ਨਵੀਂ ਦਿੱਲੀ (ਪੰਜਾਬੀ ਖਬਰਨਾਮਾ) 21 ਮਈ : ਈਰਾਨ ਦੇ ਰਾਸ਼ਟਰਪਤੀ ਇਬਰਾਹਿਮ ਰਾਇਸੀ ਨੂੰ ਲੈ ਕੇ ਜਾ ਰਿਹਾ ਹੈਲੀਕਾਪਟਰ ਐਤਵਾਰ ਨੂੰ ਸੰਘਣੀ ਧੁੰਦ ਕਾਰਨ ਪੂਰਬੀ ਅਜ਼ਰਬਾਈਜਾਨ ਸੂਬੇ ਦੇ ਪਹਾੜੀ ਜੰਗਲੀ ਖੇਤਰ ਵਿਚ ਪਹਾੜੀਆਂ ਵਿਚ ਹਾਦਸਾਗ੍ਰਸਤ ਹੋ ਗਿਆ। ਰਾਸ਼ਟਰਪਤੀ ਤੋਂ ਇਲਾਵਾ ਵਿਦੇਸ਼ ਮੰਤਰੀ ਹੁਸੈਨ ਅਮੀਰਬਦੁੱਲਾਯਾਨ ਅਤੇ ਸੱਤ ਹੋਰ ਦੀ ਮੌਤ ਹੋ ਗਈ।
ਮੌਕੇ ‘ਤੇ ਜਾ ਕੇ ਵਲੌਗਰ ਨੇ ਕੀਤਾ ਸੀਨ ਸ਼ੂਟ
ਖ਼ਰਾਬ ਮੌਸਮ ਕਾਰਨ ਖੋਜ ਅਤੇ ਬਚਾਅ ਟੀਮਾਂ ਨੂੰ ਹਾਦਸੇ ਵਾਲੀ ਥਾਂ ‘ਤੇ ਪਹੁੰਚਣ ਲਈ ਜੱਦੋ-ਜਹਿਦ ਕਰਨੀ ਪਈ ਅਤੇ ਸੋਮਵਾਰ ਤੜਕੇ ਹੀ ਉਹ ਉੱਥੇ ਪਹੁੰਚ ਸਕੀ। ਜ਼ਿਕਰਯੋਗ ਹੈ ਕਿ ਇਸ ਹਾਦਸੇ ਤੋਂ ਬਾਅਦ ਕੋਈ ਵੀ ਵਿਦੇਸ਼ੀ ਮੀਡੀਆ ਕਰੈਸ਼ ਵਾਲੀ ਥਾਂ ‘ਤੇ ਪਹੁੰਚਣ ਤੋਂ ਪਹਿਲਾਂ ਹੀ ਅਡੇਨ ਮੇਟਨ (Aden Metan) ਨਾਂ ਦਾ ਤੁਰਕੀ ਦਾ ਵਲੌਗਰ ਉੱਥੇ ਪਹੁੰਚ ਗਿਆ ਅਤੇ ਹੈਲੀਕਾਪਟਰ ਕਰੈਸ਼ ਵਾਲੀ ਥਾਂ ਨੂੰ ਆਪਣੇ ਕੈਮਰੇ ‘ਚ ਸ਼ੂਟ ਕਰਨਾ ਸ਼ੁਰੂ ਕਰ ਦਿੱਤਾ। ਉੱਥੇ ਹੀ ਉਨ੍ਹਾਂ ਖੁਦ ਘਟਨਾ ਵਾਲੀ ਥਾਂ ਦੀ ਜਾਣਕਾਰੀ ਦਿੱਤੀ।
ਵੀਡੀਓ ‘ਚ Aden ਨੇ ਦੱਸਿਆ ਕਿ ਹਾਦਸੇ ਤੋਂ ਬਾਅਦ ਹੈਲੀਕਾਪਟਰ ਦੇ ਤਿੰਨ ਟੁਕੜੇ ਹੋ ਗਏ। ਵਲੌਗਰ ਨੇ ਦਿਖਾਇਆ ਕਿ ਕਿਵੇਂ ਹੈਲੀਕਾਪਟਰ ਦਾ ਮਲਬਾ ਇੱਕ ਦਰੱਖਤ ਦੇ ਨੇੜੇ ਦੇਖਿਆ ਜਾ ਸਕਦਾ ਹੈ।
ਹਾਦਸੇ ਤੋਂ ਬਾਅਦ ਸੜ ਗਿਆ ਹੈਲੀਕਾਪਟਰ ਦਾ ਅਗਲਾ ਹਿੱਸਾ
ਖਰਾਬ ਮੌਸਮ ਦਾ ਅੰਦਾਜ਼ਾ ਵੀਡੀਓ ਦੇਖ ਕੇ ਲਗਾਇਆ ਜਾ ਸਕਦਾ ਹੈ। ਵੀਡੀਓ ‘ਚ Aden ਨੇ ਦੱਸਿਆ ਕਿ ਹੈਲੀਕਾਪਟਰ ਦਾ ਮਲਬਾ ਕਿੱਥੇ ਖਿੱਲਰਿਆ ਹੋਇਆ ਸੀ। ਵਲੌਗਰ ਨੇ ਅੱਗੇ ਦੱਸਿਆ ਕਿ ਹੈਲੀਕਾਪਟਰ ਦਾ ਅਗਲਾ ਹਿੱਸਾ ਸੜ ਗਿਆ ਹੈ। ਵੀਡੀਓ ‘ਚ ਵਲੌਗਰ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ ਹੈਲੀਕਾਪਟਰ ਦਾ ਅਗਲਾ ਹਿੱਸਾ ਡੂੰਘਾ ਜੰਗਲ ‘ਚ, ਢਲਾਨ ਤੋਂ ਹੇਠਾਂ ਹੈ, ਜਿੱਥੇ ਸਾਨੂੰ ਜਾਣ ਦੀ ਇਜਾਜ਼ਤ ਨਹੀਂ ਹੈ।
