ਨਵੀਂ ਦਿੱਲੀ, 13 ਫਰਵਰੀ 2026 (ਪੰਜਾਬੀ ਖਬਰਨਾਮਾ ਬਿਊਰੋ):- ਲੌਰੈਂਸ ਬਿਸ਼ਨੋਈ ਗੈਂਗ ਦੇ ‘ਹਰੀ ਬਾਕਸਰ’ ਨਾਮਕ ਵਿਅਕਤੀ ਨੇ ਇੱਕ ਨਵਾਂ ਆਡੀਓ ਸੰਦੇਸ਼ ਜਾਰੀ ਕੀਤਾ ਹੈ, ਜਿਸ ਵਿੱਚ ਅਦਾਕਾਰ ਰਣਵੀਰ ਸਿੰਘ ਅਤੇ ਫ਼ਿਲਮ ਨਿਰਮਾਤਾ ਰੋਹਿਤ ਸ਼ੈੱਟੀ ਨੂੰ ਧਮਕੀ ਦਿੱਤੀ ਗਈ ਹੈ। ਉਸ ਨੇ ਚਿਤਾਵਨੀ ਦਿੱਤੀ ਹੈ ਕਿ ਜੇਕਰ ਉਨ੍ਹਾਂ ਨੇ ਉਸ ਦੀਆਂ ਮੰਗਾਂ ਨਾ ਮੰਨੀਆਂ, ਤਾਂ ਉਨ੍ਹਾਂ ਦੇ ‘ਪੂਰੇ ਸਟਾਫ਼’ ਨੂੰ ਮਾਰ ਦਿੱਤਾ ਜਾਵੇਗਾ।
‘ਧੁਰੰਧਰ’ ਸਟਾਰ ਨੂੰ ਮਿਲੀ ਧਮਕੀ
ਰਿਕਾਰਡਿੰਗ ਵਿੱਚ ਬੋਲਣ ਵਾਲੇ ਨੇ ਲੌਰੈਂਸ ਬਿਸ਼ਨੋਈ ਗੈਂਗ ਦਾ ਹਰੀ ਬਾਕਸਰ ਹੋਣ ਦਾ ਦਾਅਵਾ ਕੀਤਾ ਅਤੇ ਕਿਹਾ ਕਿ ਇਹ ਮੈਸੇਜ ਪੂਰੇ ਬਾਲੀਵੁੱਡ ਲਈ ਹੈ, ਖ਼ਾਸ ਕਰਕੇ ਉਸ ਨੇ ਰਣਵੀਰ ਸਿੰਘ ਦਾ ਨਾਮ ਲਿਆ। ਉਸ ਵਿਅਕਤੀ ਨੇ ਦੋਸ਼ ਲਾਇਆ ਕਿ ਰਣਵੀਰ ਸਿੰਘ ਆਪਣੇ ਪਿਛਲੇ ਵਾਅਦਿਆਂ ਤੋਂ ਮੁਕਰ ਗਏ ਸਨ। ਉਸ ਨੇ ਅਦਾਕਾਰ ਨੂੰ ਸਮੇਂ ਸਿਰ ‘ਲਾਈਨ ‘ਤੇ ਵਾਪਸ ਆਉਣ’ ਜਾਂ ਨਤੀਜੇ ਭੁਗਤਣ ਦੀ ਚੇਤਾਵਨੀ ਦਿੱਤੀ ਹੈ।
.jpg)
ਆਡੀਓ ਵਿੱਚ ਕਿਹਾ ਗਿਆ, ‘ਰਣਵੀਰ ਸਿੰਘ, ਅਸੀਂ ਤੇਰੇ ਨਾਲ ਅਜਿਹਾ ਸਲੂਕ ਕਰਾਂਗੇ ਕਿ ਤੇਰੀਆਂ ਆਉਣ ਵਾਲੀਆਂ ਸੱਤ ਪੀੜ੍ਹੀਆਂ ਯਾਦ ਰੱਖਣਗੀਆਂ। ਤੈਨੂੰ ਸਲਾਹ ਦੇਣ ਅਤੇ ਲੋਕਾਂ ਨੂੰ ਪੁਲਿਸ ਸਟੇਸ਼ਨ ਜਾ ਕੇ ਸ਼ਿਕਾਇਤ ਕਰਨ ਦਾ ਬਹੁਤ ਸ਼ੌਕ ਹੈ। ਠੀਕ ਹੈ, ਤੂੰ ਵੀ ਸ਼ਿਕਾਇਤ ਕਰ ਦਿੱਤੀ। ਕੋਈ ਗੱਲ ਨਹੀਂ।’
ਸਟਾਫ਼ ਨੂੰ ਮਾਰਨ ਦੀ ਦਿੱਤੀ ਧਮਕੀ
ਅੱਗੇ ਕਿਹਾ ਗਿਆ, ‘ਹੁਣ ਧਿਆਨ ਨਾਲ ਸੁਣ। ਸਾਡੇ ਕੋਲ ਤੇਰੇ ਨਾਲ ਕੰਮ ਕਰਨ ਵਾਲੇ ਹਰ ਮੈਨੇਜਰ ਅਤੇ ਹਰ ਬੰਦੇ ਦੀ ਪੂਰੀ ਡਿਟੇਲ ਹੈ—ਉਹ ਕਿੱਥੇ ਰਹਿੰਦੇ ਹਨ, ਦਫ਼ਤਰ ਕਦੋਂ ਜਾਂਦੇ ਹਨ, ਕਦੋਂ ਵਾਪਸ ਆਉਂਦੇ ਹਨ ਅਤੇ ਉਨ੍ਹਾਂ ਦੇ ਪਰਿਵਾਰ ਕਿੱਥੇ ਰਹਿੰਦੇ ਹਨ। ਅਸੀਂ ਤੈਨੂੰ ਸਿੱਧਾ ਕੁਝ ਨਹੀਂ ਕਹਾਂਗੇ। ਅਸੀਂ ਤੇਰੇ ਹੇਠਾਂ ਕੰਮ ਕਰਨ ਵਾਲੇ ਲੋਕਾਂ ਨੂੰ ਨਿਸ਼ਾਨਾ ਬਣਾਉਣਾ ਸ਼ੁਰੂ ਕਰ ਦਿਆਂਗੇ। ਇੱਕ ਵਾਰ ਅਜਿਹਾ ਹੋ ਗਿਆ, ਤਾਂ ਤੈਨੂੰ ਹੋਸ਼ ਆ ਜਾਵੇਗੀ। ਅਸੀਂ ਤੇਰੇ ਪੂਰੇ ਸਟਾਫ਼ ਨੂੰ ਮਾਰ ਦਿਆਂਗੇ। ਅਜੇ ਵੀ ਸਮਾਂ ਹੈ, ਲਾਈਨ ‘ਤੇ ਆ ਜਾ।’
.jpg)
ਪੂਰੇ ਬਾਲੀਵੁੱਡ ਨੂੰ ਦਿੱਤੀ ਚਿਤਾਵਨੀ
ਧਮਕੀ ਵਿੱਚ ਰੋਹਿਤ ਸ਼ੈੱਟੀ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ। ਸੰਦੇਸ਼ ਵਿੱਚ ਪੂਰੀ ਹਿੰਦੀ ਫ਼ਿਲਮ ਇੰਡਸਟਰੀ ਨੂੰ ਚਿਤਾਵਨੀ ਦਿੱਤੀ ਗਈ ਹੈ ਕਿ ਜੋ ਕੋਈ ਵੀ ਗੈਂਗ ਦੀ ਕਾਲ ਨੂੰ ਨਜ਼ਰਅੰਦਾਜ਼ ਕਰੇਗਾ, ਉਸ ਨੂੰ ਨਤੀਜੇ ਭੁਗਤਣੇ ਪੈਣਗੇ। ਇਹ ਹਰੀ ਬਾਕਸਰ ਦੇ ਨਾਮ ਤੋਂ ਮਿਲੀ ਪਹਿਲੀ ਧਮਕੀ ਨਹੀਂ ਹੈ। ਹਾਲ ਹੀ ਵਿੱਚ ਰੋਹਿਤ ਸ਼ੈੱਟੀ ਦੇ ਮੁੰਬਈ ਸਥਿਤ ਘਰ ਦੇ ਬਾਹਰ ਕੁਝ ਅਣਪਛਾਤੇ ਹਮਲਾਵਰਾਂ ਵੱਲੋਂ ਕੀਤੀ ਗਈ ਫਾਇਰਿੰਗ ਵਿੱਚ ਵੀ ਉਸਦਾ ਨਾਮ ਆਇਆ ਸੀ।
ਪਿਛਲੇ ਸਾਲ ਕੈਨੇਡਾ ਵਿੱਚ ਕਾਮੇਡੀਅਨ ਕਪਿਲ ਸ਼ਰਮਾ ਦੇ ਇੱਕ ਕੈਫੇ ਵਿੱਚ ਫਾਇਰਿੰਗ ਦੀ ਘਟਨਾ ਤੋਂ ਬਾਅਦ, ਉਸੇ ਵਿਅਕਤੀ ਨੇ ਇੱਕ ਸੰਦੇਸ਼ ਜਾਰੀ ਕਰਕੇ ਜ਼ਿੰਮੇਵਾਰੀ ਲਈ ਸੀ ਅਤੇ ਬਾਲੀਵੁੱਡ ਦੇ ਲੋਕਾਂ ਨੂੰ ਧਮਕਾਇਆ ਸੀ। ਉਸ ਪਹਿਲੀ ਰਿਕਾਰਡਿੰਗ ਵਿੱਚ ਉਸਨੇ ਚੇਤਾਵਨੀ ਦਿੱਤੀ ਸੀ ਕਿ ਅਦਾਕਾਰ ਸਲਮਾਨ ਖ਼ਾਨ ਨਾਲ ਕੰਮ ਕਰਨ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਨਿਸ਼ਾਨਾ ਬਣਾਇਆ ਜਾਵੇਗਾ।
ਲੌਰੈਂਸ ਬਿਸ਼ਨੋਈ ਗੈਂਗ ਨਾਲ ਜੁੜੀਆਂ ਪਿਛਲੀਆਂ ਧਮਕੀਆਂ ਨੂੰ ਲੈ ਕੇ ਸੁਰੱਖਿਆ ਏਜੰਸੀਆਂ ਹਾਈ ਅਲਰਟ ‘ਤੇ ਹਨ, ਜਿਸ ਨੇ ਮਨੋਰੰਜਨ ਜਗਤ ਦੀਆਂ ਹਾਈ-ਪ੍ਰੋਫਾਈਲ ਸ਼ਖਸੀਅਤਾਂ ਨੂੰ ਵਾਰ-ਵਾਰ ਨਿਸ਼ਾਨਾ ਬਣਾਇਆ ਹੈ।
ਸੰਖੇਪ:
