13 ਅਗਸਤ 2024 : ਸ਼ਹਿਰੀ ਜੀਵਨ ਵਿੱਚ, ਬਹੁਤ ਸਾਰੇ ਲੋਕ ਨਾਈਟ ਸ਼ਿਫਟ ਵਿੱਚ ਕੰਮ ਕਰਦੇ ਹਨ। ਦੂਜੇ ਪਾਸੇ ਕਈ ਤਰ੍ਹਾਂ ਦੀਆਂ ਮਜਬੂਰੀਆਂ ਅਤੇ ਕਈ ਭੈੜੀਆਂ ਆਦਤਾਂ ਕਾਰਨ ਅੱਜਕੱਲ੍ਹ ਲੋਕਾਂ ਨੂੰ ਦੇਰ ਰਾਤ ਤੱਕ ਜਾਗਦੇ ਰਹਿਣ ਦੀ ਆਦਤ ਪੈ ਗਈ ਹੈ। ਜੇਕਰ ਤੁਸੀਂ ਵੀ ਇਨ੍ਹਾਂ ‘ਚੋਂ ਇਕ ਹੋ ਤਾਂ ਸਾਵਧਾਨ ਹੋ ਜਾਓ ਕਿਉਂਕਿ ਰਾਤ ਦੀ ਨੀਂਦ ਖਰਾਬ ਕਰਨਾ ਕੈਂਸਰ ਦੀ ਵਜ੍ਹਾ ਵੀ ਬਣ ਸਕਦਾ ਹੈ। ਇਹ ਗੱਲ ਇੱਕ ਖੋਜ ਵਿੱਚ ਸਾਹਮਣੇ ਆਈ ਹੈ।
ਦਰਅਸਲ, ਇਸ ਦੇ ਪਿੱਛੇ ਸਾਡਾ ਇੱਕ ਹਾਰਮੋਨ ਜ਼ਿੰਮੇਵਾਰ ਹੁੰਦਾ ਹੈ। ਇਸ ਹਾਰਮੋਨ ਦੇ ਕਾਰਨ ਸਾਡੀ ਬਾਇਓਲੋਜੀਕਲ ਕਲੌਕ ਖਰਾਬ ਹੋ ਜਾਂਦਾ ਹੈ। ਜਦੋਂ ਬਾਇਓਲੋਜੀਕਲ ਕਲੌਕ ਖਰਾਬ ਹੁੰਦਾ ਹੈ ਤਾਂ ਛਾਤੀ, ਕੋਲੋਨ, ਓਵਰੀਜ ਅਤੇ ਪ੍ਰੋਸਟੇਟ ਕੈਂਸਰ ਦਾ ਖ਼ਤਰਾ ਕਈ ਗੁਣਾ ਵੱਧ ਜਾਂਦਾ ਹੈ। ਇੰਨਾ ਹੀ ਨਹੀਂ ਇਸ ਨਾਲ ਪੂਰੇ ਸਰੀਰ ਤੇ ਅਸਰ ਪੈਂਦਾ ਹੈ।
ਮੇਲਾਟੋਨਿਨ ਤੋਂ ਹੀ ਆਉਂਦੀ ਹੈ ਨੀਂਦ…
ਸਰਵੋਦਿਆ ਹਸਪਤਾਲ ਨਵੀਂ ਦਿੱਲੀ ਵਿੱਚ ਓਨਕੋਲੌਜੀ ਵਿਭਾਗ ਦੇ ਡਾਇਰੈਕਟਰ ਅਤੇ ਕੈਂਸਰ ਰੋਗ ਦੇ ਮਾਹਿਰ ਡਾ.