(ਪੰਜਾਬੀ ਖਬਰਨਾਮਾ) :ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਮੁੱਖ ਕੋਚ ਰਾਹੁਲ ਦ੍ਰਾਵਿੜ ਨੇ ਆਈਸੀਸੀ ਟੀ-20 ਵਿਸ਼ਵ ਕੱਪ ਜਿੱਤਣ ਨਾਲ ਆਪਣਾ ਕਾਰਜਕਾਲ ਖ਼ਤਮ ਕਰ ਦਿੱਤਾ ਹੈ। ਟੀਮ ਇੰਡੀਆ ਦੇ ਨਾਲ ਇਸ ਦਿੱਗਜ ਦਾ ਕਰਾਰ ਇਸ ਟੂਰਨਾਮੈਂਟ ਤੱਕ ਸੀ। ਆਈਸੀਸੀ ਵਨਡੇ ਵਿਸ਼ਵ ਕੱਪ ਫਾਈਨਲ ਵਿੱਚ ਹਾਰ ਤੋਂ ਬਾਅਦ ਬੀਸੀਸੀਆਈ ਨੇ ਉਨ੍ਹਾਂ ਦਾ ਕਰਾਰ ਟੀ-20 ਵਿਸ਼ਵ ਕੱਪ ਤੱਕ ਵਧਾ ਦਿੱਤਾ ਸੀ।
ਇਸ ਟੂਰਨਾਮੈਂਟ ਤੋਂ ਬਾਅਦ ਉਨ੍ਹਾਂ ਨੇ ਟੀਮ ਇੰਡੀਆ ਨੂੰ ਅਲਵਿਦਾ ਕਹਿ ਦਿੱਤਾ। ਹੁਣ ਉਹ ਇੰਡੀਅਨ ਪ੍ਰੀਮੀਅਰ ਲੀਗ ਦੀ ਫਰੈਂਚਾਈਜ਼ੀ ਟੀਮ ਰਾਜਸਥਾਨ ਰਾਇਲਜ਼ ਨਾਲ ਕੰਮ ਕਰ ਸਕਦੇ ਹਨ। 2008 ਵਿੱਚ ਖੇਡੀ ਪਹਿਲੇ ਆਈ.ਪੀ.ਐਲ. ਨੂੰ ਰਾਜਸਥਾਨ ਨੇ ਜਿੱਤਿਆ ਸੀ।
ਰਾਹੁਲ ਦ੍ਰਵਿੜ ਦੇ ਟੀਮ ਇੰਡੀਆ ਤੋਂ ਵੱਖ ਹੋਣ ਤੋਂ ਬਾਅਦ ਹੁਣ ਪ੍ਰਸ਼ੰਸਕ ਉਨ੍ਹਾਂ ਦੇ ਅਗਲੇ ਪ੍ਰੋਜੈਕਟ ਬਾਰੇ ਜਾਣਕਾਰੀ ਚਾਹੁੰਦੇ ਹਨ। ਹਰ ਕੋਈ ਜਾਣਨਾ ਚਾਹੁੰਦਾ ਹੈ ਕਿ ਇਹ ਦਿੱਗਜ ਹੁਣ ਕਿਸ ਟੀਮ ਨਾਲ ਕੰਮ ਕਰੇਗਾ। ਟਾਈਮਜ਼ ਆਫ ਇੰਡੀਆ ਦੀ ਰਿਪੋਰਟ ਮੁਤਾਬਕ ਰਾਹੁਲ ਦ੍ਰਾਵਿੜ ਇੰਡੀਅਨ ਪ੍ਰੀਮੀਅਰ ਲੀਗ ‘ਚ ਕੋਚ ਜਾਂ ਮੈਂਟਰ ਦੇ ਰੂਪ ‘ਚ ਵਾਪਸੀ ਕਰ ਸਕਦੇ ਹਨ।
ਉਹ ਆਪਣੀ ਪੁਰਾਣੀ ਟੀਮ ਰਾਜਸਥਾਨ ਰਾਇਲਜ਼ ਨਾਲ ਜੁੜ ਸਕਦੇ ਹਨ। ਇਸ ਟੀਮ ਲਈ ਖੇਡ ਚੁੱਕੇ ਰਾਹੁਲ ਦ੍ਰਾਵਿੜ ਨੇ ਲੰਬੇ ਸਮੇਂ ਤੱਕ ਕਪਤਾਨ ਵਜੋਂ ਫਰੈਂਚਾਇਜ਼ੀ ਦੀ ਸੇਵਾ ਕੀਤੀ ਹੈ। ਫਿਲਹਾਲ ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਰਾਜਸਥਾਨ ਟੀਮ ਨਾਲ ਗੱਲਬਾਤ ਚੱਲ ਰਹੀ ਹੈ ਅਤੇ ਜਲਦ ਹੀ ਇਸ ਸਬੰਧੀ ਐਲਾਨ ਕੀਤਾ ਜਾ ਸਕਦਾ ਹੈ।
ਰਾਜਸਥਾਨ ਦੇ ਨਾਲ ਰਾਹੁਲ ਦਾ ਕਰੀਅਰ
51 ਸਾਲ ਦੇ ਰਾਹੁਲ ਦ੍ਰਾਵਿੜ ਰਾਜਸਥਾਨ ਰਾਇਲਸ ਦੇ ਨਾਲ ਬਤੌਰ ਕਪਤਾਨ ਖੇਡ ਚੁੱਕੇ ਹਨ। ਇਸ ਦਿੱਗਜ ਨੇ ਟੀਮ ਨੂੰ 2013 ਚੈਂਪੀਅਨਜ਼ ਲੀਗ ਟੀ-20 ਫਾਈਨਲ ਤੱਕ ਪਹੁੰਚਾਇਆ ਸੀ। ਦ੍ਰਾਵਿੜ ਦੀ ਕਪਤਾਨੀ ਵਿੱਚ ਖੇਡਦੇ ਹੋਏ ਰਾਜਸਥਾਨ ਦੀ ਟੀਮ ਨੇ ਪਲੇਆਫ ਵੀ ਖੇਡਿਆ। ਉਸਨੇ ਸਾਲ 2014 ਅਤੇ 2015 ਵਿੱਚ ਇਸ ਟੀਮ ਦੇ ਨਾਲ ਇੱਕ ਸਲਾਹਕਾਰ ਵਜੋਂ ਕੰਮ ਕੀਤਾ ਹੈ। ਟੀਮ ਨੇ ਇਸ ਸੀਜ਼ਨ ਵਿੱਚ ਤੀਜਾ ਸਥਾਨ ਹਾਸਲ ਕੀਤਾ ਸੀ।
