14 ਅਕਤੂਬਰ 2024 : ਅਭਿਨੇਤਰੀ ਓਵੀਆ ਤਾਮਿਲ ਅਤੇ ਮਲਿਆਲਮ ਸਿਨੇਮਾ ਦੀ ਮਸ਼ਹੂਰ ਅਭਿਨੇਤਰੀ ਹੈ। ਉਨ੍ਹਾਂ ਦਾ ਅਸਲੀ ਨਾਮ ਹੈਲਨ ਨੇਲਸਨ ਹੈ, ਹਾਲਾਂਕਿ ਉਨ੍ਹਾਂ ਨੇ ਪ੍ਰਿਥਵੀਰਾਜ ਸੁਕੁਮਾਰਨ ਸਟਾਰਰ ਮਲਿਆਲਮ ਫਿਲਮ ‘ਕਾਂਗਾਰੂ’ ਨਾਲ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕੀਤੀ ਸੀ। ਜਦੋਂ ਉਨ੍ਹਾਂ ਨੂੰ 10 ਸਾਲ ਬਾਅਦ ‘ਬਿੱਗ ਬੌਸ ਤਮਿਲ 1’ ਦਾ ਹਿੱਸਾ ਬਣਨ ਦਾ ਮੌਕਾ ਮਿਲਿਆ ਤਾਂ ਉਨ੍ਹਾਂ ਦੀ ਪ੍ਰਸਿੱਧੀ ਦੁੱਗਣੀ ਹੋ ਗਈ। ਇਸ ਸ਼ੋਅ ਨੂੰ ਉਦੋਂ ਕਮਲ ਹਾਸਨ ਨੇ ਹੋਸਟ ਕੀਤਾ ਸੀ। ਹੁਣ ਇਹ ਅਦਾਕਾਰਾ ਆਪਣੇ ਇੱਕ ਨਿੱਜੀ ਵੀਡੀਓ ਕਾਰਨ ਸੁਰਖੀਆਂ ਵਿੱਚ ਹੈ।
ਇੰਟਰਨੈੱਟ ‘ਤੇ ਵਾਇਰਲ ਹੋਈ ਕਲਿੱਪ ‘ਚ ਅਦਾਕਾਰਾ ਇਤਰਾਜ਼ਯੋਗ ਹਾਲਤ ‘ਚ ਨਜ਼ਰ ਆ ਰਹੀ ਹੈ। ਕਈ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਦਾਅਵਾ ਕੀਤਾ ਹੈ ਕਿ ਇਹ ਡੀਪਫੇਕ ਵੀਡੀਓ ਹੈ। ਜਦੋਂ ਕਿ ਓਵੀਆ ਜਾਂ ਉਨ੍ਹਾਂ ਦੀ ਟੀਮ ਇਸ ਵਿਵਾਦਤ ਮਾਮਲੇ ‘ਤੇ ਸਿੱਧੇ ਤੌਰ ‘ਤੇ ਕਮੈਂਟ ਕਰਨ ਤੋਂ ਬਚ ਰਹੀ ਹੈ। ਉਨ੍ਹਾਂ ਨੇ ਸ਼ਨੀਵਾਰ, 12 ਅਕਤੂਬਰ ਨੂੰ ਇੰਸਟਾਗ੍ਰਾਮ ‘ਤੇ ਆਪਣੀ ਇੱਕ ਤਸਵੀਰ ਸਾਂਝੀ ਕੀਤੀ, ਜਿਸ ਦੇ ਕਮੈਂਟਸ ਵਿੱਚ ਇੱਕ ਨੇਟੀਜ਼ਨ ਨੇ ਉਨ੍ਹਾਂ ਨੂੰ ਟ੍ਰੋਲ ਕਰਨ ਦੀ ਕੋਸ਼ਿਸ਼ ਕੀਤੀ ਅਤੇ ਉਨ੍ਹਾਂ ਨੂੰ ਆਪਣੀ ਨਿੱਜੀ ਵੀਡੀਓ ਦਾ ਇੱਕ ਲੰਮਾ ਵਰਜਨ ਸਾਂਝਾ ਕਰਨ ਲਈ ਕਿਹਾ।
