ਨਵੀਂ ਦਿੱਲੀ, 13 ਮਾਰਚ 2026 (ਪੰਜਾਬੀ ਖਬਰਨਾਮਾ ਬਿਊਰੋ):- ਸੁਕੰਨਿਆ ਸਮ੍ਰਿੱਧੀ ਯੋਜਨਾ (Sukanya Samriddhi Yojana) ਇਕ ਮਸ਼ਹੂਰ ਸਕੀਮ ਹੈ। ਇਹ ਸਕੀਮ ਖਾਸ ਤੌਰ ‘ਤੇ ਧੀਆਂ ਲਈ ਹੈ। ਇਹ ਯੋਜਨਾ ਇਸ ਲਈ ਵੀ ਪ੍ਰਸਿੱਧ ਹੈ ਕਿਉਂਕਿ ਇਸ ਦੇ ਤਹਿਤ ਨਿਵੇਸ਼ਕਾਂ ਨੂੰ ਆਕਰਸ਼ਕ ਰਿਟਰਨ ਮਿਲ ਜਾਂਦਾ ਹੈ। ਸੁਕੰਨਿਆ ਸਮ੍ਰਿੱਧੀ ਯੋਜਨਾ ਤਹਿਤ ਨਿਵੇਸ਼ਕਾਂ ਨੂੰ 8.2 ਫੀਸਦੀ ਦਾ ਰਿਟਰਨ ਮਿਲਦਾ ਹੈ।
ਇਸ ਸਕੀਮ ਦਾ ਲਾਭ ਲੈਂਦੇ ਰਹਿਣ ਲਈ ਨਿਵੇਸ਼ਕਾਂ ਨੂੰ ਕੁਝ ਨਿਯਮਾਂ ਦੀ ਪਾਲਣਾ ਕਰਨੀ ਪੈਂਦੀ ਹੈ। ਜੇਕਰ ਤੁਸੀਂ 31 ਮਾਰਚ ਤੋਂ ਪਹਿਲਾਂ ਯੋਜਨਾ ਨਾਲ ਜੁੜਿਆ ਇਹ ਕੰਮ ਪੂਰਾ ਨਹੀਂ ਕੀਤਾ ਤਾਂ ਤੁਹਾਡਾ ਖਾਤਾ ਇਨਐਕਟਿਵ (Inactive) ਹੋ ਸਕਦਾ ਹੈ।
ਇਹ ਕੰਮ ਤੁਰੰਤ ਕਰ ਲਓ ਪੂਰਾ
ਸੁਕੰਨਿਆ ਸਮ੍ਰਿੱਧੀ ਯੋਜਨਾ ਤਹਿਤ ਮਾਪਿਆਂ ਦਾ ਇੱਕ ਵਿੱਤੀ ਸਾਲ ਵਿੱਚ ਘੱਟੋ-ਘੱਟ ਇੱਕ ਵਾਰ ਨਿਵੇਸ਼ ਕਰਨਾ ਜ਼ਰੂਰੀ ਹੈ। ਜੇਕਰ ਤੁਸੀਂ ਕਿਸੇ ਵਿੱਤੀ ਸਾਲ ‘ਚ ਯੋਜਨਾ ‘ਚ ਪੈਸਾ ਨਹੀਂ ਲਗਾਇਆ ਤਾਂ ਤੁਹਾਡਾ ਖਾਤਾ ਇਨਐਕਟਿਵ ਹੋ ਸਕਦਾ ਹੈ।
ਕਿੰਨੀ ਰਾਸ਼ੀ ਲਗਾਈਏ?
