿਆਂ ਤੋਂ ਮਹਿਸੂਸ ਕਰ ਰਹੇ ਸੀ ਕਿ ਸ਼ਾਇਦ ਟੈਸਟ ਮੈਚਾਂ ਵਿਚਾਲੇ ਅਜਿਹਾ ਹੋਣ ਵਾਲਾ ਹੈ। ਇਸ ਨਾਲ ਕੀ ਹੁੰਦਾ ਹੈ ਕਿ ਦੋਵਾਂ ਟੀਮਾਂ ਦੇ ਖਿਡਾਰੀਆਂ ਤੋਂ ਸਾਰਾ ਦਬਾਅ ਦੂਰ ਹੋ ਜਾਂਦਾ ਹੈ, ਦੋਵਾਂ ਟੀਮਾਂ ਦੇ ਕਈ ਖਿਡਾਰੀ ਨਿਲਾਮੀ ਵਿਚ ਸ਼ਾਮਲ ਹੁੰਦੇ ਹਨ। ਪਰ ਮੈਨੂੰ ਨਹੀਂ ਪਤਾ ਕਿ ਬੀਸੀਸੀਆਈ ਦੁਆਰਾ ਚੁਣੀਆਂ ਗਈਆਂ ਤਰੀਕਾਂ ਦਾ ਟੈਸਟ ਮੈਚ ਨਾਲ ਕੋਈ ਲੈਣਾ-ਦੇਣਾ ਹੋ ਸਕਦਾ ਹੈ ਜਾਂ ਨਹੀਂ।
ਪੋਂਟਿੰਗ ਨੇ ਅੱਗੇ ਕਿਹਾ ਕਿ ਮੈਂ ਪਹਿਲੇ ਦਿਨ ਕੁਮੈਂਟਰੀ ਕਰਾਂਗਾ ਅਤੇ ਫਿਰ ਸ਼ੁੱਕਰਵਾਰ ਦੇਰ ਰਾਤ ਜੇਦਾਹ ਲਈ ਰਵਾਨਾ ਹੋਵਾਂਗਾ। ਨਿਲਾਮੀ 24 ਅਤੇ 25 ਤਰੀਕ ਨੂੰ ਹੈ ਅਤੇ ਫਿਰ ਸਾਨੂੰ ਉਸ ਅਨੁਸਾਰ ਆਪਣਾ ਸਮਾਂ ਦੇਖਣਾ ਹੋਵੇਗਾ। ਉਮੀਦ ਹੈ ਕਿ ਮੈਂ ਪਰਥ ਟੈਸਟ ਮੈਚ ਦੇ ਅੰਤ ਤੱਕ ਵਾਪਸ ਆ ਜਾਵਾਂਗਾ ਅਤੇ ਜੇਕਰ ਨਹੀਂ ਤਾਂ ਐਡੀਲੇਡ ਵਿੱਚ ਟੈਸਟ ਮੈਚ ਸ਼ੁਰੂ ਹੋਣ ਤੱਕ ਵਾਪਸ ਆ ਜਾਵਾਂਗਾ।
ਤੁਹਾਨੂੰ ਦੱਸ ਦੇਈਏ ਕਿ ਪੋਂਟਿੰਗ ਨੂੰ ਹਾਲ ਹੀ ਵਿੱਚ ਪੰਜਾਬ ਕਿੰਗਜ਼ (Punjab Kings) ਦਾ ਮੁੱਖ ਕੋਚ ਨਿਯੁਕਤ ਕੀਤਾ ਗਿਆ ਸੀ, ਜਦੋਂ ਕਿ ਲੈਂਗਰ ਲਖਨਊ ਸੁਪਰ ਜਾਇੰਟਸ (Lucknow Super Giants) ਦਾ ਕੋਚ ਹੋਵੇਗਾ। ਪੋਂਟਿੰਗ ਨੇ ਇਸ ਸਾਲ ਦਿੱਲੀ ਕੈਪੀਟਲਸ (Delhi Capitals) ਨੂੰ ਛੱਡ ਦਿੱਤਾ ਸੀ। ਉਨ੍ਹਾਂ ਦੀ ਕੋਚਿੰਗ ‘ਚ ਦਿੱਲੀ ਕੈਪੀਟਲਜ਼ ਦਾ ਪ੍ਰਦਰਸ਼ਨ ਕੁਝ ਖਾਸ ਨਹੀਂ ਰਿਹਾ। ਟੀਮ ਇੱਕ ਵਾਰ ਵੀ ਫਾਈਨਲ ਵਿੱਚ ਨਹੀਂ ਪਹੁੰਚ ਸਕੀ।
