ਨਵੀਂ ਦਿੱਲੀ, 25 ਫਰਵਰੀ 2026 (ਪੰਜਾਬੀ ਖਬਰਨਾਮਾ ਬਿਊਰੋ):- ਸੁਪਰਸਟਾਰ ਅਮਿਤਾਭ ਬੱਚਨ ਹਰ ਐਤਵਾਰ ਆਪਣੇ ਘਰ ਦੇ ਬਾਹਰ ਪ੍ਰਸ਼ੰਸਕਾਂ ਨੂੰ ਮਿਲਦੇ ਹਨ ਅਤੇ ਇਹ ਸਿਲਸਿਲਾ ਦਹਾਕਿਆਂ ਤੋਂ ਚੱਲ ਰਿਹਾ ਹੈ ਹਾਲਾਂਕਿ ਬੀਤਿਆ ਐਤਵਾਰ ਥੋੜ੍ਹਾ ਵੱਖਰਾ ਰਿਹਾ ਕਿਉਂਕਿ ਅਦਾਕਾਰ ਨੇ ਆਪਣੇ ਬਲੌਗ ਰਾਹੀਂ ਦੱਸਿਆ ਕਿ ਉਹ ਕੰਮ ਵਿੱਚ ਰੁੱਝੇ ਹੋਣ ਕਾਰਨ ਪ੍ਰਸ਼ੰਸਕਾਂ ਨੂੰ ਨਹੀਂ ਮਿਲ ਸਕਣਗੇ।
ਦਰਅਸਲ, ਬਿਗ ਬੀ ਇਸ ਵੇਲੇ ਹੈਦਰਾਬਾਦ ਵਿੱਚ ਫ਼ਿਲਮ ‘ਕਲਕੀ 2898 AD’ ਦੇ ਸੀਕਵਲ ਦੀ ਸ਼ੂਟਿੰਗ ਕਰ ਰਹੇ ਹਨ। ਉਨ੍ਹਾਂ ਨੇ ਸੈੱਟ ਤੋਂ ਕੁਝ ਬੈਕ-ਦ-ਸੀਨ (BTS) ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹਨ, ਜੋ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ।
ਪ੍ਰਸ਼ੰਸਕਾਂ ਨੂੰ ਨਹੀਂ ਮਿਲ ਸਕੇ ਅਮਿਤਾਭ
ਮੰਗਲਵਾਰ ਨੂੰ ਅਮਿਤਾਭ ਬੱਚਨ ਨੇ ਆਪਣੇ ਘਰ ‘ਜਲਸਾ’ ਦੇ ਬਾਹਰ ਦੀਆਂ ਤਸਵੀਰਾਂ ਪੋਸਟ ਕੀਤੀਆਂ, ਜਿੱਥੇ ਉਨ੍ਹਾਂ ਨੂੰ ਦੇਖਣ ਲਈ ਪ੍ਰਸ਼ੰਸਕਾਂ ਦੀ ਭਾਰੀ ਭੀੜ ਇਕੱਠੀ ਹੋਈ ਸੀ। ਉਨ੍ਹਾਂ ਲਿਖਿਆ, “ਮੈਂ ਉਨ੍ਹਾਂ ਨੂੰ ਦੱਸਿਆ ਸੀ ਕਿ ਇਸ ਐਤਵਾਰ ਮੈਂ ਨਹੀਂ ਆ ਸਕਾਂਗਾ ਕਿਉਂਕਿ ਮੈਂ ਹੈਦਰਾਬਾਦ ਵਿੱਚ ਸ਼ੂਟਿੰਗ ਕਰ ਰਿਹਾ ਹਾਂ… ਪਰ ਫਿਰ ਵੀ ਉਹ ਆਏ… ਸਿਰਫ਼ ਦੇਖਣ ਲਈ…”
