ਨਵੀਂ ਦਿੱਲੀ 08 ਜੂਨ 2026 (ਪੰਜਾਬੀ ਖਬਰਨਾਮਾ ਬਿਊਰੋ) : ਅਦਾਕਾਰਾ ਆਲੀਆ ਭੱਟ ਦਾ ਨਾਮ ਪਿਛਲੇ ਕੁਝ ਸਮੇਂ ਤੋਂ ਯਸ਼ਰਾਜ ਫ਼ਿਲਮਜ਼ ਦੀ ਸਪਾਈ ਥ੍ਰਿਲਰ ਫ਼ਿਲਮ ‘ਅਲਫ਼ਾ’ ਨੂੰ ਲੈ ਕੇ ਸੁਰਖੀਆਂ ਵਿੱਚ ਬਣਿਆ ਹੋਇਆ ਹੈ। ਇਸ ਮੂਵੀ ਵਿੱਚ ਆਲੀਆ ਦੇ ਨਾਲ ਅਦਾਕਾਰ ਬੌਬੀ ਦਿਓਲ, ਅਨਿਲ ਕਪੂਰ ਅਤੇ ਸ਼ਰਵਰੀ ਵਾਘ ਵਰਗੇ ਕਲਾਕਾਰ ਨਜ਼ਰ ਆਉਣਗੇ।
ਇਸੇ ਦੌਰਾਨ, ‘ਅਲਫ਼ਾ’ ਦੇ ਟੀਜ਼ਰ ਰਿਲੀਜ਼ ਨੂੰ ਲੈ ਕੇ ਇੱਕ ਨਵਾਂ ਅਪਡੇਟ ਸਾਹਮਣੇ ਆ ਰਿਹਾ ਹੈ। ਜਿਸ ਦੇ ਅਧਾਰ ‘ਤੇ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਕਿ ਆਲੀਆ ਦੀ ਇਸ ਆਉਣ ਵਾਲੀ ਮੂਵੀ ਦਾ ਟੀਜ਼ਰ ਕਦੋਂ ਰਿਲੀਜ਼ ਹੋਵੇਗਾ।
ਕਦੋਂ ਰਿਲੀਜ਼ ਹੋਵੇਗਾ ‘ਅਲਫ਼ਾ’ ਦਾ ਟੀਜ਼ਰ
‘ਟਾਈਗਰ’, ‘ਪਠਾਨ’ ਅਤੇ ‘ਵਾਰ’ ਵਰਗੀਆਂ ਸਫ਼ਲ ਸਪਾਈ ਥ੍ਰਿਲਰ ਫ੍ਰੈਂਚਾਈਜ਼ੀਜ਼ ਦਾ ਨਿਰਮਾਣ ਕਰਨ ਵਾਲੇ ਯਸ਼ਰਾਜ ਫ਼ਿਲਮਜ਼ ਦੇ ਸਪਾਈ ਯੂਨੀਵਰਸ ਦੀ ਅਗਲੀ ਪੇਸ਼ਕਸ਼ ‘ਅਲਫ਼ਾ’ ਹੈ। ਬਹੁਤ ਲੰਬੇ ਸਮੇਂ ਤੋਂ ‘ਅਲਫ਼ਾ’ ਦੀ ਚਰਚਾ ਹੋ ਰਹੀ ਹੈ ਅਤੇ ਜਦੋਂ ਤੋਂ ਇਸ ਦਾ ਅਧਿਕਾਰਤ ਐਲਾਨ ਹੋਇਆ ਹੈ, ਪ੍ਰਸ਼ੰਸਕ ਬੜੀ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
‘ਪਿੰਕਵਿਲਾ’ ਦੀ ਰਿਪੋਰਟ ਅਨੁਸਾਰ, ਨਿਰਮਾਤਾਵਾਂ ਵੱਲੋਂ ‘ਅਲਫ਼ਾ’ ਦਾ ਟੀਜ਼ਰ 10 ਜੂਨ 2026 ਨੂੰ ਰਿਲੀਜ਼ ਕਰ ਦਿੱਤਾ ਜਾਵੇਗਾ। ਹਾਲਾਂਕਿ, ਮੇਕਰਸ ਵੱਲੋਂ ਅਜੇ ਇਸ ਦੀ ਅਧਿਕਾਰਤ ਪੁਸ਼ਟੀ ਹੋਣੀ ਬਾਕੀ ਹੈ।
