2 ਅਪ੍ਰੈਲ , 2025 (ਪੰਜਾਬੀ ਖਬਰਨਾਮਾ ਬਿਊਰੋ ) : ਪ੍ਰਦੂਸ਼ਣ ਅਤੇ ਗਲਤ ਜੀਵਨਸ਼ੈਲੀ ਕਰਕੇ ਲੋਕਾਂ ਨੂੰ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਨ੍ਹਾਂ ਸਮੱਸਿਆਵਾਂ ‘ਚ ਵਾਲਾਂ ਦਾ ਝੜਨਾ, ਥਕਾਵਟ ਅਤੇ ਅਨੀਮੀਆ ਵਰਗੀਆਂ ਸਮੱਸਿਆਵਾਂ ਸ਼ਾਮਲ ਹਨ। ਪਰ ਖੁਰਾਕ ‘ਚ ਬਦਲਾਅ ਕਰਕੇ ਤੁਸੀਂ ਖੁਦ ਨੂੰ ਇਨ੍ਹਾਂ ਸਮੱਸਿਆਵਾਂ ਤੋਂ ਬਚਾਅ ਸਕਦੇ ਹੋ। ਡਾਕਟਰ Dixa ਨੇ ਆਪਣੇ ਇੰਸਟਾਗ੍ਰਾਮ ਅਕਟਾਊਂਟ ‘ਤੇ ਇੱਕ ਵੀਡੀਓ ਸ਼ੇਅਰ ਕਰਕੇ ਕੁਝ ਭਾਰਤੀ ਸਨੈਕਸ ਨੂੰ ਖੁਰਾਕ ‘ਚ ਸ਼ਾਮਲ ਕਰਨ ਦੇ ਸੁਝਾਅ ਦਿੱਤੇ ਹਨ। ਇਹ ਭਾਰਤੀ ਸਨੈਕਸ ਆਈਰਨ ਨਾਲ ਭਰਪੂਰ ਹੁੰਦੇ ਹਨ। ਇਸ ਲਈ ਤੁਹਾਨੂੰ ਇਨ੍ਹਾਂ ਭਾਰਤੀ ਸਨੈਕਸ ਨੂੰ ਆਪਣੀ ਖੁਰਾਕ ‘ਚ ਜ਼ਰੂਰ ਸ਼ਾਮਲ ਕਰਨਾ ਚਾਹੀਦਾ ਹੈ।
ਸਿਹਤਮੰਦ ਭਾਰਤੀ ਸਨੈਕਸ
ਸੱਤੂ ਦੇ ਲੱਡੂ: ਸੱਤੂ ਦੇ ਲੱਡੂ ਆਇਰਨ ਅਤੇ ਪ੍ਰੋਟੀਨ ਨਾਲ ਭਰਪੂਰ ਹੁੰਦੇ ਹਨ। ਇਹ ਸਰੀਰ ਨੂੰ ਊਰਜਾ ਪ੍ਰਦਾਨ ਕਰਦੇ ਹਨ, ਚਮੜੀ ਨੂੰ ਸੁਧਾਰਦੇ ਹਨ ਅਤੇ ਮਿੱਠੇ ਦੀ ਲਾਲਸਾ ਨੂੰ ਘਟਾਉਂਦੇ ਹਨ। 1 ਲੱਡੂ ਨੂੰ ਰੋਜ਼ਾਨਾ ਮਿਡ-ਡੇ ਸਨੈਕ ਵਜੋਂ ਜਾਂ ਕਿਸੇ ਵੀ ਸਮੇਂ ਜਦੋਂ ਤੁਸੀਂ ਮਿੱਠਾ ਖਾਣ ਦੀ ਇੱਛਾ ਰੱਖਦੇ ਹੋ ਤਾਂ ਖਾਧਾ ਜਾ ਸਕਦਾ ਹੈ।
