ਨਵੀਂ ਦਿੱਲੀ 08 ਅਕਤੂਬਰ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : 75 ਸਾਲ ਦੀ ਉਮਰ ’ਚ ਦਿੱਗਜ ਅਦਾਕਾਰ ਨਾਨਾ ਪਾਟੇਕਰ (Nana Patekar) ਦਾ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੇ ਚਲੇ ਜਾਣ ਨਾਲ ਯਕੀਨੀ ਤੌਰ ‘ਤੇ ਹਿੰਦੀ ਸਿਨੇਮਾ ਵਿੱਚ ਇੱਕ ਯੁੱਗ ਦਾ ਅੰਤ ਹੋ ਗਿਆ ਹੈ। ਕਰੀਬ 5 ਦਹਾਕਿਆਂ ਤੱਕ ਬਤੌਰ ਐਕਟਰ ਇੰਡਸਟਰੀ ਵਿੱਚ ਰਾਜ ਕਰਨ ਵਾਲੇ ਨਾਨਾ ਨੇ ਆਪਣੇ ਐਕਟਿੰਗ ਕਰੀਅਰ ਦੌਰਾਨ ਕਈ ਸ਼ਾਨਦਾਰ ਫ਼ਿਲਮਾਂ ਵਿੱਚ ਕੰਮ ਕੀਤਾ। ਇਸ ਵਿਚਕਾਰ ਅਸੀਂ ਤੁਹਾਨੂੰ ਨਾਨਾ ਪਾਟੇਕਰ ਦੇ ਕਰੀਅਰ ਦੀਆਂ ਸਰਵੋਤਮ ਫ਼ਿਲਮਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਦੀ ਸੂਚੀ ਇਸ ਤਰ੍ਹਾਂ ਹੈ—
ਨਾਨਾ ਪਾਟੇਕਰ ਦੀਆਂ ਯਾਦਗਾਰੀ ਫ਼ਿਲਮਾਂ
ਸਾਲ 1978 ’ਚ ਆਈ ਫ਼ਿਲਮ ‘ਗਮਨ’ ਨਾਲ ਬਤੌਰ ਅਦਾਕਾਰ ਨਾਨਾ ਪਾਟੇਕਰ ਨੇ ਅਦਾਕਾਰੀ ਦੀ ਦੁਨੀਆ ’ਚ ਕਦਮ ਰੱਖਿਆ ਸੀ। ਆਪਣੇ ਸੁਨਹਿਰੀ ਐਕਟਿੰਗ ਕਰੀਅਰ ਦੌਰਾਨ ਨਾਨਾ ਨੇ ਕਰੀਬ 55-60 ਹਿੰਦੀ ਫ਼ਿਲਮਾਂ ਵਿੱਚ ਕੰਮ ਕੀਤਾ ਸੀ, ਜਿਨ੍ਹਾਂ ਨੇ ਉਨ੍ਹਾਂ ਨੂੰ ਸਿਨੇਮਾ ਜਗਤ ਦਾ ਸੁਪਰਸਟਾਰ ਬਣਾਇਆ। ਆਓ ਨਾਨਾ ਪਾਟੇਕਰ ਦੀਆਂ ਕੁਝ ਸਰਵੋਤਮ ਫ਼ਿਲਮਾਂ ਦੀ ਲਿਸਟ ‘ਤੇ ਇੱਕ ਨਜ਼ਰ ਮਾਰੀਏ—
ਆਜ ਕੀ ਆਵਾਜ਼ (Aaj Ki Awaaz) – 1984
ਪਰਿੰਦਾ (Parinda) – 1989
ਪ੍ਰਹਾਰ (Prahaar) – 1991
(Tiranga) – 1993
ਕ੍ਰਾਂਤੀਵੀਰ (Krantiveer) – 1994
ਅਗਨੀਸਾਕਸ਼ੀ (Agni Sakshi) – 1996
ਯਸ਼ਵੰਤ (Yeshwant) – 1997
ਸ਼ਕਤੀ (Shakti: The Power) – 2002
ਅਬ ਤੱਕ ਛੱਪਨ (Ab Tak Chhappan) – 2004
ਅਪਹਰਣ (Apaharan) – 2005
ਵੈਲਕਮ (Welcome) – 2007
