10 ਸਤੰਬਰ 2024 : OYO ਦੇ ਆਉਣ ਤੋਂ ਬਾਅਦ ਲੋਕਾਂ ਲਈ ਟ੍ਰੈਵਲ ਕਰਦੇ ਹੋਏ ਹੋਟਲ ਬੁੱਕ ਕਰਨਾ ਕਾਫੀ ਆਸਾਨ ਹੋ ਗਿਆ ਹੈ। OYO ਉੱਤੇ ਤੁਹਾਨੂੰ ਰੂਮ ਸਸਤੇ ਰੈਂਟ ਉੱਤੇ ਮਿਲ ਜਾਂਦੇ ਹਨ ਪਰ ਨਾਲ ਹੀ ਵਿਕਲਪ ਵੀ ਬਹੁਤ ਸਾਰੇ ਮਿਲਦੇ ਹਨ। ਹੁਣ ਕੇਰਲ ਤੋਂ OYO ਹੋਟਲ ਨਾਲ ਜੁੜਿਆ ਇਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਏਰਨਾਕੁਲਮ District Consumer Disputes Redressal Commission ਨੇ OYO ਕਮਰਿਆਂ ‘ਤੇ ਜੁਰਮਾਨਾ ਲਗਾਇਆ ਹੈ। ਅਸਲ ਵਿੱਚ ਇੱਕ ਗਾਹਕ ਨੇ OYO ਰੂਮਜ਼ ਤੋਂ ਇੱਕ ਕਮਰਾ ਬੁੱਕ ਕਰਵਾਇਆ ਸੀ।
ਪਰ ਜਦੋਂ ਉਹ ਹੋਟਲ ਪਹੁੰਚਿਆ ਤਾਂ ਹੋਟਲ ਮਾਲਕ ਨੇ ਉਸ ਨੂੰ ਕਮਰਾ ਦੇਣ ਤੋਂ ਇਨਕਾਰ ਕਰ ਦਿੱਤਾ। TOI ਦੀ ਰਿਪੋਰਟ ਦੇ ਮੁਤਾਬਕ, OYO ਰੂਮਜ਼ ‘ਤੇ ਕਮਰਿਆਂ ਦੀ ਡਿਲੀਵਰੀ ਨਾ ਕਰਨ ‘ਤੇ 1.10 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ ਹੈ।
ਅਦਾਲਤ ਨੇ ਜੁਰਮਾਨਾ ਲਗਾਉਂਦੇ ਹੋਏ ਕਿਹਾ, ‘ਔਨਲਾਈਨ ਬੁਕਿੰਗ ਐਪਲੀਕੇਸ਼ਨ ਰਾਹੀਂ ਕਮਰਿਆਂ ਦੀ ਐਡਵਾਂਸ ਬੁਕਿੰਗ ਕਰਨ ਦੇ ਬਾਵਜੂਦ, ਸਰਵਿਸ ਦੀ ਘਾਟ ਅਤੇ ਅਨੈਤਿਕ ਬਿਜਨੈੱਸ ਪ੍ਰੈਕਟਿਸ ਕਾਰਨ ਪਰਿਵਾਰ ਨੂੰ ਨੁਕਸਾਨ ਹੋਇਆ ਹੈ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਰਾਤ ਨੂੰ ਆਪਣੇ ਬੱਚਿਆਂ ਅਤੇ ਬਜ਼ੁਰਗ ਮਾਤਾ-ਪਿਤਾ ਨਾਲ ਹੋਟਲ ਗਏ ਗਾਹਕ ਨੂੰ ਉਸ ਰਾਤ ਹੋਰ ਹੋਟਲ ਲੱਭਣ ਲਈ ਲੰਬਾ ਸਫ਼ਰ ਤੈਅ ਕਰਨਾ ਪਿਆ ਕਿਉਂਕਿ ਬੁਕਿੰਗ ਅਨੁਸਾਰ ਉਨ੍ਹਾਂ ਨੂੰ ਕਮਰੇ ਦੇਣ ਤੋਂ ਇਨਕਾਰ ਕਰ ਦਿੱਤਾ ਗਿਆ ਸੀ।
