ਨਵੀਂ ਦਿੱਲੀ (ਪੰਜਾਬੀ ਖਬਰਨਾਮਾ) 21 ਮਈ : EPFO Rules : ਰਿਟਾਇਰਮੈਂਟ ਤੋਂ ਬਾਅਦ ਪੈਨਸ਼ਨ ਲਾਭ ਲੈਣ ਲਈ ਬਹੁਤ ਸਾਰੇ ਲੋਕ EPS ਸਕੀਮ ‘ਚ ਨਿਵੇਸ਼ ਕਰਨਾ ਪਸੰਦ ਕਰਦੇ ਹਨ। ਈਪੀਐਫਓ ਸਕੀਮ ‘ਚ ਨਿਵੇਸ਼ਕ ਕੰਪਨੀ ਦੇ ਨਾਲ ਕੰਪਨੀ ਵੱਲੋਂ ਹਰ ਮੀਹਨੇ ਇੱਕ ਮਿੱਥੀ ਹੋਈ ਰਕਮ ਜਮ੍ਹਾਂ ਕੀਤੀ ਜਾਂਦੀ ਹੈ। ਨਿਵੇਸ਼ ਦੀ ਰਕਮ ‘ਤੇ ਸਰਕਾਰ ਵੱਲੋਂ ਸਾਲਾਨਾ ਵਿਆਜ ਮਿਲਦਾ ਹੈ।
EPFO ਦੀ ਇਸ ਸਕੀਮ ‘ਚ ਨਿਵੇਸ਼ਕ ਨੂੰ ਸੇਵਾਮੁਕਤੀ ਤੋਂ ਬਾਅਦ ਇੱਕਮੁਸ਼ਤ ਰਕਮ ਦੇ ਨਾਲ ਪੈਨਸ਼ਨ ਦਾ ਲਾਭ ਆਸਾਨੀ ਨਾਲ ਮਿਲ ਜਾਂਦਾ ਹੈ। ਪੈਨਸ਼ਨ ਲਾਭ ਕੇਵਲ ਉਨ੍ਹਾਂ ਮੈਂਬਰਾਂ ਲਈ ਉਪਲਬਧ ਹੈ ਜੋ 10 ਸਾਲਾਂ ਤੋਂ ਵੱਧ ਸਮੇਂ ਲਈ ਪ੍ਰੋਵੀਡੈਂਟ ਫੰਡ ‘ਚ ਨਿਵੇਸ਼ ਕਰਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਨਿਵੇਸ਼ਕ ਦੀ ਉਮਰ 58 ਸਾਲ ਹੋਣ ‘ਤੇ ਪੈਨਸ਼ਨ ਲਾਭ ਮਿਲਦੇ ਹਨ। ਜੇਕਰ ਕੋਈ ਨਿਵੇਸ਼ਕ 58 ਸਾਲ ਦੀ ਉਮਰ ਤੋਂ ਪਹਿਲਾਂ ਛੇਤੀ ਪੈਨਸ਼ਨ ਲੈਣਾ ਚਾਹੁੰਦਾ ਹੈ, ਤਾਂ ਤਰੀਕਾ ਵੱਖਰਾ ਹੈ।
ਕਿਵੇਂ ਕਰ ਸਕਦੇ ਹੋ ਕਲੇਮ ?
ਛੇਤੀ ਪੈਨਸ਼ਨ ਲਈ ਨਿਵੇਸ਼ਕ ਦੀ ਉਮਰ 50 ਸਾਲ ਤੋਂ 58 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ। ਜੇਕਰ ਨਿਵੇਸ਼ਕ ਦੀ ਉਮਰ 50 ਸਾਲ ਤੋਂ ਘੱਟ ਹੈ ਤਾਂ ਉਸ ਨੂੰ ਪੈਨਸ਼ਨ ਦਾ ਲਾਭ ਨਹੀਂ ਮਿਲਦਾ। ਤੁਹਾਨੂੰ ਦੱਸ ਦੇਈਏ ਕਿ ਜੇਕਰ ਨਿਵੇਸ਼ਕ ਲਗਾਤਾਰ 2 ਮਹੀਨਿਆਂ ਤੋਂ ਬੇਰੁਜ਼ਗਾਰ ਹੈ ਤਾਂ ਉਹ PF ਫੰਡ ਤੋਂ ਪੂਰੀ ਰਕਮ ਕਢਵਾ ਸਕਦਾ ਹੈ।
ਛੇਤੀ ਪੈਨਸ਼ਨ ਲਈ ਨਿਵੇਸ਼ਕ ਨੂੰ ਕੰਪੋਜ਼ਿਟ ਕਲੇਮ ਫਾਰਮ ਭਰ ਕੇ ਜਮ੍ਹਾ ਕਰਨਾ ਹੋਵੇਗਾ। ਇਸ ਤੋਂ ਇਲਾਵਾ ਉਸ ਨੂੰ ਫਾਰਮ 10ਡੀ ਦਾ ਵਿਕਲਪ ਵੀ ਚੁਣਨਾ ਹੋਵੇਗਾ।
ਨਿਵੇਸ਼ਕ ਨੂੰ ਕਿੰਨੀ ਮਿਲਦੀ ਹੈ ਪੈਨਸ਼ਨ ?
