ਨਵੀਂ ਦਿੱਲੀ 23 ਅਕਤੂਬਰ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : 30 ਅਕਤੂਬਰ ਨੂੰ ਦਿਲਜੀਤ ਦੁਸਾਂਝ ਦਿੱਲੀ ਦੇ ਜਵਾਹਰਲਾਲ ਨਹਿਰੂ ਸਟੇਡੀਅਮ (JLN) ’ਚ ਪਰਫਾਰਮ ਕਰਨ ਵਾਲੇ ਸਨ। ਉਨ੍ਹਾਂ ਦਾ ‘ਔਰਾ ਇੰਡੀਆ ਟੂਰ’ (Aura India Tour) ਦਿੱਲੀ ਤੋਂ ਸ਼ੁਰੂ ਹੋਣ ਵਾਲਾ ਸੀ। ਟਿਕਟਾਂ ਦੀ ਵਿਕਰੀ ਵੀ ਸ਼ੁਰੂ ਹੋ ਗਈ ਸੀ, ਪਰ ਸ਼ਾਇਦ ਹੁਣ ਇਹ ਕੰਸਰਟ ਨਹੀਂ ਹੋਵੇਗਾ।
ਦਰਅਸਲ, ਦਿਲਜੀਤ ਦੁਸਾਂਝ ਦੇ ਕੰਨਸਰਟ ਨੂੰ ਦਿੱਲੀ ਪੁਲਿਸ (Delhi Police) ਵੱਲੋਂ ਪਰਮਿਸ਼ਨ ਨਹੀਂ ਮਿਲੀ ਹੈ। ਪਹਿਲਾਂ ਇਹ ਕੰਸਰਟ 1 ਨਵੰਬਰ ਨੂੰ ਹੋਣ ਵਾਲਾ ਸੀ ਪਰ 1984 ਦੇ ਸਿੱਖ-ਵਿਰੋਧੀ ਦੰਗਿਆਂ ਦੀ ਵਰ੍ਹੇਗੰਢ ਨਾਲ ਜੁੜੀ ਸੰਵੇਦਨਸ਼ੀਲਤਾ ਕਾਰਨ ਇਸ ਨੂੰ 30 ਅਕਤੂਬਰ ਨੂੰ ਰੱਖਿਆ ਗਿਆ ਸੀ ਪਰ ਹੁਣ ਇਸ ਨੂੰ ਮੁਲਤਵੀ (Postpone) ਕਰ ਦਿੱਤਾ ਗਿਆ ਹੈ।
ਨਹੀਂ ਹੋਵੇਗਾ ਦਿਲਜੀਤ ਦੁਸਾਂਝ ਦਾ ਕੰਸਰਟ?
ਬੁੱਕਮਾਈਸ਼ੋ (BookMyShow) ਨੂੰ ਲਿਖੇ ਇੱਕ ਪੱਤਰ ਵਿੱਚ ਪੁਲਿਸ ਡਿਪਟੀ ਕਮਿਸ਼ਨਰ (ਦੱਖਣੀ ਜ਼ਿਲ੍ਹਾ) ਦੇ ਦਫ਼ਤਰ ਵੱਲੋਂ ਕਿਹਾ ਗਿਆ, “14 ਅਕਤੂਬਰ 2026 ਦੀ ਅਰਜ਼ੀ ਦੇ ਸੰਦਰਭ ਵਿੱਚ ਤੁਹਾਨੂੰ ਸੂਚਿਤ ਕੀਤਾ ਜਾਂਦਾ ਹੈ ਕਿ 30 ਅਕਤੂਬਰ 2026 ਨੂੰ ਨਵੀਂ ਦਿੱਲੀ ਦੇ ਜਵਾਹਰਲਾਲ ਨਹਿਰੂ ਸਟੇਡੀਅਮ ਵਿੱਚ ‘ਦਿਲਜੀਤ ਦੁਸਾਂਝ ਦੇ ਔਰਾ ਇੰਡੀਆ ਟੂਰ ਦਿੱਲੀ’ ਦੇ ਆਯੋਜਨ ਲਈ ਤੁਹਾਡੀ ਬੇਨਤੀ ਦੀ ਸਾਡੇ ਦਫ਼ਤਰ ਵੱਲੋਂ ਸਮੀਖਿਆ ਕੀਤੀ ਗਈ ਹੈ।”
ਕਿਉਂ ਦਿਲਜੀਤ ਦੇ ਕੰਸਰਟ ਨੂੰ ਨਹੀਂ ਮਿਲੀ ਮਨਜ਼ੂਰੀ?