ਕਿਰਦਾਰਾਂ ਬਾਰੇ ਜਾਣਕਾਰੀ: ਇਸ ਮੂਵੀ ਵਿੱਚ ਆਲੀਆ ਭੱਟ ਦਾ ਕਿਰਦਾਰ ਕਾਫੀ ਅਹਿਮ ਰਹਿਣ ਵਾਲਾ ਹੈ। ਉਹ ਫ਼ਿਲਮ ਦੇ ਪਹਿਲੇ ਹਾਫ਼ ਵਿੱਚ ਸਪਾਈ ਐਂਜਟ ਦੇ ਰੂਪ ਵਿੱਚ ਨਜ਼ਰ ਨਹੀਂ ਆਵੇਗੀ ਪਰ ਦੂਜੇ ਹਾਫ਼ ਵਿੱਚ ਉਨ੍ਹਾਂ ਦੇ ਰੋਲ ਵਿੱਚ ਵੱਡਾ ਬਦਲਾਅ ਦੇਖਣ ਨੂੰ ਮਿਲੇਗਾ।
ਅਦਾਕਾਰਾ ਸ਼ਰਵਰੀ ਵਾਘ ਖੁਫ਼ੀਆ ਜਾਸੂਸ ਦੇ ਰੋਲ ਵਿੱਚ ਮੌਜੂਦ ਹੈ ਅਤੇ ਬੌਬੀ ਦਿਓਲ ਵਿਲੇਨ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਹਾਲਾਂਕਿ, ਅਜੇ ਅਨਿਲ ਕਪੂਰ ਦੇ ਰੋਲ ਨੂੰ ਲੈ ਕੇ ਕੋਈ ਅਪਡੇਟ ਸਾਹਮਣੇ ਨਹੀਂ ਆਇਆ ਹੈ।
ਅਜਿਹੀ ਸਥਿਤੀ ਵਿੱਚ ਹੁਣ ਸਾਰੇ ਸਿਨੇਮਾ ਪ੍ਰੇਮੀਆਂ ਨੂੰ ‘ਅਲਫ਼ਾ’ ਦੇ ਟੀਜ਼ਰ ਰਿਲੀਜ਼ ਦਾ ਇੰਤਜ਼ਾਰ ਹੈ। 10 ਜੂਨ ਨੂੰ ਇਹ ਸਾਫ਼ ਹੋ ਜਾਵੇਗਾ ਕਿ ਇਸ ਸਪਾਈ ਥ੍ਰਿਲਰ ਵਿੱਚ ਕੀ ਕੁਝ ਖ਼ਾਸ ਦੇਖਣ ਨੂੰ ਮਿਲੇਗਾ।
ਕਦੋਂ ਰਿਲੀਜ਼ ਹੋਵੇਗੀ ‘ਅਲਫ਼ਾ’
ਪਹਿਲਾਂ ਆਲੀਆ ਭੱਟ ਸਟਾਰਰ ਫ਼ਿਲਮ ‘ਅਲਫ਼ਾ’ ਨੂੰ ਬੀਤੇ ਅਪ੍ਰੈਲ ਦੇ ਮਹੀਨੇ ਵਿੱਚ ਰਿਲੀਜ਼ ਕੀਤਾ ਜਾਣਾ ਸੀ। ਪਰ ਮੇਕਰਸ ਵੱਲੋਂ ਇਸ ਦੀ ਰਿਲੀਜ਼ ਡੇਟ ਵਿੱਚ ਬਦਲਾਅ ਕੀਤਾ ਗਿਆ ਅਤੇ ਹੁਣ ਇਹ ਫ਼ਿਲਮ 10 ਜੁਲਾਈ 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ।
ਇੰਨਾ ਹੀ ਨਹੀਂ, ‘ਅਲਫ਼ਾ’ ਨੂੰ ਇਸ ਸਾਲ ਦੀ ਸਭ ਤੋਂ ਵੱਡੀ ਰਿਲੀਜ਼ ਵਜੋਂ ਦੇਖਿਆ ਜਾ ਰਿਹਾ ਹੈ। ਅਜਿਹੇ ਵਿੱਚ ਬਾਕਸ ਆਫਿਸ ‘ਤੇ ਇਹ ਮੂਵੀ ਕੀ ਕਮਾਲ ਦਿਖਾਏਗੀ, ਇਹ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ।
