14 ਅਗਸਤ 2024 : ਭਾਰਤ ‘ਚ ਬਹੁਤ ਸਾਰੇ ਲੋਕ ਵਾਲਾਂ ਨੂੰ ਸਿਹਤਮੰਦ ਰੱਖਣ ਲਈ ਵਾਲਾਂ ਦਾ ਤੇਲ ਲਗਾਉਂਦੇ ਹਨ। ਮਾਹਿਰ ਸਕਿੱਨ ਨੂੰ ਮੁਲਾਇਮ ਅਤੇ ਸਿਹਤਮੰਦ ਰੱਖਣ ਲਈ ਕਈ ਤਰ੍ਹਾਂ ਦੇ ਕੁਦਰਤੀ ਤੇਲ ਲਗਾਉਣ ਦੀ ਸਲਾਹ ਵੀ ਦਿੰਦੇ ਹਨ। ਪਰ ਕੀ ਤੁਸੀਂ ਕਦੇ ਆਪਣੀ ਜਾਂ ਧੁੰਨੀ ‘ਤੇ ਤੇਲ ਲਗਾਉਂਦੇ ਹੋ? ਤੁਹਾਨੂੰ ਇਹ ਥੋੜ੍ਹਾ ਅਜੀਬ ਲੱਗੇਗਾ ਪਰ ਨਾਭੀ ਜਾਂ ਧੁੰਨੀ ‘ਚ ਤੇਲ ਲਗਾਉਣਾ ਵੀ ਕਈ ਤਰ੍ਹਾਂ ਨਾਲ ਫਾਇਦੇਮੰਦ ਹੁੰਦਾ ਹੈ। ਆਓ ਜਾਣਦੇ ਹਾਂ ਨਾਭੀ ਜਾਂ ਧੁੰਨੀ ‘ਚ ਤੇਲ ਲਗਾਉਣ ਦੇ ਮਹੱਤਵ ਅਤੇ ਫਾਇਦੇ।
ਨਾਭੀ ਜਾਂ ਧੁੰਨੀ ਵਿੱਚ ਤੇਲ ਲਗਾਉਣ ਕਿਉਂ ਜ਼ਰੂਰੀ ਹੁੰਦਾ ਹੈ: ਡਾਇਟੀਸ਼ੀਅਨ ਅਮਨਪ੍ਰੀਤ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਕ ਪੋਸਟ ‘ਚ ਨਾਭੀ ਜਾਂ ਧੁੰਨੀ ‘ਚ ਤੇਲ ਲਗਾਉਣ ਦੇ ਮਹੱਤਵ ਅਤੇ ਫਾਇਦਿਆਂ ਬਾਰੇ ਅਹਿਮ ਜਾਣਕਾਰੀ ਦਿੱਤੀ ਹੈ। ਆਓ ਜਾਣਦੇ ਹਾਂ ਕੀ ਹੈ ਇਸਦਾ ਮਹੱਤਵ-
ਨਾਭੀ ਜਾਂ ਧੁੰਨੀ ਸਰੀਰ ਦਾ ਇੱਕ ਬਹੁਤ ਜ਼ਿਆਦਾ ਸੋਖਣ (Absorb) ਵਾਲਾ ਹਿੱਸਾ ਹੈ। ਅਜਿਹੇ ‘ਚ ਇੱਥੇ ਤੇਲ ਲਗਾਉਣ ਜਾਂ ਪਾਉਣ ਨਾਲ ਇਹ ਸਰੀਰ ਦੇ ਅੰਦਰ ਤੱਕ ਪਹੁੰਚ ਜਾਂਦਾ ਹੈ। ਨਾਭੀ ਜਾਂ ਧੁੰਨੀ ਨੂੰ ਊਰਜਾ ਕੇਂਦਰ ਮੰਨਿਆ ਜਾਂਦਾ ਹੈ। ਅਜਿਹੇ ‘ਚ ਇੱਥੇ ਤੇਲ ਲਗਾਉਣ ਨਾਲ ਸੰਤੁਲਿਤ ਊਰਜਾ ਬਣਾਈ ਰੱਖਣ ‘ਚ ਮਦਦ ਮਿਲ ਸਕਦੀ ਹੈ। ਇਹ ਵਿਧੀ ਡੀਟੌਕਸੀਫਿਕੇਸ਼ਨ ਵਰਗੇ ਪ੍ਰਭਾਵ ਦਿਖਾਉਂਦੀ ਹੈ। ਜਦੋਂ ਤੁਸੀਂ ਨਾਭੀ ਜਾਂ ਧੁੰਨੀ ਵਿੱਚ ਤੇਲ ਲਗਾਉਂਦੇ ਹੋ ਤਾਂ ਇਹ ਸਰੀਰ ਵਿੱਚੋਂ ਜ਼ਹਿਰੀਲੇ ਤੱਤਾਂ ਅਤੇ ਅਸ਼ੁੱਧੀਆਂ ਨੂੰ ਹਟਾਉਣ ਵਿੱਚ ਮਦਦ ਕਰ ਸਕਦੀ ਹੈ। ਨਾਭੀ ਜਾਂ ਧੁੰਨੀ ਪ੍ਰਜਨਨ ਪ੍ਰਣਾਲੀ ਨਾਲ ਜੁੜੀ ਹੋਈ ਹੈ। ਇਸ ‘ਤੇ ਤੇਲ ਲਗਾਉਣ ਨਾਲ ਹਾਰਮੋਨਸ ਨੂੰ ਨਿਯਮਤ ਕਰਨ ‘ਚ ਮਦਦ ਮਿਲ ਸਕਦੀ ਹੈ। ਨਾਭੀ ਜਾਂ ਧੁੰਨੀ ‘ਚ ਤੇਲ ਲਗਾਉਣਾ ਸਮੁੱਚੀ ਸਿਹਤ ਲਈ ਫਾਇਦੇਮੰਦ ਹੁੰਦਾ ਹੈ। ਇਸ ਨਾਲ ਸਰੀਰਕ, ਮਾਨਸਿਕ ਅਤੇ ਭਾਵਨਾਤਮਕ ਲਾਭ ਹੋ ਸਕਦੇ ਹਨ।
ਆਓ ਜਾਣਦੇ ਹਾਂ ਨਾਭੀ ਜਾਂ ਧੁੰਨੀ ‘ਚ ਤੇਲ ਲਗਾਉਣ ਦੇ ਕੀ-ਕੀ ਫਾਇਦੇ ਹੁੰਦੇ ਹਨ
1. ਜੇਕਰ ਤੁਹਾਨੂੰ ਮਾਹਵਾਰੀ ਦੇ ਦੌਰਾਨ ਪੇਟ ਦਰਦ, ਕੜਵੱਲ, ਪ੍ਰੀਮੇਨਸਟਰੂਅਲ ਸਿੰਡਰੋਮ ਦੇ ਲੱਛਣ ਨਜ਼ਰ ਆਉਂਦੇ ਹਨ, ਤਾਂ ਤੁਸੀਂ ਨਾਭੀ ਜਾਂ ਧੁੰਨੀ ਵਿੱਚ ਤਾਲ ਲਗਾ ਸਕਦੇ ਹੋ। ਪੇਟ ਦਰਦ ਹੋਣ ‘ਤੇ ਪੁਦੀਨੇ ਦਾ ਤੇਲ ਲਗਾਓ। ਮਾਸਪੇਸ਼ੀਆਂ ਨੂੰ ਆਰਾਮ ਦੇਣ ਦੇ ਨਾਲ-ਨਾਲ ਇਹ ਸੋਜ ਨੂੰ ਵੀ ਘੱਟ ਕਰਦਾ ਹੈ।
2. ਨਾਭੀ ਜਾਂ ਧੁੰਨੀ ‘ਤੇ ਤੇਲ ਲਗਾਉਣਾ ਸਹੀ ਪਾਚਨ ਨੂੰ ਬਣਾਈ ਰੱਖਣ ਅਤੇ ਬਲੋਟਿੰਗ ਦੀ ਸਮੱਸਿਆ ਤੋਂ ਬਚਣ ਦਾ ਇੱਕ ਸਿਹਤਮੰਦ ਤਰੀਕਾ ਹੈ।
3. ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਨੂੰ ਬੀਮਾਰੀਆਂ ਅਤੇ ਇਨਫੈਕਸ਼ਨ ਨਾ ਹੋਣ ਤਾਂ ਇਮਿਊਨਿਟੀ ਵਧਾਉਣ ਲਈ ਨਾਭੀ ਜਾਂ ਧੁੰਨੀ ‘ਚ ਤੇਲ ਲਗਾਓ।
4. ਅੱਜਕਲ ਜ਼ਿਆਦਾਤਰ ਲੋਕਾਂ ‘ਚ ਤਣਾਅ ਅਤੇ ਚਿੰਤਾ ਦੀ ਸਮੱਸਿਆ ਦੇਖਣ ਨੂੰ ਮਿਲਦੀ ਹੈ। ਜੇਕਰ ਤੁਹਾਨੂੰ ਵੀ ਪਰੇਸ਼ਾਨੀ ਹੋ ਰਹੀ ਹੈ ਤਾਂ ਕੁਝ ਦਿਨਾਂ ਤੱਕ ਨਾਭੀ ਜਾਂ ਧੁੰਨੀ ‘ਚ ਤੇਲ ਲਗਾਓ।
