ਨਵੀਂ ਦਿੱਲੀ 10 ਜੂਨ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਸਰਕਾਰ ਦੀ ਨਵੀਂ ਪ੍ਰਾਈਸ ਸਟੇਬਲਾਈਜ਼ੇਸ਼ਨ ਸਕੀਮ ਤਹਿਤ, ਘਰੇਲੂ ਏਅਰਲਾਈਨਜ਼ ਹੁਣ ਤਿੰਨ ਸਾਲ ਤੱਕ ਦੇ ਲਈ ਐਵੀਏਸ਼ਨ ਟਰਬਾਈਨ ਫਿਊਲ ਦੀਆਂ ਕੀਮਤਾਂ ਤੈਅ ਕਰ ਸਕਦੀਆਂ ਹਨ। ਨਾਲ ਹੀ ਸਰਕਾਰੀ ਫਿਊਲ ਰਿਟੇਲਰਾਂ ਨੇ ਜੈੱਟ ਫਿਊਲ ਦੀਆਂ ਕੀਮਤਾਂ ਵਿੱਚ ਲਗਪਗ 10 ਫ਼ੀਸਦੀ ਦਾ ਵਾਧਾ ਕੀਤਾ ਹੈ।
ਨਵੀਂ ਵਿਵਸਥਾ ਤਹਿਤ, ਜਿਹੜੀਆਂ ਏਅਰਲਾਈਨਜ਼ ਇਸ ਸਵੈ-ਇੱਛਤ ਯੋਜਨਾ ਨੂੰ ਚੁਣਨਗੀਆਂ, ਉਨ੍ਹਾਂ ਨੂੰ ATF ਲਈ 115 ਰੁਪਏ ਪ੍ਰਤੀ ਲੀਟਰ ਦੀ ਤੈਅ ਕੀਮਤ ਚੁਕਾਉਣੀ ਹੋਵੇਗੀ। ਪਹਿਲਾਂ ਇਹ ਕੀਮਤ 104.927 ਰੁਪਏ ਪ੍ਰਤੀ ਲੀਟਰ ਸੀ।
ਫ੍ਰੇਮਵਰਕ ਤੋਂ ਬਾਹਰ ਰਹਿਣ ‘ਤੇ ਕੀ ਹੋਵੇਗਾ?
ਜਿਹੜੀਆਂ ਏਅਰਲਾਈਨਜ਼ ਇਸ ਫ੍ਰੇਮਵਰਕ ਤੋਂ ਬਾਹਰ ਰਹਿਣ ਦਾ ਫ਼ੈਸਲਾ ਕਰਦੀਆਂ ਹਨ, ਉਹ ਮਾਰਕੀਟ ਨਾਲ ਜੁੜੇ ਰੇਟ ‘ਤੇ ਹੀ ਫਿਊਲ ਖ਼ਰੀਦਦੀਆਂ ਰਹਿਣਗੀਆਂ। ਇਹ ਰੇਟ ਅਜੇ ਲਗਭਗ 142 ਰੁਪਏ ਪ੍ਰਤੀ ਲੀਟਰ ਹਨ, ਜੋ ਇੰਟਰਨੈਸ਼ਨਲ ਏਅਰਲਾਈਨਜ਼ ਵੱਲੋਂ ਚੁਕਾਈਆਂ ਜਾਣ ਵਾਲੀਆਂ ਕੀਮਤਾਂ ਦੇ ਬਰਾਬਰ ਹਨ।
ਸੂਤਰਾਂ ਮੁਤਾਬਕ, ਇਹ ਸਕੀਮ ਪੂਰੀ ਤਰ੍ਹਾਂ ਆਪਸ਼ਨਲ ਹੈ ਅਤੇ ਏਅਰਲਾਈਨਜ਼ ਖ਼ੁਦ ਤੈਅ ਕਰਨਗੀਆਂ ਕਿ ਉਹ ਇਸ ਵਿੱਚ ਸ਼ਾਮਲ ਹੋਣਾ ਚਾਹੁੰਦੀਆਂ ਹਨ ਜਾਂ ਨਹੀਂ। ਜਿਹੜੀਆਂ ਏਅਰਲਾਈਨਜ਼ ਇਸ ਵਿੱਚ ਸ਼ਾਮਲ ਹੋਣਗੀਆਂ, ਉਹ ਲਾਕ-ਇਨ ਪੀਰੀਅਡ (Lock-in Period) ਦੌਰਾਨ ਇੰਟਰਨੈਸ਼ਨਲ ਬੈਂਚਮਾਰਕ ਕੀਮਤਾਂ ਵਿੱਚ ਹੋਣ ਵਾਲੇ ਉਤਾਰ-ਚੜ੍ਹਾਅ ਤੋਂ ਸੁਰੱਖਿਅਤ ਰਹਿਣਗੀਆਂ। ਉੱਥੇ ਹੀ, ਜਿਹੜੀਆਂ ਏਅਰਲਾਈਨਜ਼ ਇਸ ਵਿੱਚ ਸ਼ਾਮਲ ਨਹੀਂ ਹੋਣਗੀਆਂ, ਉਨ੍ਹਾਂ ਨੂੰ ਕੀਮਤਾਂ ਘਟਣ ‘ਤੇ ਤਾਂ ਫਾਇਦਾ ਹੋ ਸਕਦਾ ਹੈ ਪਰ ਕੀਮਤਾਂ ਵਧਣ ‘ਤੇ ਉਸ ਦਾ ਬੋਝ ਵੀ ਉਨ੍ਹਾਂ ਨੂੰ ਹੀ ਚੁੱਕਣਾ ਹੋਵੇਗਾ।