ਗ੍ਰਿਫ਼ਤਾਰ’ ਤੋਂ ਬਾਅਦ ਮੁੜ ਆਏ ਨਜ਼ਰ
ਅਮਿਤਾਭ ਨੇ ਸਾਲਾਂ ਬਾਅਦ ਦਿੱਗਜ ਅਦਾਕਾਰ ਕਮਲ ਹਾਸਨ ਨਾਲ ਕੰਮ ਕਰਨ ‘ਤੇ ਆਪਣੀ ਖੁਸ਼ੀ ਜ਼ਾਹਰ ਕੀਤੀ। ਇਨ੍ਹਾਂ ਦੋਵਾਂ ਨੇ ਆਖਰੀ ਵਾਰ ਸਾਲ 1985 ਵਿੱਚ ਰਿਲੀਜ਼ ਹੋਈ ਫ਼ਿਲਮ ‘ਗਿਰਫ਼ਤਾਰ’ ਵਿੱਚ ਇਕੱਠੇ ਕੰਮ ਕੀਤਾ ਸੀ।
ਤਸਵੀਰਾਂ ਦੇ ਨਾਲ ਕੈਪਸ਼ਨ ਵਿੱਚ ਉਨ੍ਹਾਂ ਲਿਖਿਆ, “ਮਹਾਨ ਕਮਲ ਹਾਸਨ ਨਾਲ ਮੁਲਾਕਾਤ ਹੋਈ, ਅਸੀਂ ਸਾਲਾਂ ਬਾਅਦ ਇਕੱਠੇ ਕੰਮ ਕਰਾਂਗੇ… ਆਖਰੀ ਵਾਰ ‘ਗ੍ਰਿਫਤਾਰ’ ਵਿੱਚ ਕੀਤਾ ਸੀ।” ਅਮਿਤਾਭ ਬੱਚਨ ‘ਕਲਕੀ 2’ ਵਿੱਚ ਇੱਕ ਵਾਰ ਫਿਰ ਅਸ਼ਵਥਾਮਾ ਦੇ ਦਮਦਾਰ ਕਿਰਦਾਰ ਵਿੱਚ ਨਜ਼ਰ ਆਉਣਗੇ।
ਕਮਲ ਹਾਸਨ ਦਾ ਵਿਲੱਖਣ ਕਿਰਦਾਰ
ਦੱਸ ਦੇਈਏ ਕਿ ਕਮਲ ਹਾਸਨ ਅਤੇ ਅਮਿਤਾਭ ਬੱਚਨ ਦੋਵੇਂ ‘ਕਲਕੀ 2898 AD’ ਦੇ ਪਹਿਲੇ ਭਾਗ ਦਾ ਹਿੱਸਾ ਸਨ। ਫ਼ਿਲਮ ਵਿੱਚ ਕਮਲ ਹਾਸਨ ਨੇ ਵਿਲਨ ਸੁਪਰੀਮ ਯਾਸਕਿਨ ਦੀ ਭੂਮਿਕਾ ਨਿਭਾਈ ਹੈ, ਜੋ ‘ਕੰਪਲੈਕਸ’ ਨਾਮਕ ਸ਼ਹਿਰ ਦਾ ਇੱਕ ਤਾਨਾਸ਼ਾਹ ਰਾਜਾ ਹੈ। ਉਹ ਅਮਰ ਅਤੇ ਜਵਾਨ ਰਹਿਣ ਲਈ ਤਕਨਾਲੋਜੀ ਦੀ ਮਦਦ ਨਾਲ ਕੁੜੀਆਂ ਦੇ ਭਰੂਣ ਦਾ ਇਸਤੇਮਾਲ ਕਰਦਾ ਹੈ। ਦੂਜੇ ਭਾਗ ਵਿੱਚ ਦੋਵਾਂ ਦਿੱਗਜਾਂ ਵਿਚਕਾਰ ਜ਼ਬਰਦਸਤ ਟੱਕਰ ਦੇਖਣ ਨੂੰ ਮਿਲੇਗੀ।
ਸੰਖੇਪ:
