‘ਕੌਣ ਬਣੇਗਾ ਕਰੋੜਪਤੀ 16’ ਦੇ ਇੱਕ ਤਾਜ਼ਾ ਐਪੀਸੋਡ ਨੇ ਵਿਵਾਦ ਉਸ ਸਮੇਂ ਪੈਦਾ ਕਰ ਦਿੱਤਾ ਜਦੋਂ ਇੱਕ ਸਵਾਲ ਨੇ ਭਾਰਤ ਦੀ ਪਹਿਲੀ ਟਾਕੀ ਫਿਲਮ ‘ਆਲਮ ਆਰਾ’ ਦੀ ਸਟਾਰ ਅਦਾਕਾਰਾ ਜ਼ੁਬੈਦਾ ਦੀ ਜ਼ਿੰਦਗੀ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕੀਤਾ। ਮਾਮਲਾ 5 ਦਿਨ ਪੁਰਾਣਾ ਹੈ ਪਰ ਸੋਸ਼ਲ ਮੀਡੀਆ ‘ਤੇ ਇਸ ਦੀ ਕਾਫੀ ਚਰਚਾ ਹੋ ਰਹੀ ਹੈ। ਅਮਿਤਾਭ ਬੱਚਨ ਨੇ ਸ਼ੋਅ ਦੌਰਾਨ ਅਜਿਹੀ ਗਲਤੀ ਕਰ ਦਿੱਤੀ, ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਸ਼ੋਅ ਦੀ ਕਾਫੀ ਆਲੋਚਨਾ ਹੋ ਰਹੀ ਹੈ।
ਕੌਣ ਬਣੇਗਾ ਕਰੋੜਪਤੀ 16 ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹੈ। ਸੁਰਖੀਆਂ ਕਿਸੇ ਕਿੱਸੇ ਜਾਂ ਕਹਾਣੀ ਬਾਰੇ ਨਹੀਂ ਬਲਕਿ ਅਮਿਤਾਭ ਬੱਚਨ ਦੁਆਰਾ ਕੀਤੀ ਗਈ ਇੱਕ ਗਲਤੀ ਬਾਰੇ ਹੈ। ਪਰ ਇਸ ਗਲਤੀ ਦੇ ਪਿੱਛੇ ਪੂਰੀ ਰਿਸਰਚ ਟੀਮ ਹੈ, ਜਿਸ ਨੇ ਗਲਤ ਜਾਣਕਾਰੀ ਦਿੱਤੀ ਅਤੇ ਟ੍ਰੋਲਿੰਗ ਦਾ ਸ਼ਿਕਾਰ ਹੋਈ।
ਇਤਿਹਾਸ ਨਾਲ ਸਬੰਧਤ ਸੀ ਸਵਾਲ
ਦਰਅਸਲ, ਹਾਲ ਹੀ ਦੇ ਐਪੀਸੋਡ ‘ਚ ਵਰੁਣ ਧਵਨ ਨਿਰਦੇਸ਼ਕ ਰਾਜ ਐਂਡ ਡੀਕੇ ਦੀ ਆਉਣ ਵਾਲੀ ਸੀਰੀਜ਼ ‘ਸੀਟਾਡੇਲ’ ਨੂੰ ਪ੍ਰਮੋਟ ਕਰਨ ਪਹੁੰਚੇ ਸਨ। ਅਮਿਤਾਭ ਬੱਚਨ ਨੇ ਸ਼ੋਅ ‘ਚ ਇਤਿਹਾਸ ਨਾਲ ਜੁੜੇ ਇਕ ਸਵਾਲ ਨੂੰ ਲੈ ਕੇ ਦਰਸ਼ਕਾਂ ਨੂੰ ਗਲਤ ਜਾਣਕਾਰੀ ਦਿੱਤੀ, ਜਿਸ ਕਾਰਨ ਪੂਰਾ ਹੰਗਾਮਾ ਹੋ ਗਿਆ। ਸਵਾਲ ਇਹ ਸੀ- ‘ਇਹਨਾਂ ਵਿੱਚੋਂ ਕਿਹੜੀ ਅਭਿਨੇਤਰੀ ਜੋਧਪੁਰ ਦੇ ਆਪਣੇ ਪਤੀ ਮਹਾਰਾਜਾ ਹਨੂਮਤ ਸਿੰਘ ਦੇ ਨਾਲ ਇੱਕ ਜਹਾਜ਼ ਹਾਦਸੇ ਵਿੱਚ ਦੁਖਦਾਈ ਮੌਤ ਹੋਈ ਸੀ?
