28 ਅਗਸਤ 2024 : Difference Between Hotel and Motel: ਜਦੋਂ ਅਸੀਂ ਕਿਤੇ ਯਾਤਰਾ ਕਰਦੇ ਹਾਂ ਤਾਂ ਠਹਿਰਣ ਲਈ ਕਿਸੇ ਹੋਟਲ ਵਿੱਚ ਰੁੱਕਦੇ ਹਾਂ। ਇਹ ਹੋਟਲ ਕੋਈ ਵੀ ਹੋ ਸਕਦਾ ਹੈ। ਭਾਵੇਂ ਇਹ 3 ਸਟਾਰ ਹੋਵੇ, 4 ਸਟਾਰ ਹੋਵੇ ਜਾਂ 5 ਸਟਾਰ ਹੋਟਲ ਹੋਵੇ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਕਈ ਇਲਾਕਿਆਂ ਵਿੱਚ ਹੋਟਲ ਦੇ ਨਾਲ ਨਾਲ ਮੋਟਲ ਵੀ ਹੁੰਦੇ ਹਨ।
ਕੀ ਤੁਸੀਂ ਹੋਟਲ ਤੇ ਮੋਟਲ ਵਿੱਚ ਅੰਤਰ ਦੱਸ ਸਕਦੇ ਹੋ? ਅਸਲ ਵਿੱਚ ਦੋਵੇਂ ਹੋਟਲ ਅਤੇ ਮੋਟਲ ਰਹਿਣ ਦੀ ਸਹੂਲਤ ਦਿੰਦੇ ਹਨ। ਪਰ ਜਿਵੇਂ ਹੀ ਤੁਸੀਂ ਉਨ੍ਹਾਂ ਦੇ ਨਾਮਾਂ ਵਿਚ ਅੰਤਰ ਦੇਖਦੇ ਹੋ, ਉਸੇ ਤਰ੍ਹਾਂ ਹੋਟਲ ਤੇ ਮੋਟਲ ਦੇ ਆਪਰੇਸ਼ਨ ਵਿੱਚ ਵੀ ਫਰਕ ਹੁੰਦਾ ਹੈ। ਆਓ ਜਾਣੀਏ ਕਿ ਦੋਵਾਂ ਵਿਚ ਅਸਲ ਅੰਤਰ ਕੀ ਹੈ…
ਲੋਕੇਸ਼ਨ: ਹੋਟਲ ਆਮ ਤੌਰ ‘ਤੇ ਸ਼ਹਿਰਾਂ, ਸੈਰ-ਸਪਾਟਾ ਸਥਾਨ ਜਾਂ ਵਪਾਰਕ ਕੇਂਦਰਾਂ ਵਿਚਕਾਰ ਸਥਿਤ ਹੁੰਦੇ ਹਨ। ਜੇ ਤੁਸੀਂ ਕਿਸੇ ਸ਼ਹਿਰ ਨੂੰ ਘੁੰਮਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਉਥੇ ਰਹਿਣ ਲਈ ਇੱਕ ਹੋਟਲ ਪ੍ਰਾਪਤ ਕਰੋਗੇ, ਨਾ ਕਿ ਮੋਟਲ। ਦਰਅਸਲ, ਹੋਟਲ ਦੇ ਡਿਜ਼ਾਈਨ ਅਤੇ ਆਰਕੀਟੈਕਚਰ ਨੂੰ ਇਸ ਤਰੀਕੇ ਨਾਲ ਬਣਾਇਆ ਜਾਂਦਾ ਹੈ ਕਿ ਇੱਥੇ ਠਹਿਰਣ ਵਾਲੇ ਵਿਅਕਤੀ ਨੂੰ ਪੂਰਾ ਆਰਾਮ ਮਿਲੇ।