ਭੁੰਨੇ ਹੋਏ ਛੋਲੇ: ਇੱਕ ਕੱਪ ਛੋਲਿਆਂ ਵਿੱਚ 4.7 ਮਿਲੀਗ੍ਰਾਮ ਆਇਰਨ ਹੁੰਦਾ ਹੈ। ਇਹ ਕੁਝ ਵਿਟਾਮਿਨ ਸੀ ਵੀ ਪ੍ਰਦਾਨ ਕਰਦਾ ਹੈ, ਜੋ ਸਰੀਰ ਨੂੰ ਆਇਰਨ ਨੂੰ ਜਜ਼ਬ ਕਰਨ ਵਿੱਚ ਮਦਦ ਕਰਦਾ ਹੈ। ਨਿਯਮਿਤ ਤੌਰ ‘ਤੇ ਛੋਲੇ ਖਾਣ ਨਾਲ ਆਇਰਨ ਦੀ ਕਮੀ ਹੋਣ ਦੀ ਸੰਭਾਵਨਾ ਘੱਟ ਸਕਦੀ ਹੈ।
ਅਨਾਰ: ਅਨਾਰ ਵਿਟਾਮਿਨ ਕੇ, ਵਿਟਾਮਿਨ ਸੀ, ਫਾਈਬਰ, ਪੋਟਾਸ਼ੀਅਮ ਅਤੇ ਪ੍ਰੋਟੀਨ ਨਾਲ ਭਰਪੂਰ ਹੁੰਦਾ ਹੈ। ਹਾਲਾਂਕਿ, ਹੋਰ ਵੀ ਬਹੁਤ ਸਾਰੇ ਫਲ ਹਨ ਜਿਨ੍ਹਾਂ ਵਿੱਚ ਆਇਰਨ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ। ਅਨੀਮੀਆ ਲਈ ਅਨਾਰ ਦੀ ਬਹੁਤ ਜ਼ਿਆਦਾ ਸਿਫਾਰਸ਼ ਕੀਤੀ ਜਾਂਦੀ ਹੈ ਕਿਉਂਕਿ ਇਹ ਵਿਟਾਮਿਨ ਸੀ ਨਾਲ ਭਰਪੂਰ ਹੁੰਦਾ ਹੈ। ਅਨਾਰ ਵਿੱਚ ਵਿਟਾਮਿਨ ਸੀ ਦੀ ਉੱਚ ਮਾਤਰਾ ਸਾਡੇ ਸਰੀਰ ਨੂੰ ਇਸ ਵਿੱਚ ਮੌਜੂਦ ਆਇਰਨ ਨੂੰ ਆਸਾਨੀ ਨਾਲ ਜਜ਼ਬ ਕਰਨ ਵਿੱਚ ਮਦਦ ਕਰਦੀ ਹੈ।
ਸੱਤੂ ਚਿੱਲਾ: ਇਹ ਸੱਤੂ ਦੇ ਆਟੇ ਅਤੇ ਮਸਾਲਿਆਂ ਨਾਲ ਬਣਾਇਆ ਜਾਂਦਾ ਹੈ ਜੋ ਇਸਨੂੰ ਪਚਣ ਵਿੱਚ ਆਸਾਨ ਅਤੇ ਸੰਤੁਸ਼ਟ ਵੀ ਬਣਾਉਂਦਾ ਹੈ।
