13 ਅਗਸਤ 2024 : ਦੇਸ਼ ਭਗਤੀ ਅਤੇ ਭਾਰਤ ਦੀ ਆਜ਼ਾਦੀ ‘ਤੇ ਬਾਲੀਵੁੱਡ ਵਿੱਚ ਕਈ ਫਿਲਮਾਂ ਬਣੀਆਂ ਹਨ। ਲੋਕਾਂ ਨੇ ਨਾ ਸਿਰਫ ਫਿਲਮਾਂ ਨੂੰ ਪਸੰਦ ਕੀਤਾ, ਸਗੋਂ ਉਨ੍ਹਾਂ ਦੇ ਡਾਇਲਾਗ ਵੀ ਕਾਫੀ ਹਿੱਟ ਹੋਏ। ਆਓ ਆਜ਼ਾਦੀ ਦਿਵਸ ਦੇ ਮੌਕੇ ‘ਤੇ ਕੁਝ ਅਜਿਹੇ ਸੰਵਾਦਾਂ ‘ਤੇ ਨਜ਼ਰ ਮਾਰੀਏ, ਜੋ ਦੇਸ਼ ਭਗਤੀ ਦੇ ਜਜ਼ਬੇ ਨਾਲ ਭਰੇ ਹੋਏ ਹਨ।
ਭਾਰਤ 15 ਅਗਸਤ 1947 ਨੂੰ ਅੰਗਰੇਜ਼ਾਂ ਦੀ ਗੁਲਾਮੀ ਤੋਂ ਆਜ਼ਾਦ ਹੋਇਆ। ਅੰਗਰੇਜ਼ਾਂ ਨੇ ਲਗਭਗ 200 ਸਾਲ ਭਾਰਤ ‘ਤੇ ਰਾਜ ਕੀਤਾ। ਹਾਲਾਂਕਿ, ਆਜ਼ਾਦੀ ਸ਼ਬਦ ਜਿੰਨਾ ਆਸਾਨ ਲੱਗਦਾ ਹੈ, ਇਸ ਨੂੰ ਪ੍ਰਾਪਤ ਕਰਨਾ ਇੰਨਾ ਆਸਾਨ ਨਹੀਂ ਸੀ। ਭਾਰਤੀ ਸੁਤੰਤਰਤਾ ਸੈਨਾਨੀਆਂ ਨੇ ਬਰਤਾਨਵੀ ਸ਼ਾਸਨ ਵਿਰੁੱਧ ਸਾਲਾਂ ਤੱਕ ਲੜਾਈਆਂ ਲੜੀਆਂ। ਬਹੁਤ ਸਾਰੇ ਲੋਕਾਂ ਨੇ ਆਪਣਾ ਬਲੀਦਾਨ ਦਿੱਤਾ ਤਾਂ ਜੋ ਸਾਰੇ ਦੇਸ਼ ਵਾਸੀ ਸੁੱਖ ਦਾ ਸਾਹ ਲੈ ਸਕਣ। ਉਦੋਂ ਹੀ ਭਾਰਤ ਆਜ਼ਾਦ ਹੋਇਆ ਸੀ।
ਜਦੋਂ ਵੀ ਆਜ਼ਾਦੀ ਦੀ ਗੱਲ ਹੁੰਦੀ ਹੈ ਤਾਂ ਮਹਾਤਮਾ ਗਾਂਧੀ, ਚੰਦਰਸ਼ੇਖਰ ਆਜ਼ਾਦ, ਸੁਭਾਸ਼ ਚੰਦਰ ਬੋਸ, ਭਗਤ ਸਿੰਘ, ਅਸ਼ਫਾਕੁੱਲਾ ਖਾਨ ਵਰਗੇ ਨਾਵਾਂ ਦਾ ਜ਼ਿਕਰ ਆਉਂਦਾ ਹੈ, ਜਿਨ੍ਹਾਂ ਨੇ ਆਜ਼ਾਦੀ ਦੀ ਲੜਾਈ ਵਿਚ ਅਹਿਮ ਭੂਮਿਕਾ ਨਿਭਾਈ ਸੀ। ਤਾਂ ਜੋ ਇਨ੍ਹਾਂ ਸਾਰੇ ਆਜ਼ਾਦੀ ਘੁਲਾਟੀਆਂ ਨੂੰ ਹਮੇਸ਼ਾ ਯਾਦ ਰੱਖਿਆ ਜਾ ਸਕੇ, ਉਨ੍ਹਾਂ ਦੀਆਂ ਕਹਾਣੀਆਂ ਹਰ ਬੱਚੇ ਤੱਕ ਪਹੁੰਚ ਸਕਣ, ਇਸ ਲਈ ਉਨ੍ਹਾਂ ‘ਤੇ ਕਈ ਫਿਲਮਾਂ ਬਣਾਈਆਂ ਗਈਆਂ। ਉਨ੍ਹਾਂ ਫਿਲਮਾਂ ਵਿੱਚ ਬਹੁਤ ਸਾਰੇ ਸੰਵਾਦ ਸਨ ਜੋ ਦੇਸ਼ ਭਗਤੀ ਦੇ ਜਜ਼ਬੇ ਨਾਲ ਭਰੇ ਹੋਏ ਸਨ। ਆਜ਼ਾਦੀ ਦੇ 77 ਸਾਲ ਬੀਤ ਚੁੱਕੇ ਹਨ। ਅੱਜ ਆਓ ਦੇਖੀਏ ਕੁਝ ਅਜਿਹੇ ਡਾਇਲਾਗਜ਼।