ਇਕ ਵਿੱਤੀ ਸਾਲ ‘ਚ ਨਿਵੇਸ਼ਕ ਘੱਟੋ-ਘੱਟ 250 ਰੁਪਏ ਲਗਾ ਸਕਦੇ ਹਨ। ਇਸ ਦੇ ਨਾਲ ਹੀ ਵੱਧ ਤੋਂ ਵੱਧ ਤੁਸੀਂ 1,50,000 ਰੁਪਏ ਨਿਵੇਸ਼ ਕਰ ਸਕਦੇ ਹੋ। ਇਸ ਲਈ ਚਾਹੇ 250 ਰੁਪਏ ਹੀ ਨਿਵੇਸ਼ ਕਰੋ ਪਰ ਇਹ ਧਿਆਨ ਰੱਖੋ ਕਿ ਤੁਸੀਂ ਹਰ ਸਾਲ ਇਸ ਸਕੀਮ ‘ਚ ਪੈਸਾ ਲਗਾ ਰਹੇ ਹੋ। ਇਹ ਪੈਸੇ ਤੁਹਾਨੂੰ ਉੱਥੇ ਜਮ੍ਹਾ ਕਰਵਾਉਣੇ ਹੋਣਗੇ, ਜਿੱਥੇ ਤੁਸੀਂ ਆਪਣੀ ਬੇਟੀ ਦੇ ਨਾਮ ‘ਤੇ ਖਾਤਾ ਖੁੱਲ੍ਹਵਾਇਆ ਹੋਵੇ।
ਕੌਣ ਕਰ ਸਕਦੈ ਨਿਵੇਸ਼?
ਇਸ ਸਕੀਮ ‘ਚ ਮਾਪੇ ਆਪਣੀ ਧੀ ਦੇ ਨਾਮ ‘ਤੇ ਪੈਸਾ ਲਗਾ ਸਕਦੇ ਹਨ। ਇੱਕ ਪਰਿਵਾਰ ਵਿੱਚ ਸਿਰਫ਼ ਦੋ ਬੇਟੀਆਂ ਲਈ ਸਕੀਮ ਤਹਿਤ ਪੈਸਾ ਲਗਾਇਆ ਜਾ ਸਕਦਾ ਹੈ ਕਿਉਂਕਿ ਇਹ ਸਰਕਾਰੀ ਯੋਜਨਾ ਹੈ, ਇਸ ਲਈ ਤੁਹਾਡਾ ਪੈਸਾ ਇੱਥੇ ਪੂਰੀ ਤਰ੍ਹਾਂ ਸੁਰੱਖਿਅਤ ਰਹਿੰਦਾ ਹੈ।
ਤੁਸੀਂ ਇਸ ਖਾਤੇ ‘ਚੋਂ ਬੇਟੀ ਦੀ ਸਿੱਖਿਆ ਲਈ ਪੈਸੇ ਕਢਵਾ ਸਕਦੇ ਹੋ। ਪਰ ਸ਼ਰਤ ਇਹ ਹੈ ਕਿ ਤੁਸੀਂ 50 ਫੀਸਦੀ ਤਕ ਨਿਕਾਸੀ ਉਦੋਂ ਹੀ ਕਰ ਸਕੋਗੇ ਜਦੋਂ ਬੇਟੀ 10ਵੀਂ ਜਮਾਤ ਪਾਸ ਕਰ ਲਵੇਗੀ। 10ਵੀਂ ਜਮਾਤ ਤੋਂ ਬਾਅਦ ਹੋਣ ਵਾਲੀ ਉੱਚ ਸਿੱਖਿਆ (Higher Education) ਲਈ ਤੁਸੀਂ 50 ਫੀਸਦੀ ਤਕ ਪੈਸਾ ਕਢਵਾ ਸਕਦੇ ਹੋ। ਸੁਕੰਨਿਆ ਸਮ੍ਰਿੱਧੀ ਯੋਜਨਾ ਤਹਿਤ ਜਮ੍ਹਾ ਪੈਸੇ ਤੁਹਾਨੂੰ ਬੇਟੀ ਦੇ 18 ਸਾਲ ਦੇ ਹੋਣ ਤੋਂ ਬਾਅਦ ਮਿਲਦੇ ਹਨ।
ਸੰਖੇਪ:-
