26 ਅਪ੍ਰੈਲ, 2025 (ਪੰਜਾਬੀ ਖਬਰਨਾਮਾ ਬਿਊਰੋ): ਪਹਿਲਗਾਮ ‘ਚ ਅੱਤਵਾਦੀ ਹਮਲੇ ਬਾਅਦ ਵੀ ਮਾਤਾ ਵੈਸ਼ਨੋ ਦੇਵੀ ਜਾਣ ਵਾਲੇ ਯਾਤਰੀਆਂ ਦੀ ਗਿਣਤੀ ਵਿੱਚ ਵੱਡੀ ਕਮੀ ਨਹੀਂ ਆਈ ਹੈ। ਜੰਮੂ ਜਾਣ ਵਾਲੀਆਂ ਜ਼ਿਆਦਾਤਰ ਟ੍ਰੇਨਾਂ ਵਿੱਚ ਕੰਫਰਮ ਟਿਕਟਾਂ ਨਹੀਂ ਮਿਲ ਰਹੀਆਂ ਹਨ। ਇਸ ਨੂੰ ਦੇਖਦੇ ਹੋਏ ਰੇਲਵੇ ਪ੍ਰਸ਼ਾਸਨ ਨੇ ਵਿਸ਼ੇਸ਼ ਟ੍ਰੇਨਾਂ ਚਲਾਉਣ ਦਾ ਐਲਾਨ ਕੀਤਾ ਹੈ। ਦਿੱਲੀ ਦੇ ਨਾਲ-ਨਾਲ ਹੋਰ ਸ਼ਹਿਰਾਂ ਤੋਂ ਵੀ ਵਿਸ਼ੇਸ਼ ਟ੍ਰੇਨਾਂ ਚਲਾਈਆਂ ਜਾ ਰਹੀਆਂ ਹਨ।
ਕੰਫਰਮ ਟਿਕਟਾਂ ਮਿਲਣ ‘ਚ ਮੁਸ਼ਕਲ
ਅੱਤਵਾਦੀ ਹਮਲੇ ਬਾਅਦ ਜੰਮੂ-ਕਸ਼ਮੀਰ ਜਾਣ ਵਾਲੇ ਯਾਤਰੀਆਂ ਦੀ ਗਿਣਤੀ ਵਿਚ ਵੱਡੀ ਕਮੀ ਦੀ ਉਮੀਦ ਸੀ। ਹਾਲਾਂਕਿ ਕੁਝ ਕਮੀ ਆਈ ਹੈ ਪਰ ਫਿਰ ਵੀ ਜ਼ਿਆਦਾਤਰ ਟ੍ਰੇਨਾਂ ਭਰਪੂਰ ਚੱਲ ਰਹੀਆਂ ਹਨ। ਕੰਫਰਮ ਟਿਕਟਾਂ ਪ੍ਰਾਪਤ ਕਰਨ ਵਿਚ ਮੁਸ਼ਕਲਾਂ ਆ ਰਹੀਆਂ ਹਨ।
ਇਸ ਸਥਿਤੀ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸ਼ੁੱਕਰਵਾਰ ਤੋਂ ਨਵੀਂ ਦਿੱਲੀ ਤੋਂ ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ ਲਈ ਸਪੈਸ਼ਨ ਟ੍ਰੇਨ ਚਲਾਈ ਜਾ ਰਹੀ ਹੈ। ਕਟੜਾ ਤੋਂ ਗੁਹਾਟੀ ਤੇ ਜੰਮੂ ਤਵੀ ਤੋਂ ਬਨਾਰਸ ਲਈ ਵੀ ਸਪੈਸ਼ਲ ਟ੍ਰੇਨਾਂ ਦੀ ਐਲਾਨ ਕੀਤਾ ਗਿਆ ਹੈ।
ਜੰਮੂ ਤਵੀ ਤੋਂ ਰਵਾਨਾ ਹੋਵੇਗੀਆਂ ਟ੍ਰੇਨਾਂ
ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ-ਗੁਹਾਟੀ ਸਪੈਸ਼ਲ(04606/04605) ਟ੍ਰੇਨ 2 ਮਈ ਤੋਂ 30 ਮਈ ਤੱਕ ਹਰ ਸ਼ੁੱਕਰਵਾਰ ਕਟੜਾ ਤੋਂ ਰਵਾਨਾ ਹੋਵੇਗੀ। ਵਾਪਸੀ ਦੀ ਯਾਤਰਾ ਦੌਰਾਨ ਇਹ 5 ਮਈ ਤੋਂ 2 ਜੁਲਾਈ ਤੱਕ ਹਰ ਸੋਮਵਾਰ ਗੁਹਾਟੀ ਤੋਂ ਰਵਾਨਾ ਹੋਵੇਗੀ।
ਜੰਮੂ ਤਵੀ-ਬਨਾਰਸ ਸਪੈਸ਼ਲ (04610/04609) 8 ਮਈ ਤੋਂ 10 ਜੁਲਾਈ ਤੱਕ ਹਰ ਵੀਰਵਾਰ ਜੰਮੂ ਤਵੀ ਤੋਂ ਤੇ 9 ਮਈ ਤੋਂ 11 ਜੁਲਾਈ ਤੱਕ ਹਰ ਸ਼ੁੱਕਰਵਾਰ ਬਨਾਰਸ ਤੋਂ ਰਵਾਨਾ ਹੋਵੇਗੀ।
ਸੰਖੇਪ: ਵੈਸ਼ਨੋ ਦੇਵੀ ਤੇ ਜੰਮੂ ਜਾਣ ਵਾਲਿਆਂ ਦੀ ਵਧ ਰਹੀ ਭੀੜ ਦੇ ਮੱਦੇਨਜ਼ਰ ਰੇਲਵੇ ਨੇ ਦਿੱਲੀ, ਗੁਹਾਟੀ ਤੇ ਬਨਾਰਸ ਲਈ ਸਪੈਸ਼ਲ ਟ੍ਰੇਨਾਂ ਚਲਾਉਣ ਦਾ ਐਲਾਨ ਕੀਤਾ।