ਪੱਤਰ ਵਿੱਚ ਅੱਗੇ ਲਿਖਿਆ ਗਿਆ, “ਸੁਰੱਖਿਆ ਨਾਲ ਸਬੰਧਤ ਵਿਸ਼ੇਸ਼ ਖ਼ਤਰਿਆਂ ਦੇ ਇਨਪੁਟ ਅਤੇ ਚੱਲ ਰਹੇ ਤਿਉਹਾਰਾਂ ਦੇ ਸੀਜ਼ਨ ਕਾਰਨ ਸੁਰੱਖਿਆ ਅਤੇ ਕਾਨੂੰਨ-ਵਿਵਸਥਾ ਨਾਲ ਜੁੜੀਆਂ ਵੱਖ-ਵੱਖ ਜ਼ਿੰਮੇਵਾਰੀਆਂ ਅਤੇ ਹੋਰ ਅਹਿਮ ਕਾਨੂੰਨ-ਵਿਵਸਥਾ ਸਬੰਧੀ ਚਿੰਤਾਵਾਂ ਨੂੰ ਦੇਖਦਿਆਂ ਇਸ ਬੇਨਤੀ ਨੂੰ ਪ੍ਰਵਾਨ ਨਹੀਂ ਕੀਤਾ ਜਾ ਸਕਦਾ।”
ਭਾਰਤ ‘ਚ ਕਦੋਂ-ਕਦੋਂ ਹੈ ਦਿਲਜੀਤ ਦੁਸਾਂਝ ਦਾ ਕੰਸਰਟ?
ਦਿਲਜੀਤ ਦੁਸਾਂਝ ਦਾ ‘ਔਰਾ ਇੰਡੀਆ ਟੂਰ’ 5 ਦਸੰਬਰ ਤੱਕ ਚੱਲਣ ਵਾਲਾ ਹੈ। 30 ਅਕਤੂਬਰ ਨੂੰ ਦਿੱਲੀ ਦੇ JLN ਵਿੱਚ ਕੰਸਰਟ ਸੀ ਜੋ ਕਿ ਸ਼ਾਇਦ ਹੁਣ ਮੁਲਤਵੀ ਹੋ ਸਕਦਾ ਹੈ। ਉੱਥੇ ਹੀ, 6 ਹੋਰ ਸ਼ਹਿਰਾਂ ਵਿੱਚ ਦਿਲਜੀਤ ਪਰਫਾਰਮ ਕਰਨ ਵਾਲੇ ਸਨ। ਇਹ ਰਹੀ ਲਿਸਟ…
15 ਨਵੰਬਰ – ਇੰਦੌਰ (C21 ਇੰਸਟੇਟ)
21 ਨਵੰਬਰ – ਅਹਿਮਦਾਬਾਦ (ਨਰੇਂਦਰ ਮੋਦੀ ਸਟੇਡੀਅਮ)
27 ਨਵੰਬਰ – ਮੁੰਬਈ (ਮਹਾਲਕਸ਼ਮੀ ਰੇਸ ਕੋਰਸ)
29 ਨਵੰਬਰ – ਬੈਂਗਲੁਰੂ (ਨਾਈਸ ਗ੍ਰਾਊਂਡਜ਼)
5 ਦਸੰਬਰ – ਚੰਡੀਗੜ੍ਹ (TBA)