ਤੁਹਾਨੂੰ ਦੱਸ ਦੇਈਏ ਕਿ ਜੇਕਰ ਤੁਸੀਂ ਜਲਦੀ ਪੈਨਸ਼ਨ ਦਾ ਲਾਭ ਲੈਂਦੇ ਹੋ ਤਾਂ ਤੁਹਾਨੂੰ ਘੱਟ ਪੈਨਸ਼ਨ ਮਿਲਦੀ ਹੈ। ਈਪੀਐਫਓ ਦੇ ਨਿਯਮਾਂ ਮੁਤਾਬਕ ਨਿਵੇਸ਼ਕ ਨੂੰ 4 ਫੀਸਦੀ ਦੀ ਦਰ ਨਾਲ ਕਟੌਤੀ ਕਰਨ ਤੋਂ ਬਾਅਦ ਪੈਨਸ਼ਨ ਕੱਟ ਕੇ ਮਿਲਦੀ ਹੈ।
ਜੇਕਰ ਨਿਵੇਸ਼ਕ 56 ਸਾਲ ਦੀ ਉਮਰ ‘ਚ ਪੈਨਸ਼ਨ ਲੈਂਦਾ ਹੈ ਤਾਂ ਉਸ ਨੂੰ ਸਿਰਫ 92 ਫੀਸਦੀ ਪੈਨਸ਼ਨ ਮਿਲੇਗੀ। ਨਿਵੇਸ਼ਕ ਨੇ 2 ਸਾਲ ਪਹਿਲਾਂ ਅਪਲਾਈ ਕੀਤਾ ਹੈ, ਇਸ ਲਈ ਉਸਦੀ ਪੈਨਸ਼ਨ ਦੀ ਰਕਮ ਵਿੱਚੋਂ 8 ਪ੍ਰਤੀਸ਼ਤ ਦੀ ਕਟੌਤੀ ਹੋਈ ਹੈ।
ਇਨ੍ਹਾਂ ਨਿਵੇਸ਼ਕਾਂ ਨੂੰ ਨਹੀਂ ਮਿਲੇਗੀ ਪੈਨਸ਼ਨ
ਜੇਕਰ ਕਿਸੇ ਨਿਵੇਸ਼ਕ ਨੇ EPFO ‘ਚ 10 ਸਾਲ ਤੋਂ ਘੱਟ ਦਾ ਯੋਗਦਾਨ ਪਾਇਆ ਹੈ, ਤਾਂ ਉਸਨੂੰ ਪੈਨਸ਼ਨ ਲਾਭ ਨਹੀਂ ਮਿਲੇਗਾ। ਅਜਿਹੀ ਸਥਿਤੀ ‘ਚ ਉਸ ਕੋਲ ਪੈਨਸ਼ਨ ਲੈਣ ਲਈ ਦੋ ਵਿਕਲਪ ਹਨ। ਪਹਿਲਾ ਵਿਕਲਪ- ਜੇਕਰ ਨਿਵੇਸ਼ਕ ਕੋਈ ਕੰਮ ਨਹੀਂ ਕਰਨਾ ਚਾਹੁੰਦਾ ਹੈ ਤਾਂ ਉਹ ਪੀਐਫ ਫੰਡ ‘ਚੋਂ ਪੂਰੀ ਰਕਮ ਕਢਵਾ ਸਕਦਾ ਹੈ।
ਦੂਜਾ ਵਿਕਲਪ- ਨਿਵੇਸ਼ਕ ਪੈਨਸ਼ਨ ਸਰਟੀਫਿਕੇਟ ਲੈ ਸਕਦਾ ਹੈ। ਇਸ ਵਿੱਚ, ਜਦੋਂ ਨਿਵੇਸ਼ਕ ਨਵੀਂ ਨੌਕਰੀ ਲੈਂਦਾ ਹੈ ਤਾਂ ਇਸ ਪੈਨਸ਼ਨ ਸਰਟੀਫਿਕੇਟ ਦੀ ਮਦਦ ਨਾਲ ਉਹ ਪੁਰਾਣੇ ਪੈਨਸ਼ਨ ਖਾਤੇ ਨੂੰ ਨਵੀਂ ਨੌਕਰੀ ਵਿੱਚ ਜੋੜ ਸਕਦਾ ਹੈ।
