24 ਸਤੰਬਰ, 2025 (ਪੰਜਾਬੀ ਖਬਰਨਾਮਾ ਬਿਊਰੋ):- ਨਵੀਂ ਦਿੱਲੀ : ਅਗਲੇ ਮਹੀਨੇ 1 ਅਕਤੂਬਰ ਤੋਂ ਕਈ ਬਦਲਾਅ ਹੋਣਗੇ। ਇਹ ਬਦਲਾਅ ਆਮ ਆਦਮੀ ਦੀ ਜੇਬ ‘ਤੇ ਵੱਡਾ ਅਸਰ ਪਾਉਣ ਵਾਲੇ ਹਨ। ਉਦਾਹਰਨ ਵਜੋਂ, ਹਰ ਮਹੀਨੇ ਦੀ ਪਹਿਲੀ ਤਰੀਕ ਨੂੰ ਐਲਪੀਜੀ ਸਿਲੰਡਰ ਦੇ ਭਾਅ ‘ਚ ਤਬਦੀਲੀ ਕੀਤੀ ਜਾਂਦੀ ਹੈ।
ਇਸੇ ਤਰ੍ਹਾਂ, ਟ੍ਰੇਨ ਟਿਕਟਾਂ ਤੋਂ ਲੈ ਕੇ ਯੂਪੀਆਈ ਤਕ ਤੁਹਾਨੂੰ ਅਗਲੇ ਮਹੀਨੇ ਕਈ ਵੱਡੇ ਬਦਲਾਅ ਦੇਖਣ ਨੂੰ ਮਿਲ ਸਕਦੇ ਹਨ। ਆਓ, ਇਨ੍ਹਾਂ ਤਬਦੀਲੀਆਂ ਬਾਰੇ ਇਕ-ਇਕ ਕਰਕੇ ਗੱਲ ਕਰੀਏ।
ਨਵੇਂ ਨਿਯਮ 1 ਅਕਤੂਬਰ 2025: ਕੀ-ਕੀ ਬਦਲ ਜਾਵੇਗਾ?
1. ਆਰਬੀਆਈ ਰੈਪੋ ਰੇਟ ‘ਚ ਕਟੌਤੀ
ਅਗਲੇ ਮਹੀਨੇ ਆਰਬੀਆਈ ਦੀ ਮੌਦ੍ਰਿਕ ਕਮੇਟੀ ਦੀ ਬੈਠਕ ਹੋਣ ਜਾ ਰਹੀ ਹੈ। ਇਸ ਬੈਠਕ ਦੌਰਾਨ ਰੈਪੋ ਰੇਟ ਤੇ ਹੋਰ ਵਿੱਤੀ ਸੰਬੰਧੀ ਫੈਸਲੇ ਲਏ ਜਾ ਸਕਦੇ ਹਨ। ਕਈ ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਵਾਰੀ ਵੀ ਆਰਬੀਆਈ ਰੈਪੋ ਰੇਟ ‘ਚ 0.25 ਫੀਸਦੀ ਦੀ ਕਟੌਤੀ ਕਰ ਸਕਦਾ ਹੈ। ਰੈਪੋ ਰੇਟ ਘਟਣ ਨਾਲ ਤੁਹਾਨੂੰ ਘੱਟ ਵਿਆਜ ‘ਤੇ ਲੋਨ ਮਿਲਦਾ ਹੈ ਤੇ ਇਸ ਨਾਲ ਈਐਮਆਈ ਤਹਿਤ ਜਾਣ ਵਾਲੀਆਂ ਕਿਸ਼ਤ ਵੀ ਘੱਟ ਹੋ ਜਾਂਦੀ ਹੈ।
2. ਯੂਪੀਆਈ ‘ਚ ਵੱਡਾ ਬਦਲਾਅ
ਮੀਡੀਆ ਰਿਪੋਰਟਾਂ ਅਨੁਸਾਰ, ਯੂਪੀਆਈ ਅਗਲੇ ਮਹੀਨੇ ਵੱਡਾ ਬਦਲਾਅ ਕਰਨ ਜਾ ਰਿਹਾ ਹੈ। ਯੂਪੀਆਈ ਆਪਣੀ ਪੀਟੂਪੀ ਸਰਵਿਸ ਬੰਦ ਕਰਨ ਵਾਲਾ ਹੈ, ਜਿਸ ਤਹਿਤ ਤੁਸੀਂ ਆਪਣੇ ਦੋਸਤ ਜਾਂ ਰਿਸ਼ਤੇਦਾਰਾਂ ਤੋਂ ਯੂਪੀਆਈ ਰਾਹੀਂ ਉਧਾਰ ਨਹੀਂ ਮੰਗ ਸਕੋਗੇ। ਯੂਪੀਆਈ ਆਪਣਾ ਕਲੈਕਟ ਜਾਂ ਪੁਲ ਟ੍ਰਾਂਜ਼ੈਕਸ਼ਨ ਫੀਚਰ ਬੰਦ ਕਰਨ ਜਾ ਰਿਹਾ ਹੈ। ਇਹ ਬਦਲਾਅ ਸੁਰੱਖਿਆ ਨੂੰ ਧਿਆਨ ‘ਚ ਰੱਖਦੇ ਹੋਏ ਕੀਤਾ ਗਿਆ ਹੈ।
3. ਟ੍ਰੇਨ ਟਿਕਟ ਬੁਕਿੰਗ ‘ਚ ਬਦਲਾਅ
1 ਅਕਤੂਬਰ ਤੋਂ ਰੇਲਵੇ ਉਨ੍ਹਾਂ ਯਾਤਰੀਆਂ ਨੂੰ ਤਰਜੀਹ ਦੇਵੇਗਾ ਜੋ ਆਧਾਰ ਵੈਰੀਫਾਈਡ ਹੋਣਗੇ। ਅਜਿਹੇ ਯਾਤਰੀਆਂ ਨੂੰ ਰੇਲਵੇ ਟਿਕਟ ਬੁਕਿੰਗ ਖੁੱਲ੍ਹਣ ਤੋਂ 15 ਮਿੰਟ ਪਹਿਲਾਂ ਤਰਜੀਹ ਦਿੱਤੀ ਜਾਵੇਗੀ। ਇਸ ਦਾ ਅਰਥ ਹੈ ਕਿ ਅਜਿਹੇ ਯਾਤਰੀ 15 ਮਿੰਟ ਪਹਿਲਾਂ ਹੀ ਟਿਕਟ ਬੁਕ ਕਰ ਸਕਣਗੇ।
4. ਐਲਪੀਜੀ ਦੀ ਕੀਮਤ ‘ਚ ਬਦਲਾਅ
ਹਰ ਮਹੀਨੇ ਦੀ ਪਹਿਲੀ ਤਰੀਕ ਨੂੰ ਗੈਸ ਏਜੰਸੀ ਵੱਲੋਂ ਐਲਪੀਜੀ ਰੇਟ ਰਿਵਾਈਜ਼ ਕੀਤੇ ਜਾਂਦੇ ਹਨ। ਗੈਸ ਏਜੰਸੀ ਹਰ ਮਹੀਨੇ 14 ਕਿਲੋਗ੍ਰਾਮ ਵਾਲੇ ਘਰੇਲੂ ਸਿਲੰਡਰ ਤੇ 19 ਕਿਲੋਗ੍ਰਾਮ ਵਾਲੇ ਸਿਲੰਡਰ ਦੀਆਂ ਕੀਮਤਾਂ ‘ਚ ਬਦਲਾਅ ਕਰਦੀ ਹੈ।