ਜਾਣਕਾਰੀ ਮੁਤਾਬਕ ਅਰੁਣ ਦਾਸ ਦੀ ਸ਼ਿਕਾਇਤ ਦੇ ਆਧਾਰ ‘ਤੇ ਅਦਾਲਤ ਨੇ ਵਿਰੋਧੀ ਧਿਰਾਂ ਨੂੰ 30 ਦਿਨਾਂ ਦੇ ਅੰਦਰ ਸ਼ਿਕਾਇਤਕਰਤਾਵਾਂ ਨੂੰ 1 ਲੱਖ ਰੁਪਏ ਮੁਆਵਜ਼ਾ ਅਤੇ 10,000 ਰੁਪਏ ਅਦਾਲਤੀ ਖਰਚਾ ਅਦਾ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਸ਼ਿਕਾਇਤਕਰਤਾ ਨੇ ਆਪਣੀ ਪਤਨੀ, ਬੱਚਿਆਂ ਅਤੇ ਮਾਤਾ-ਪਿਤਾ ਸਮੇਤ ਆਪਣੇ ਦਸ ਮੈਂਬਰੀ ਗਰੁੱਪ ਦੇ ਰਹਿਣ ਲਈ ਕੋਲਮ ਦੇ ਮੰਗਲਤ ਹੋਟਲ ਵਿੱਚ ਇੱਕ ਰਾਤ ਲਈ ਇੱਕ ਕਮਰਾ ਬੁੱਕ ਕਰਨ ਲਈ 2,933 ਰੁਪਏ ਦਾ ਭੁਗਤਾਨ ਕੀਤਾ।
ਉਸਨੇ ਸ਼ਿਕਾਇਤ ਵਿੱਚ ਕਿਹਾ, “ਜਦੋਂ ਅਸੀਂ ਰਾਤ 10 ਵਜੇ ਦੇ ਕਰੀਬ ਹੋਟਲ ਪਹੁੰਚੇ ਤਾਂ ਹੋਟਲ ਮਾਲਕ ਨੇ ਸਾਨੂੰ ਕਮਰਾ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਉਸ ਨੇ 2500 ਰੁਪਏ ਪ੍ਰਤੀ ਕਮਰੇ ਦਾ ਵਾਧੂ ਚਾਰਜ ਵੀ ਮੰਗਿਆ। “ਇਸ ਨਾਲ, ਉਨ੍ਹਾਂ ਨੂੰ ਆਪਣੇ ਬੱਚਿਆਂ ਅਤੇ ਬਜ਼ੁਰਗ ਮਾਪਿਆਂ ਨਾਲ ਰਾਤ ਭਰ ਟ੍ਰੈਵਲ ਕਰਨਾ ਪਿਆ ਅਤੇ ਕੋਈ ਹੋਰ ਹੋਟਲ ਲੱਭਣਾ ਪਿਆ।”
ਹੋਟਲ ਮਾਲਕ ਨੇ ਅਦਾਲਤ ਨੂੰ ਦੱਸਿਆ ਕਿ ਫਿਲਹਾਲ OYO ਰੂਮਜ਼ ਨਾਲ ਕੋਈ ਸਮਝੌਤਾ ਨਹੀਂ ਹੈ। ਪਰ ਇਹ ਦਲੀਲ ਸਾਬਤ ਨਹੀਂ ਹੋ ਸਕੀ। ਖਪਤਕਾਰ ਕਮਿਸ਼ਨ ਦੇ ਚੇਅਰਮੈਨ ਡੀਬੀ ਬਿਨੂ ਅਤੇ ਮੈਂਬਰ ਵੀ ਰਾਮਚੰਦਰਨ ਅਤੇ ਟੀਐਨ ਸ਼੍ਰੀਵਿਦਿਆ ਨੇ ਕਿਹਾ, “ਵਿਰੋਧੀ ਪਾਰਟੀਆਂ ਨੇ ਸ਼ਿਕਾਇਤਕਰਤਾ ਦੇ ਪਰਿਵਾਰ ਨਾਲ ਧੋਖਾ ਕੀਤਾ ਹੈ।