5. ਜੇਕਰ ਤੁਸੀਂ ਨਿਯਮਿਤ ਤੌਰ ‘ਤੇ ਅਜਿਹਾ ਕਰਦੇ ਹੋ ਤਾਂ ਤੁਹਾਡੀ ਨੀਂਦ ਦੀ ਗੁਣਵੱਤਾ ਵਿੱਚ ਸੁਧਾਰ ਹੋਵੇਗਾ। ਇਸ ਦੇ ਲਈ ਨਾਰੀਅਲ ਦਾ ਤੇਲ ਲਗਾਓ। ਇਸ ਨਾਲ ਤੁਸੀਂ ਆਰਾਮ ਮਹਿਸੂਸ ਕਰੋਗੇ।
6. ਨਾਭੀ ਜਾਂ ਧੁੰਨੀ ‘ਚ ਤੇਲ ਲਗਾਉਣ ਨਾਲ ਪ੍ਰਜਨਨ ਸਿਹਤ ਵਧਦੀ ਹੈ। ਇਸ ਦੇ ਲਈ ਤੁਸੀਂ ਨਾਰੀਅਲ ਦਾ ਤੇਲ ਲਗਾਓ। ਇਹ ਸਰਵਾਈਕਲ ਬਲਗਮ ਅਤੇ ਬੱਚੇਦਾਨੀ ਨੂੰ ਮਜ਼ਬੂਤ ਬਣਾਉਂਦਾ ਹੈ।
7. ਇਹ ਵਿਧੀ ਸੋਜ ਦੀ ਸਮੱਸਿਆ ਨੂੰ ਘੱਟ ਕਰ ਸਕਦੀ ਹੈ। ਜੋੜਾਂ ਵਿੱਚ ਸੋਜ ਹੋਵੇ ਤਾਂ ਨਾਭੀ ਜਾਂ ਧੁੰਨੀ ਵਿੱਚ ਤਿਲ ਦਾ ਤੇਲ ਲਗਾਓ, ਇਸ ਨਾਲ ਲਾਭ ਮਿਲੇਗਾ।
8. ਨਾਭੀ ਜਾਂ ਧੁੰਨੀ ‘ਚ ਤੇਲ ਲਗਾਉਣ ਨਾਲ ਸਕਿਨ ਸਿਹਤਮੰਦ ਰਹਿੰਦੀ ਹੈ। ਸਕਿਨ ਵਿੱਚ ਸੁਧਾਰ ਹੁੰਦਾ ਹੈ। ਇਸ ਦੇ ਲਈ ਨਿੰਮ ਦਾ ਤੇਲ ਲਗਾਓ। ਇਸ ‘ਚ ਮੌਜੂਦ ਐਂਟੀ-ਬੈਕਟੀਰੀਅਲ ਗੁਣ ਸਕਿਨ ਨੂੰ ਕਈ ਫਾਇਦੇ ਦਿੰਦੇ ਹਨ। ਪਿਗਮੈਂਟੇਸ਼ਨ ਅਤੇ ਦਾਗ-ਧੱਬਿਆਂ ਤੋਂ ਬਚਣ ਲਈ ਤੁਸੀਂ ਵਿਟਾਮਿਨ ਈ ਵਾਲਾ ਬਦਾਮ ਦਾ ਤੇਲ ਲਗਾ ਸਕਦੇ ਹੋ।
9. ਜੇਕਰ ਤੁਸੀਂ ਭਾਰ ਘਟਾਉਣ ਦੀ ਕੋਸ਼ਿਸ਼ ਕਰ ਰਹੇ ਹੋ ਤਾਂ ਤੁਸੀਂ ਇਸ ਤਰੀਕੇ ਨੂੰ ਅਜ਼ਮਾ ਸਕਦੇ ਹੋ।
10 ਇਹ ਵਿਧੀ ਸਰੀਰ ਵਿੱਚ ਊਰਜਾ ਦਾ ਸੰਚਾਰ ਕਰਦੀ ਹੈ। ਜੀਵਨਸ਼ਕਤੀ ਨੂੰ ਵਧਾਉਂਦੀ ਹੈ।
11. ਆਪਣੇ ਵਾਲਾਂ ਨੂੰ ਸੰਘਣੇ ਅਤੇ ਸਿਹਤਮੰਦ ਅਤੇ ਜੜ੍ਹਾਂ ਤੋਂ ਮਜ਼ਬੂਤ ਰੱਖਣ ਲਈ ਗੁਲਾਬ ਦਾ ਤੇਲ ਲਗਾਓ। ਇਸ ਨਾਲ ਵਾਲਾਂ ਦੇ ਰੋਮ ਵੀ ਮਜ਼ਬੂਤ ਹੁੰਦੇ ਹਨ।
