(ਪੰਜਾਬੀ ਖਬਰਨਾਮਾ) 28 ਮਈ : “ਗੋਲਬਲ ਸਟਾਰ ਦਿਲਜੀਤ ਦੋਸਾਂਝ ਅਤੇ ਮਸ਼ਹੂਰ ਅਦਾਕਾਰਾ ਨੀਰੂ ਬਾਜਵਾ ਦੀ ਆਉਣ ਵਾਲੀ ਫਿਲਮ ‘ਜੱਟ ਐਂਡ ਜੂਲੀਅਟ 3’ 28 ਜੂਨ ਨੂੰ ਦੁਨੀਆ ਭਰ ‘ਚ ਰਿਲੀਜ਼ ਹੋਣ ਵਾਲੀ ਹੈ। ਦਿਲਜੀਤ ਦੋਸਾਂਝ ਇਸ ਸਮੇਂ ਆਪਣੇ ਲਾਈਵ ਕੰਸਰਟ ਦੇ ਨਾਲ-ਨਾਲ ਫਿਲਮ ਨੂੰ ਲੈ ਕੇ ਵੀ ਸੁਰਖੀਆਂ ਵਿੱਚ ਹਨ। ਫਿਲਮ ਵਿਚ ਖਾਸ ਗੱਲ ਇਹ ਹੈ ਕਿ ਇਸ ‘ਚ ਚੁੰਮਿਆ ਵਾਲੀ ਭਾਬੀ ਰਣਜੀਤ ਕੌਰ ਵੀ ਨਜ਼ਰ ਆਏਗੀ।
ਦਿਲਜੀਤ ਦੋਸਾਂਝ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ। ਇਸਦੇ ਨਾਲ ਹੀ ਉਨ੍ਹਾਂ ਨੇ ਕੈਪਸ਼ਨ ‘ਚ ਲਿਖਿਆ ਕਿ ਓਏ ਸ਼ੋਟੂ ਪੰਜਾਬ ਪੁਲਿਸ ਭੰਗੜਾ ਵੀ ਪਾਉਂਦੀ ਆ ਓਏ…ਵੀਡੀਓ ਆ ਗਈ ਯੂਟਿਊਬ ਤੇ… ਚੱਕੋ ਚੁੰਮਾ ਪਤਾ ਨਈ ਵੀਰਵਾਰ ਆ ਕੀ
ਦੱਸ ਦੇਈਏ ਕਿ ਹਾਲ ਹੀ ‘ਚ ਦਿਲਜੀਤ ਦੀ ਫਿਲਮ ਦਾ ਗੀਤ Tu Juliet Jatt Di ਰਿਲੀਜ਼ ਹੋਇਆ ਹੈ, ਜਿਸ ਨੂੰ ਫੈਨਜ਼ ਵਲੋਂ ਕਾਫੀ ਪਿਆਰ ਮਿਲਿਆ ਹੈ। ਗਾਇਕ ਵੱਲੋਂ ਸ਼ੇਅਰ ਕੀਤੀ ਗਈ ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਸ਼ੁਰੂਆਤ ਵਿੱਚ ਤੁਹਾਨੂੰ ਭਾਬੀ ਰਣਜੀਤ ਕੌਰ ਨਜ਼ਰ ਆ ਰਹੀ ਹੈ। ਇਸ ਨਾਲ ਸਾਫ ਪਤਾ ਚਲਦਾ ਹੈ ਕਿ ਭਾਬੀ ਵੀ ਇਸ ਫਿਲਮ ਵਿੱਚ ਲੋਕਾਂ ਦਾ ਮਨੋਰੰਜਨ ਕਰਦੀ ਨਜ਼ਰ ਆਏਗੀ।
ਦੱਸ ਦੇਈਏ ਕਿ ਜਿੱਥੇ ਜੱਟ ਐਂਡ ਜੂਲੀਅਟ 3 ਇੱਕ ਦਹਾਕੇ ਬਾਅਦ ਆ ਰਹੀ ਹੈ, ਉੱਥੇ ਹੀ ਨੀਰੂ ਚਾਰ ਸਾਲਾਂ ਬਾਅਦ ਦਿਲਜੀਤ ਨਾਲ ਦੁਬਾਰਾ ਜੁੜ ਰਹੀ ਹੈ। ਉਹ ਆਖਰੀ ਵਾਰ 2019 ਦੀ ਸ਼ਾਦਾ ਵਿੱਚ ਨਜ਼ਰ ਆਈ ਸੀ। ਇਸ ਤੋਂ ਇਲਾਵਾ ਆਨ-ਸਕਰੀਨ ਦੀ ਮਸ਼ਹੂਰ ਜੋੜੀ 2015 ‘ਚ ‘ਸਰਦਾਰ ਜੀ’ ਅਤੇ ‘ਜਿਹਨੇ ਮੇਰਾ ਦਿਲ ਲੁਟਿਆ’ (2011) ਵਰਗੀਆਂ ਫਿਲਮਾਂ ‘ਚ ਵੀ ਨਜ਼ਰ ਆ ਚੁੱਕੀ ਹੈ। ਜਿੱਥੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਇਕੱਠੇ ਦੇਖਣ ਲਈ ਉਤਸ਼ਾਹਿਤ ਹਨ, ਉੱਥੇ ਹੀ ਨੀਰੂ ਅਤੇ ਦਿਲਜੀਤ ਕੋਲ ਵੀ ਉਨ੍ਹਾਂ ਦੇ ਪਰਸਨਲ ਪ੍ਰੋਜੈਕਟ ਹਨ ਜਿਨ੍ਹਾਂ ਨੇ ਉਨ੍ਹਾਂ ਨੂੰ ਵਿਅਸਤ ਰੱਖਿਆ ਹੈ।
ਕਾਬਿਲੇਗੌਰ ਹੈ ਕਿ ਦਿਲਜੀਤ ਦੋਸਾਂਝ ਜਿੰਨੇ ਹੀ ਚੰਗੇ ਗਾਇਕ ਹਨ, ਓਨੇ ਹੀ ਉਨ੍ਹਾਂ ਨੇ ਆਪਣੀ ਅਦਾਕਾਰੀ ਕਰਕੇ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤਿਆ ਹੈ। ਹਾਲ ਹੀ ‘ਚ ਰਿਲੀਜ਼ ਹੋਈ ਫਿਲਮ ਅਮਰ ਸਿੰਘ ਚਮਕੀਲਾ ਸੁਪਰਹਿੱਟ ਰਹੀ ਸੀ। ਇਸਦੇ ਨਾਲ ਹੀ ਉਹ ਗੁੱਡ ਨਿਊਜ਼, ਕਰੂ ਅਤੇ ਉੜਤਾ ਪੰਜਾਬ ਵਰਗੀਆਂ ਫਿਲਮਾਂ ਲਈ ਵੀ ਜਾਣੇ ਜਾਂਦੇ ਹਨ ।
