(ਪੰਜਾਬੀ ਖਬਰਨਾਮਾ):ਪੰਜਾਬ ਦੇ ਫਾਜ਼ਿਲਕਾ ਤੋਂ ਇਨਸਾਨੀਅਤ ਨੂੰ ਸ਼ਰਮਸਾਰ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੋਂ ਦੀ ਕੈਂਟ ਰੋਡ ’ਤੇ ਇੱਕ ਵਿਅਕਤੀ ਨੇ ਗਾਂ ਦੇ ਵੱਛੇ ਦਾ ਸਿਰ ਵੱਢ ਕੇ ਆਪਣੇ ਘਰ ਵਿੱਚ ਲਟਕਾ ਦਿੱਤਾ। ਜਦੋਂ ਗਾਂ ਨੂੰ ਦੁੱਧ ਚੋਣਾ ਹੁੰਦਾ ਸੀ ਤਾਂ ਉਹ ਵੱਛੇ ਦਾ ਸਿਰ ਅੱਗੇ ਰੱਖ ਦਿੰਦੇ ਸਨ।
ਇਸ ਗੱਲ ਦਾ ਪਤਾ ਲੱਗਣ ‘ਤੇ ਹਿੰਦੂ ਸੰਗਠਨ ਦੇ ਲੋਕ ਭੜਕ ਗਏ ਅਤੇ ਪੁਲਸ ਦੇ ਨਾਲ ਉਕਤ ਵਿਅਕਤੀ ਦੇ ਘਰ ਪਹੁੰਚ ਗਏ। ਪੁਲਸ ਨੇ ਵੱਛੇ ਦਾ ਕੱਟਿਆ ਹੋਇਆ ਸਿਰ ਕਬਜ਼ੇ ਵਿੱਚ ਲੈ ਕੇ ਕੇਸ ਦਰਜ ਕਰਕੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