1.ਫਿਲਮ- ਸੋਲਜ਼ਰ
ਦੇਸ਼ ਲਈ ਜਾਨਾਂ ਕੁਰਬਾਨ ਕਰਨ ਵਾਲਿਆਂ ਨੂੰ ਸ਼ਹੀਦ ਕਿਹਾ ਜਾਂਦਾ ਹੈ ਅਤੇ ਦੇਸ਼ ਲਈ ਜਾਨਾਂ ਵਾਰਨ ਵਾਲਿਆਂ ਨੂੰ ਸਿਪਾਹੀ ਕਿਹਾ ਜਾਂਦਾ ਹੈ, ਕਾਤਲ ਨਹੀਂ।
2. ਕਾਂਟੇ
ਹਿੰਦੋਸਤਾਨੀ ਕਿਹੋ ਜਿਹਾ ਵੀ ਹੋਵੇ, ਉਸ ਨੂੰ ਦੋ ਗੱਲਾਂ ਬਿਲਕੁਲ ਵੀ ਪਸੰਦ ਨਹੀਂ ਕਰਦੇ। ਪਹਿਲਾ ਕ੍ਰਿਕਟ ‘ਚ ਪਹਿਲੀ ਹਾਰ ਅਤੇ ਦੂਜਾ ਦੇਸ਼ ‘ਤੇ ਵਾਰ
3. ਉੜੀ ਦਿ ਸਰਜੀਕਲ ਸਟ੍ਰਾਈਕ
ਇਹ ਹਿੰਦੋਸਤਾਨ ਹੁਣ ਚੁੱਪ ਨਹੀਂ ਬੈਠੇਗਾ। ਇਹ ਨਵਾਂ ਹਿੰਦੋਸਤਾਨ ਹੈ। ਘਰ ਵੜੇਗਾ ਵੀ ਅਤੇ ਮਾਰੇਗਾ ਵੀ।
4. ਚੱਕ ਦੇ ਇੰਡੀਆ
ਮੈਨੂੰ ਸਟੇਟਸ ਦੇ ਨਾਮ ਸੁਣਾਈ ਨਹੀਂ ਦਿੰਦੇ, ਨਾ ਦਿਖਾਈ ਦਿੰਦੇ ਹਨ… ਜੇ ਕੋਈ ਸੁਣਾਈ ਦਿੰਦਾ ਹੈ ਉਹ ਹੈ ਇੱਕ ਨਾਮ… ਇੰਡੀਆ
5. ਗਦਰ: ਇੱਕ ਪ੍ਰੇਮ ਕਹਾਣੀ
ਤੁਹਾਡਾ ਪਾਕਿਸਤਾਨ ਜ਼ਿੰਦਾਬਾਦ, ਸਾਨੂੰ ਇਸ ਤੇ ਕੋਈ ਇਤਰਾਜ਼ ਨਹੀਂ, ਪਰ ਸਾਡਾ ਹਿੰਦੁਸਤਾਨ ਜ਼ਿੰਦਾਬਾਦ ਹੈ, ਜ਼ਿੰਦਾਬਾਦ ਸੀ ਅਤੇ ਜ਼ਿੰਦਾਬਾਦ ਰਹੇਗਾ।
6. ਰੰਗ ਦੇ ਬਸੰਤੀ
ਹੁਣ ਵੀ ਜਿਸ ਦਾ ਲਹੂ ਨਹੀਂ ਉਬਲਦਾ ਉਹ ਲਹੂ ਨਹੀਂ ਪਾਣੀ ਹੈ, ਜੋ ਦੇਸ਼ ਦੇ ਕੰਮ ਨਾ ਆਵੇ ਉਹ ਜਵਾਨੀ ਹੀ ਬੇਕਾਰ ਹੈ।
7. ਰੰਗ ਦੇ ਬਸੰਤੀ
ਕੋਈ ਵੀ ਦੇਸ਼ ਪ੍ਰਫੈਕਟ ਨਹੀਂ ਹੁੰਦਾ, ਪ੍ਰਫੈਕਟ ਬਣਾਉਣਾ ਪੈਂਦਾ ਹੈ।
8. ਇੰਡੀਅਨ