ਜਦੋਂ ਕਿ ਮੋਟਲ ਸ਼ਹਿਰ ਹਾਈਵੇ ਜਾਂ ਮੁੱਖ ਸੜਕਾਂ ‘ਤੇ ਹੁੰਦੇ ਹਨ। ਮੋਟਲ ਦਾ ਕਾਂਸੈਪਟ ਪੁਰਾਣੇ ਸਮੇਂ ਦੀ ‘ਸਰਾਂ’ ਤੋਂ ਬਣੀ ਹੈ, ਜਿਸ ਦੀ ਵਰਤੋਂ ਯਾਤਰੀਆਂ ਲਈ ਰਾਤ ਨੂੰ ਰਹਿਣ ਲਈ ਕੀਤੀ ਜਾਂਦੀ ਸੀ। ਮੋਟਲ ਦਾ ਅਰਥ ਹੈ ਮੋਟਰ ਲਾਜ। ਭਾਵ, ਇਕ ਜਗ੍ਹਾ ਜਿੱਥੇ ਤੁਹਾਡੇ ਕੋਲ ਆਪਣੀ ਕਾਰ ਪਾਰਕ ਕਰਨ ਦੀ ਸਹੀ ਸਹੂਲਤ ਹੋਵੇ।
ਫੈਕਲਟੀ ਅਤੇ ਸਰਵਿਸ: ਹੋਟਲ ਵਿਚ ਤੁਹਾਨੂੰ ਕਈ ਕਿਸਮਾਂ ਦੇ ਲਗਜ਼ਰੀ ਸਹੂਲਤਾਂ ਮਿਲਦੀਆਂ ਹਨ। ਉੱਥੇ ਹੀ ਮੋਟਲ ਵਿੱਚ ਤੁਹਾਨੂੰ ਸਿਰਫ ਰਾਤ ਵਿੱਚ ਸਮੇਂ ਬਿਤਾਉਣ ਜਾਂ ਬੁਨਿਆਦੀ ਸਹੂਲਤਾਂ ਮਿਲਦੀਆਂ ਹਨ। ਹੋਟਲ ਰੈਸਟੋਰੈਂਟ, ਪੂਲ, ਸਪਾਸ, ਜਿਮ, ਕਾਰੋਬਾਰ ਕੇਂਦਰਾਂ ਜਾਂ ਰੂਮ ਸਰਵਿਸ ਵਰਗੀਆਂ ਸਹੂਲਤਾਂ ਦੀ ਪੇਸ਼ਕਸ਼ ਕਰਦਾ ਹੈ। ਮੋਟਲ ਵਿੱਚ ਕਾਫੀ ਆਮ ਸੁਵਿਧਾਵਾਂ ਮਿਲਦੀਆਂ ਹਨ, ਜਿਵੇਂ ਬੇਸਿਕ ਕਮਰੇ, ਮੁਫਤ ਪਾਰਕਿੰਗ ਤੇ ਨਾਸ਼ਤੇ ਦੀ ਸੁਵਿਧਾ।
ਰੁਕਣ ਦਾ ਸਮਾਂ: ਹੋਟਲ ਵਿਚ, ਅਸੀਂ ਅਕਸਰ ਲੰਬੇ ਸਮੇਂ ਲਈ ਰਹਿੰਦੇ ਹਾਂ। ਜਦੋਂ ਵੀ ਤੁਸੀਂ ਕਿਸੇ ਸ਼ਹਿਰ ਦਾ ਦੌਰਾ ਕਰਨ ਜਾਂ ਬਿਜਨੈੱਸ ਮੀਟਿੰਗ ਵਿੱਚ ਜਾਂਦੇ ਹੋ ਤਾਂ ਤੁਸੀਂ ਇੱਕ ਹੋਟਲ ਦੀ ਚੋਣ ਕਰਦੇ ਹੋ। ਜਦੋਂ ਕਿ ਮੋਟਲ ਮੁੱਖ ਤੌਰ ‘ਤੇ ਯਾਤਰਾ ਲਈ ਹੁੰਦਾ ਹੈ, ਜਿੱਥੇ ਲੋਕ ਆਪਣੀ ਯਾਤਰਾ ਦੌਰਾਨ ਇੱਕ ਰਾਤ ਜਾਂ ਦੋ ਰਾਤਾਂ ਲਈ ਰਹਿੰਦੇ ਹਨ।
ਬਜਟ: ਹੋਟਲ ਵਿੱਚ ਤੁਹਾਨੂੰ ਕਾਫੀ ਲਗਜ਼ਰੀ ਮਿਲਦੀ ਹੈ, ਜਿਸ ਕਾਰਨ ਇਸ ਦਾ ਕਿਰਾਇਆ ਵੀ ਜ਼ਿਆਦਾ ਹੁੰਦਾ ਹੈ। ਜਦੋਂ ਕਿ ਮੋਟਲ ਦੇ ਕਮਰੇ ਤੁਹਾਨੂੰ ਸਸਤੇ ਵਿੱਚ ਮਿਲ ਜਾਂਦੇ ਹਨ।
