13 ਅਗਸਤ 2024 : ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਦੀਆਂ ਸੇਵਾਵਾਂ ਦੀ ਵਰਤੋਂ ਕਰਨ ਵਾਲਿਆਂ ਦੇ ਦਿਨ ਛੇਤੀ ਹੀ ਬਦਲ ਸਕਦੇ ਹਨ। ਹੁਣ ਤੱਕ ਕਮਜ਼ੋਰ ਨੈੱਟਵਰਕ ਦੀਆਂ ਸ਼ਿਕਾਇਤਾਂ ਦਾ ਸਾਹਮਣਾ ਕਰ ਰਹੀ ਕੰਪਨੀ ਨੇ ਇਸ ਸਮੱਸਿਆ ਨੂੰ ਹੱਲ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਸਦੇ ਲਈ ਬੀਐਸਐਨਐਲ ਨੇ ਹਿਮਾਚਲ ਪ੍ਰਦੇਸ਼ ਅਤੇ ਉੱਤਰ ਪ੍ਰਦੇਸ਼ ਪੱਛਮੀ ਸਰਕਲਾਂ ਵਿੱਚ 15,000 ਨੈਟਵਰਕ ਟਾਵਰ ਲਗਾਏ ਹਨ। ਆਉਣ ਵਾਲੇ ਦਿਨਾਂ ਵਿੱਚ 80,000 ਹੋਰ ਟਾਵਰ ਲਗਾਏ ਜਾਣਗੇ।
ਇਸ ਤੋਂ ਇਲਾਵਾ, ਕੰਪਨੀ ਨੇ ਇੱਕ ਨਵਾਂ 4G ਅਤੇ 5G-ਰੇਡੀ ਓਵਰ-ਦੀ-ਏਅਰ (OTA) ਅਤੇ ਯੂਨੀਵਰਸਲ ਸਿਮ (USIM) ਪਲੇਟਫਾਰਮ ਲਾਂਚ ਕੀਤਾ ਹੈ। ਇਸ ਦਾ ਉਦੇਸ਼ ਸਰਕਾਰ ਦੀ “ਆਤਮਨਿਰਭਰ ਭਾਰਤ” ਪਹਿਲਕਦਮੀ ਦੇ ਤਹਿਤ BSNL ਦੀਆਂ ਸੇਵਾਵਾਂ ਅਤੇ ਕਨੈਕਟੀਵਿਟੀ ਦੀ ਗੁਣਵੱਤਾ ਵਿੱਚ ਸੁਧਾਰ ਕਰਨਾ ਹੈ। ਇਸ ਪਲੇਟਫਾਰਮ ਦੇ ਨਾਲ, ਉਪਭੋਗਤਾਵਾਂ ਨੂੰ ਬਿਨਾਂ ਕਿਸੇ ਖੇਤਰੀ ਪਾਬੰਦੀਆਂ ਦੇ ਆਪਣੇ ਸਿਮ ਕਾਰਡ ਬਦਲਣ ਦੀ ਸਹੂਲਤ ਮਿਲੇਗੀ। ਇਸ ਨੂੰ ਦੂਰਸੰਚਾਰ ਵਿਕਾਸ ਕੰਪਨੀ ਪਾਈਰੋ ਹੋਲਡਿੰਗਜ਼ ਦੇ ਸਹਿਯੋਗ ਨਾਲ ਤਿਆਰ ਕੀਤਾ ਗਿਆ ਹੈ।