ਇਨ੍ਹਾਂ ਫ਼ਿਲਮਾਂ ਲਈ ਮਿਲਿਆ ਰਾਸ਼ਟਰੀ ਪੁਰਸਕਾਰ
ਇਸ ਤੋਂ ਇਲਾਵਾ ਗੱਲ ਕੀਤੀ ਜਾਵੇ ਨਾਨਾ ਪਾਟੇਕਰ ਦੀਆਂ ਉਨ੍ਹਾਂ ਫ਼ਿਲਮਾਂ ਬਾਰੇ ਜਿਨ੍ਹਾਂ ਲਈ ਉਨ੍ਹਾਂ ਨੇ ਬਤੌਰ ਅਦਾਕਾਰ ਰਾਸ਼ਟਰੀ ਫ਼ਿਲਮ ਪੁਰਸਕਾਰ (National Film Award) ਨੂੰ ਆਪਣੇ ਨਾਮ ਕੀਤਾ ਸੀ। ਇਸ ਮਾਮਲੇ ਵਿੱਚ ਉਨ੍ਹਾਂ ਦੀਆਂ ਤਿੰਨ ਮੂਵੀਜ਼ ਦੇ ਨਾਮ ਸ਼ਾਮਲ ਹੁੰਦੇ ਹਨ, ਜਿਨ੍ਹਾਂ ਲਈ ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਉਨ੍ਹਾਂ ਨੇ ਨੈਸ਼ਨਲ ਐਅਵਾਰਡ ਜਿੱਤਿਆ ਸੀ:
ਪਰਿੰਦਾ – ਸਰਵੋਤਮ ਸਹਿ-ਅਦਾਕਾਰ (Best Supporting Actor)
ਕ੍ਰਾਂਤੀਵੀਰ – ਸਰਵੋਤਮ ਅਦਾਕਾਰ (Best Actor)
ਅਗਨੀਸਾਕਸ਼ੀ – ਸਰਵੋਤਮ ਸਹਿ-ਅਦਾਕਾਰ (Best Supporting Actor)
ਇਸ ਤਰ੍ਹਾਂ ਇੱਕ ਐਕਟਰ ਦੇ ਤੌਰ ‘ਤੇ ਨਾਨਾ ਪਾਟੇਕਰ ਨੇ ਹਿੰਦੀ ਸਿਨੇਮਾ ਵਿੱਚ ਆਪਣੀ ਅਮਿੱਟ ਛਾਪ ਛੱਡੀ ਸੀ। ਅੱਜ ਉਹ ਭਾਵੇਂ ਸਾਡੇ ਵਿਚਕਾਰ ਨਹੀਂ ਹਨ ਪਰ ਬਾਲਵੁੱਡ ਦੇ ਮਹਾਨ ਕਲਾਕਾਰ ਵਜੋਂ ਉਨ੍ਹਾਂ ਨੂੰ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ।
ਨਾਨਾ ਪਾਟੇਕਰ ਦੀਆਂ ਆਖ਼ਰੀ ਫ਼ਿਲਮਾਂ
ਡਾਇਰੈਕਟਰ ਅਨਿਲ ਸ਼ਰਮਾ ਦੀ ਫ਼ਿਲਮ ‘ਵਨਵਾਸ’ (2024) ਰਾਹੀਂ ਨਾਨਾ ਪਾਟੇਕਰ ਨੇ ਬਤੌਰ ਅਦਾਕਾਰ ਲੰਬੇ ਸਮੇਂ ਬਾਅਦ ਵੱਡੇ ਪਰਦੇ ‘ਤੇ ਵਾਪਸੀ ਕੀਤੀ ਸੀ। ਇਸ ਮੂਵੀ ਦੀ ਭਾਵੁਕ ਕਹਾਣੀ ਅਤੇ ਨਾਨਾ ਦੀ ਦਮਦਾਰ ਅਦਾਕਾਰੀ ਨੇ ਹਰ ਕਿਸੇ ਦਾ ਦਿਲ ਜਿੱਤਿਆ। ਇਸ ਤੋਂ ਬਾਅਦ ਨਾਨਾ ਪਾਟੇਕਰ ਐਕਟਰ ਸ਼ਾਹਿਦ ਕਪੂਰ ਦੀ ਫ਼ਿਲਮ ‘ਓ ਰੋਮੀਓ’ (2026) ਵਿੱਚ ਨਜ਼ਰ ਆਏ ਸਨ। ਦੱਸ ਦਈਏ ਕਿ ਆਖ਼ਰੀ ਵਾਰ ਨਾਨਾ ਨੂੰ ਬਤੌਰ ਕਲਾਕਾਰ ਅਨਿਲ ਕਪੂਰ ਦੀ ਫ਼ਿਲਮ ‘ਸੂਬੇਦਾਰ’ ਵਿੱਚ ਕੈਮਿਓ ਰੋਲ ਨਿਭਾਉਂਦੇ ਹੋਏ ਦੇਖਿਆ ਗਿਆ।