ਦਿਨੇਸ਼ ਪੇਂਢਾਕਰਕਰ ਨੇ ਕਿਹਾ ਕਿ ਮੇਲਾਟੋਨਿਨ ਇੱਕ ਹਾਰਮੋਨ ਹੁੰਦਾ ਹੈ। ਮੇਲਾਟੋਨਿਨ ਹਾਰਮੋਨ ਰਾਤ ਦੇ ਸਮੇਂ ਜ਼ਿਆਦਾ ਰਿਲੀਜ਼ ਹੁੰਦਾ ਹੈ। ਇਹ ਦਿਮਾਗ ਤੋਂ ਨਿਕਲਦਾ ਹੈ ਅਤੇ ਪੂਰੇ ਸਰੀਰ ਨੂੰ ਆਰਾਮ ਦਿੰਦਾ ਹੈ ਅਤੇ ਗਹਿਰੀ ਨੀਂਦ ਲਿਆਉਂਦਾ ਹੈ। ਹਨ੍ਹੇਰਾ ਹੋਣ ‘ਤੇ ਇਹ ਹਾਰਮੋਨ ਜ਼ਿਆਦਾ ਰਿਲੀਜ਼ ਹੁੰਦਾ ਹੈ। ਬਦਕਿਸਮਤੀ ਨਾਲ, ਅੱਜ-ਕੱਲ੍ਹ ਜ਼ਿਆਦਾਤਰ ਲੋਕ ਦੇਰ ਰਾਤ ਤੱਕ ਰੌਸ਼ਨੀ ਵਿੱਚ ਰਹਿੰਦੇ ਹਨ। ਇਸ ਕਾਰਨ ਮੇਲਾਟੋਨਿਨ ਹਾਰਮੋਨ ਘੱਟ ਬਣਨ ਲੱਗਾ ਹੈ। ਮੇਲੋਟੋਨਿਨ ਹਾਰਮੋਨ ਦਾ ਕੰਮ ਨਾ ਸਿਰਫ਼ ਨੀਂਦ ਲਿਆਉਣਾ ਹੈ ਬਲਕਿ ਇਹ ਸਰੀਰ ਦੇ ਸਰਕੇਡੀਅਨ ਰਿਦਮ ਨੂੰ ਵੀ ਨਿਯੰਤਰਿਤ ਕਰਦਾ ਹੈ। ਜੇ ਸਰਕੇਡੀਅਨ ਲੈਅ ਵਿਗੜਦੀ ਹੈ, ਤਾਂ ਇਸ ਨਾਲ ਪੂਰੇ ਸਰੀਰ ਵਿੱਚ ਹਲਚਲ ਮੱਚ ਜਾਂਦੀ ਹੈ। ਸਟੱਡੀ ਵਿੱਚ ਪਾਇਆ ਗਿਆ ਹੈ ਕਿ ਸਰੀਰ ਵਿੱਚ ਮੇਲਾਟੋਨਿਨ ਲੈਵਲ ਅਤੇ ਕੋਲੋਰੈਕਟਲ, ਪ੍ਰੋਸਟੇਟ, ਛਾਤੀ, ਗੈਸਟਿਕ, ਅੰਡਕੋਸ਼, ਲੰਗ ਅਤੇ ਔਰਲ ਕੈਂਸਰ ਵਿਚਕਾਰ ਸਿੱਧਾ ਲਿੰਕ ਹੈ। ਦਰਅਸਲ, ਜਦੋਂ ਰਾਤ ਨੂੰ ਮੇਲਾਟੋਨਿਨ ਦਾ ਉਤਪਾਦਨ ਰਿਲੀਜ਼ ਹੁੰਦਾ ਹੈ, ਤਾਂ ਇਹ ਸੌਣ ਜਾਂ ਨੀਂਦ ਆਉਣ ਦਾ ਆਮ ਸਮਾਂ ਹੁੰਦਾ ਹੈ, ਪਰ ਜੇਕਰ ਕਿਸੇ ਨਾ ਕਿਸੇ ਕਾਰਨ ਤੁਸੀਂ ਚੰਗੀ ਤਰ੍ਹਾਂ ਨਹੀਂ ਸੌਂਦੇ ਹੋ ਤਾਂ ਸਰੀਰ ਵਿੱਚ ਮੇਲਾਟੋਨਿਨ ਦੀ ਮਾਤਰਾ ਘਟਣ ਲੱਗਦੀ ਹੈ। ਇਸ ਨਾਲ ਕਈ ਤਰ੍ਹਾਂ ਦੇ ਕੈਂਸਰ ਨੂੰ ਵਧਾਵਾ ਮਿਲਦਾ ਹੈ।