ਅਦਾਕਾਰਾ ਨੇ ਢੁੱਕਵਾਂ ਜਵਾਬ ਦਿੱਤਾ ਅਤੇ ਲਿਖਿਆ, ‘ਅਗਲੀ ਵਾਰ ਭਰਾ।’ ਹਾਲਾਂਕਿ, ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਇਸ ਪੋਸਟ ‘ਤੇ ਕਮੈਂਟ ਸੈਕਸ਼ਨ ਨੂੰ ਬੰਦ ਕਰ ਦਿੱਤਾ ਹੈ। ਕਮੈਂਟ ਦੇ ਸਕਰੀਨਸ਼ਾਟ ਪਹਿਲਾਂ ਹੀ ਐਕਸ ‘ਤੇ ਫੈਲਾਏ ਜਾ ਰਹੇ ਹਨ।
ਓਵੀਆ ਨੇ 2009 ‘ਚ ਫਿਲਮ ‘ਨਲਾਈ ਨਮਾਧੇ’ ਨਾਲ ਤਾਮਿਲ ਸਿਨੇਮਾ ‘ਚ ਆਪਣੀ ਸ਼ੁਰੂਆਤ ਕੀਤੀ ਸੀ। ਇਸ ਤੋਂ ਬਾਅਦ ਉਹ ‘ਸਿਲਾਨੂ ਓਰੂ ਸੰਦੀਪੂ’, ‘ਯਾਮਿਰੁਕਾ ਬਯਾਮੀ’, ‘ਹੈਲੋ ਨਾਨ ਪੇਈ ਪੇਸੁਰੇਨ’, ‘ਮੁਥੁੱਕੂ ਮੁਥਾਗਾ’ ਅਤੇ ‘ਗਣੇਸ਼ ਮੀਂਦੁਮ ਸੰਤੀਪੋਮ’ ਵਰਗੀਆਂ ਕਈ ਫਿਲਮਾਂ ਦਾ ਹਿੱਸਾ ਰਹੀ ਹੈ। ਅਭਿਨੇਤਰੀ ਨੂੰ ਆਖਰੀ ਵਾਰ 2024 ਦੇ ਤਾਮਿਲ ਕਾਮੇਡੀ ਡਰਾਮਾ ਬੂਮਰ ਅੰਕਲ ਵਿੱਚ ਦੇਖਿਆ ਗਿਆ ਸੀ, ਜਿਸ ਵਿੱਚ ਉਨ੍ਹਾਂ ਨੇ ਇੱਕ ਵਿਸ਼ੇਸ਼ ਭੂਮਿਕਾ ਨਿਭਾਈ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਓਵੀਆ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਵਿੱਚ ਮਲਿਆਲਮ ਫਿਲਮਾਂ ਵਿੱਚ ਸਪੋਰਟਿੰਗ ਰੋਲ ਨਿਭਾਏ ਸਨ। ‘ਕੰਗਾਰੂ’ (2007) ਤੋਂ ਇਲਾਵਾ ਉਨ੍ਹਾਂ ਨੇ ‘ਪੁਥੀਆ ਮੁਖਮ’ (2009), ‘ਅਪੂਰਵਾ’ (2008) ਵਰਗੀਆਂ ਫ਼ਿਲਮਾਂ ਕੀਤੀਆਂ। ਉਨ੍ਹਾਂ ਨੂੰ ਨਿਰਦੇਸ਼ਕ ਸਰਗੁਣਮ ਨੇ ‘ਕਾਲਾਵਾਨੀ’ (2010) ਲਈ ਅਪ੍ਰੋਚ ਕੀਤਾ ਸੀ। ਨਿਰਦੇਸ਼ਕ ਨੇ ਉਨ੍ਹਾਂ ਦੀ ਆਨਲਾਈਨ ਤਸਵੀਰ ਦੇਖ ਕੇ ਉਸ ਨੂੰ ਮੁੱਖ ਭੂਮਿਕਾ ਲਈ ਚੁਣਿਆ।