ਰਾਗੀ: ਰਾਗੀ ਵਿੱਚ ਆਇਰਨ ਹੁੰਦਾ ਹੈ, ਜੋ ਲਾਲ ਖੂਨ ਦੇ ਸੈੱਲ ਪੈਦਾ ਕਰਨ ਅਤੇ ਅਨੀਮੀਆ ਨਾਲ ਲੜਨ ਲਈ ਜ਼ਰੂਰੀ ਹੈ। ਪੁੰਗਰੇ ਹੋਏ ਰਾਗੀ ਵਿੱਚ ਮਿੱਲੀ ਹੋਈ ਰਾਗੀ ਨਾਲੋਂ ਜ਼ਿਆਦਾ ਆਇਰਨ ਹੁੰਦਾ ਹੈ, ਜਿਸ ਵਿੱਚ ਪ੍ਰਤੀ 100 ਗ੍ਰਾਮ 5 ਮਿਲੀਗ੍ਰਾਮ ਦੇ ਮੁਕਾਬਲੇ 51 ਮਿਲੀਗ੍ਰਾਮ ਆਇਰਨ ਹੁੰਦਾ ਹੈ। ਛੋਲੇ, ਮੂੰਗ, ਦਾਲ, ਰਾਜਮਾਹ, ਚਿੱਟੇ ਬੀਨਜ਼ ਵਰਗੇ ਫਲ਼ੀਦਾਰ ਆਇਰਨ ਨਾਲ ਭਰਪੂਰ ਹੁੰਦੇ ਹਨ ਅਤੇ ਦੁਪਹਿਰ ਦੇ ਖਾਣੇ ਲਈ ਖਾਧੇ ਜਾ ਸਕਦੇ ਹਨ।
ਨਾਰੀਅਲ ਦੇ ਲੱਡੂ: ਨਾਰੀਅਲ ਦੇ ਲੱਡੂ ਕੈਲਸ਼ੀਅਮ ਅਤੇ ਆਇਰਨ ਨਾਲ ਭਰਪੂਰ ਹੁੰਦੇ ਹਨ, ਕਿਉਂਕਿ ਇਹ ਗੁੜ ਨਾਲ ਬਣਾਏ ਜਾਂਦੇ ਹਨ। ਇਹ ਲੱਡੂ ਮਿਡ ਡੇ ਸਨੈਕ ਵਜੋਂ ਖਾਧੇ ਜਾ ਸਕਦੇ ਹਨ।
ਤਿਲ ਦੇ ਬੀਜ: ਤਿਲ ਦੇ ਬੀਜਾਂ ਨੂੰ ਖਾਣੇ ਤੋਂ ਬਾਅਦ ਮੁਖਵਾਸੇ ਵਜੋਂ ਜਾਂ ਸਵੇਰੇ ਖਜੂਰ, ਸੌਗੀ ਅਤੇ ਅੰਜੀਰ ਦੇ ਨਾਲ ਖਾਧਾ ਜਾ ਸਕਦਾ ਹੈ ਤਾਂ ਜੋ ਆਇਰਨ ਦੇ ਪੱਧਰ ਨੂੰ ਸੁਧਾਰਿਆ ਜਾ ਸਕੇ।
ਕੜੀ ਪੱਤੇ ਵਾਲੀ ਚਾਹ: ਸਵੇਰੇ ਕੜੀ ਪੱਤੇ ਵਾਲੀ ਚਾਹ ਦਿਨ ਦੀ ਸ਼ੁਰੂਆਤ ਲਈ ਸਭ ਤੋਂ ਵਧੀਆ ਹੁੰਦੀ ਹੈ ਜੋ ਇਨਸੁਲਿਨ ਪ੍ਰਤੀਰੋਧ ਨੂੰ ਘਟਾਉਣ, ਆਇਰਨ ਅਤੇ ਵਾਲਾਂ ਦੀ ਸਿਹਤ ਨੂੰ ਬਿਹਤਰ ਬਣਾਉਣ ਵਿੱਚ ਮਦਦ ਕਰਦੀ ਹੈ।
ਸੰਖੇਪ: ਵਲਾਂ ਦੀ ਮਜ਼ਬੂਤੀ ਅਤੇ ਖੂਨ ਦੀਆਂ ਸਮੱਸਿਆਵਾਂ ਤੋਂ ਬਚਾਅ ਲਈ ਇਹ 10 ਭਾਰਤੀ ਸਨੈਕਸ ਖੁਰਾਕ ਵਿੱਚ ਸ਼ਾਮਲ ਕਰੋ।
