ਨਵੀਂ ਦਿੱਲੀ, 13 ਦਸੰਬਰ 2024 (ਪੰਜਾਬੀ ਖਬਰਨਾਮਾ ਬਿਊਰੋ ) ਭਾਰਤ ਦੇ ਡੀ ਗੁਕੇਸ਼ ਨੇ ਸ਼ਤਰੰਜ ਦੀ ਦੁਨੀਆ ‘ਚ ਇਤਿਹਾਸ ਰਚ ਦਿੱਤਾ ਹੈ। 18 ਸਾਲਾ ਗੁਕੇਸ਼ ਸ਼ਤਰੰਜ ਦਾ ਨਵਾਂ ਵਿਸ਼ਵ ਚੈਂਪੀਅਨ ਬਣ ਗਏ ਹਨ। ਉਨ੍ਹਾਂ ਫਿਡੇ ਵਿਸ਼ਵ ਸ਼ਤਰੰਜ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ ਮੌਜੂਦਾ ਚੈਂਪੀਅਨ ਡਿੰਗ ਲੀਰੇਨ ਨੂੰ ਹਰਾ ਕੇ ਆਪਣੀ ਬਾਦਸ਼ਾਹਤ ਸਾਬਤ ਕੀਤੀ। ਭਾਰਤੀ ਗ੍ਰੈਂਡਮਾਸਟਰ ਨੇ 14ਵੀਂ ਗੇਮ ‘ਚ ਚੀਨ ਦੇ ਡਿੰਗ ਲਿਰੇਨ ਨੂੰ ਹਰਾ ਕੇ ਖਿਤਾਬ ਜਿੱਤਿਆ। ਗੁਕੇਸ਼ ਨੇ ਕਾਲੇ ਪੀਸਿਆਂ ਨਾਲ ਖੇਡਦੇ ਹੋਏ ਇਹ ਜਿੱਤ ਦਰਜ ਕੀਤੀ।
ਡੋਮਾਰਾਜੂ ਗੁਕੇਸ਼ ਨੇ ਵਿਸ਼ਵ ਸ਼ਤਰੰਜ ਚੈਂਪੀਅਨਸ਼ਿਪ ਜਿੱਤ ਕੇ ਇਤਿਹਾਸ ਵਿੱਚ ਕਈ ਪੰਨੇ ਜੋੜ ਦਿੱਤੇ ਹਨ। ਉਹ ਸ਼ਤਰੰਜ ਵਿੱਚ ਸਭ ਤੋਂ ਘੱਟ ਉਮਰ ਦਾ ਵਿਸ਼ਵ ਚੈਂਪੀਅਨ ਬਣ ਗਏ ਹਨ। ਇਸ ਜਿੱਤ ਦੇ ਨਾਲ ਹੀ ਡੀ ਗੁਕੇਸ਼ ਵਿਸ਼ਵ ਨਾਥਨ ਆਨੰਦ ਦੇ ਇਲੀਟ ਕਲੱਬ ਵਿੱਚ ਦਾਖਲ ਹੋ ਗਏ ਹਨ। ਉਹ ਵਿਸ਼ਵ ਚੈਂਪੀਅਨ ਬਣਨ ਵਾਲੇ ਭਾਰਤ ਦੇ ਸਿਰਫ਼ ਦੂਜੇ ਸ਼ਤਰੰਜ ਖਿਡਾਰੀ ਹਨ। ਵਿਸ਼ਵਨਾਥਨ ਆਨੰਦ ਇਹ ਉਪਲਬਧੀ ਹਾਸਲ ਕਰਨ ਵਾਲੇ ਪਹਿਲੇ ਭਾਰਤੀ ਖਿਡਾਰੀ ਹਨ।
ਭਾਰਤੀ ਗ੍ਰੈਂਡਮਾਸਟਰ ਡੀ ਗੁਕੇਸ਼ ਆਪਣੇ ਚੀਨੀ ਵਿਰੋਧੀ ਡਿੰਗ ਲਿਰੇਨ ਨਾਲ 13 ਬਾਜ਼ੀਆਂ ਤੋਂ ਬਾਅਦ 6.5-6.5 ਨਾਲ ਬਰਾਬਰੀ ‘ਤੇ ਰਹੇ। 14ਵੀਂ ਗੇਮ ਵਿੱਚ ਡਿੰਗ ਲੀਰੇਨ ਚਿੱਟੇ ਮੋਹਰਾਂ ਨਾਲ ਖੇਡ ਰਹੇ ਸੀ। ਅਜਿਹੇ ‘ਚ ਉਨ੍ਹਾਂ ਦਾ ਹੀ ਹੱਥ ਮੰਨਿਆ ਜਾਂਦਾ ਸੀ। ਪਰ ਡੀ ਗੁਕੇਸ਼ ਨੇ ਸਾਰੀਆਂ ਅਟਕਲਾਂ ਨੂੰ ਟਾਲ ਦਿੱਤਾ ਅਤੇ ਨਾ ਸਿਰਫ ਮੈਚ ਜਿੱਤਿਆ ਸਗੋਂ ਸਭ ਤੋਂ ਘੱਟ ਉਮਰ ਦੇ ਵਿਸ਼ਵ ਚੈਂਪੀਅਨ ਬਣਨ ਦਾ ਕਾਰਨਾਮਾ ਵੀ ਕੀਤਾ।
ਸੰਖੇਪ
18 ਸਾਲਾ ਡੀ ਗੁਕੇਸ਼ ਨੇ ਵਿਸ਼ਵ ਚੈਸ ਚੈਂਪੀਅਨਸ਼ਿਪ ਜਿੱਤੀ, ਜਿਸ ਨਾਲ ਉਸਨੇ ਚੀਨ ਦੀ ਲੰਬੀ ਸਾਲਾਂ ਤੋਂ ਚੱਲ ਰਹੀ ਬਾਦਸ਼ਾਹਤ ਨੂੰ ਖ਼ਤਮ ਕਰ ਦਿੱਤਾ। ਉਹ ਸਭ ਤੋਂ ਨੌਜਵਾਨ ਵਿਸ਼ਵ ਚੈਂਪੀਅਨ ਬਣੇ ਹਨ।