ਅਸੀਂ ਹੱਥ ਮਿਲਾਉਣਾ ਵੀ ਜਾਣਦੇ ਹਾਂ ਅਤੇ ਮਰੋੜਣਾ ਵੀ। ਅਸੀਂ ਗਾਂਧੀ ਜੀ ਦੀ ਪੂਜਾ ਕਰਦੇ ਹਾਂ ਅਤੇ ਚੰਦਰਸ਼ੇਖਰ ਆਜ਼ਾਦ ਦੀ ਵੀ। ਮੈਂ ਵੀ ਪਹਿਲਾਂ ਪਿਆਰ ਨਾਲ ਸਮਝਾਉਂਦਾ ਫਿਰ ਹਥਿਆਰਾਂ ਨਾਲ।
9. ਹੁਣ ਤੁਹਾਡੇ ਹਵਾਲੇ ਵਤਨ ਸਾਥੀਓ
ਮੌਤ ਦੀਆਂ ਮੰਡੀਆਂ ਵਿੱਚ ਜਾਕੇ ਬੇਟਿਆਂ ਦੀਆਂ ਬੋਲੀਆਂ ਦਿੱਤੀਆਂ ਹਨ। ਜਦੋਂ ਦੇਸ਼ ਨੇ ਇੱਕ ਸਿਰ ਮੰਗਿਆਂ ਅਸੀਂ ਝੋਲੀਆਂ ਭਰ ਭਰ ਕੇ ਦਿੱਤੇ ਨੇ।
10. ਪੁਕਾਰ
ਇਹ ਸ਼ਿਵਾਜੀ, ਰਾਣਾ ਪ੍ਰਤਾਪ ਵਰਗੇ ਬਹਾਦਰਾਂ ਦੀ ਧਰਤੀ ਹੈ, ਜਿਸ ਨੂੰ ਭਗਤ ਸਿੰਘ, ਆਜ਼ਾਦ, ਅਸ਼ਫਾਕ ਉੱਲਾ ਖਾਨ ਨੇ ਆਪਣੇ ਖੂਨ ਨਾਲ ਸਿੰਜਿਆ ਹੈ। ਸਾਨੂੰ ਕੋਈ ਤੋੜ ਨਹੀਂ ਸਕਦਾ। ਅਸੀਂ ਹਿੰਦੋਸਤਾਨੀ ਇੱਕ ਹਾਂ ਅਤੇ ਇੱਕ ਰਹਾਂਗੇ ਅਤੇ ਅਸੀਂ ਮਿਲ ਕੇ ਦੇਸ਼ ਦੇ ਹਰ ਦੁਸ਼ਮਣ ਨੂੰ ਮਾਰ ਦੇਵਾਂਗੇ
11. ਮਾਂ ਤੈਨੂੰ ਸਲਾਮ
ਦੁੱਧ ਮੰਗੋਗੇ ਤਾਂ ਖੀਰ ਦਿਆਂਗੇ, ਕਸ਼ਮੀਰ ਮੰਗੋਗੇ ਤਾਂ ਚੀਰ ਦਿਆਂਗੇ।
12. ਬੇਬੀ
ਰਿਲੀਜ਼ਨ ਕਾਲਮ ਵਿੱਚ ਅਸੀਂ ਬੋਲਡ ਅਤੇ ਵੱਡੇ ਅੱਖਰਾਂ ਵਿੱਚ ਇੰਡੀਅਨ ਲਿਖਦੇ ਹਾਂ।
13. ਕ੍ਰਾਂਤੀਵੀਰ
ਇਹ ਮੁਸਲਮਾਨ ਦਾ ਖੂਨ ਹੈ, ਇਹ ਹਿੰਦੂ ਦਾ ਖੂਨ ਹੈ। ਦੱਸੋ ਕੌਣ ਮੁਸਲਮਾਨ ਤੇ ਕਿਹੜਾ ਹਿੰਦੂ? ਮੈਨੂੰ ਦੱਸੋ
14. ਸ਼ੌਰਿਆ
ਬਹਾਦਰੀ ਦਾ ਮਤਲਬ ਸਿਰਫ ਕਿਸੇ ਨੂੰ ਮਾਰਨਾ ਨਹੀਂ ਹੈ। ਬਹਾਦਰੀ ਦਾ ਮਤਲਬ ਸਿਰਫ਼ ਸਲਾਮੀ ਦੇਣਾ ਨਹੀਂ ਹੁੰਦਾ। ਸ਼ੌਰਿਆ ਸਾਡੇ ਅੰਦਰ ਹੁੰਦਾ ਹੈ। ਇੱਕ ਹੌਂਸਲਾ, ਇੱਕ ਹਿੰਮਤ
15. ਪੂਰਬ ਅਤੇ ਪੱਛਮ
ਆਪਣੇ ਦੇਸ਼ ਲਈ ਮਰਨ ਵਾਲੇ ਕਦੇ ਨਹੀਂ ਮਰਦੇ
